ಪಿ.ಎಂ.ಜಿ.ಎಸ್.ವೈ ಯೋಜನೆಯಲ್ಲಿ ಒಳಗೊಂಡಿರುವ 13 ಸಿ.ಯು.ಸಿ.ಪಿ.ಎಲ್ ರಸ್ತೆಗಳ ಅನುಮೋದಿತ ಪಟ್ಟಿಗೆ ಯೋಜನಾ ಸಮಿತಿ ಅಂಗೀಕಾರ

                ಕಾಸರಗೋಡು:  ಜಿಲ್ಲಾ ಪಂಚಾಯತ್ ಪಿಎಂಜಿಎಸ್ ವೈ ಯೋಜನೆಯಲ್ಲಿ ಒಳಗೊಂಡಿರುವ ಸಿಯುಸಿಪಿಎಲ್ ರಸ್ತೆಗಳ ಪಟ್ಟಿಗೆ ಜಿಲ್ಲಾ ಯೋಜನಾ ಸಮಿತಿ ಅನುಮೋದನೆ ನೀಡಿದೆ. ಜಿಲ್ಲೆಯಲ್ಲಿ 13 ರಸ್ತೆಗಳು ಯೋಜನೆಯಲ್ಲಿ ಸೇರಿವೆ. ಈಗಾಗಲೇ ಐದು ರಸ್ತೆಗಳ ಕಾಮಗಾರಿ ಆರಂಭವಾಗಿದೆ. ಎಂಟು ರಸ್ತೆಗಳ ವಿಸ್ತೃತ ಯೋಜನಾ ವರದಿ ಸಿದ್ಧಪಡಿಸಲಾಗಿದೆ.

                 ಕರಿಚ್ಚೇರಿ-ಮೈಲಾಟ್ಟಿ-ಮಂಕೋಟ್-ದೇಳಿ ರಸ್ತೆ, ಪೈಕ-ಮಲ್ಲ-ಬೋವಿಕ್ಕಾನ ರಸ್ತೆ, ವಿದ್ಯಾನಗರ-ಮಾನ್ಯ-ನೀರ್ಚಾಲ್ ರಸ್ತೆ, ಚಾಯೋಂ-ಚಿರ್ರಾಪುರಂ-ಕಾನತುಮ್ಮುಳ ರಸ್ತೆ ಮತ್ತು ಇಚ್ಲಂಪಾಡಿ-ಅನಂತಪುರ-ನಾಯ್ಕಾಪು ರಸ್ತೆ ಪ್ರಗತಿಯಲ್ಲಿದೆ. ಮಣಿಯಂಪಾರೆ-ದೇರಡ್ಕ-ಶಿರಿಯಾ-ಕುರೆಡ್ಕ ರಸ್ತೆ, ಕ್ಯಾರಕೋಟ್-ಪರಕಳಲಿ ರಸ್ತೆ, ಅರ್ದುಕುಳಿ-ನೆಲ್ಲಿಕಟ್ಟೆ ರಸ್ತೆ, ಪೈಕ-ನೀರೋಲಿಪ್ಪಾರೆ- ಮುಳ್ಳೇರಿಯಾ ರಸ್ತೆ, ಮೀಯಪದವು-ದೈಗೋಳಿ-ಪೊಯ್ಯತಬೈಲ್-ನಂದಾರಪದವು ರಸ್ತೆ, ಮುನಂಬಿ-ಕಲ್ಲಳಿ-ಪೆರ್ಲಡ್ಕ, ಅಯಮಪ್ಪಾರ-ಕಲ್ಲಳಿ-ಪೆರ್ಲಡ್ಕ ರಸ್ತೆ. ನೆಡುಂಬಾ ರಸ್ತೆ ಮತ್ತು ಚಯೋತ್-ಕಾಂಜಿರಪೊಯಿಲ್ ರಸ್ತೆಯ ಡಿಪಿಆರ್ ನಡೆಯುತ್ತಿದೆ.

                  ಯೋಜನಾ ಸಮಿತಿ ಸಭೆಯ ಅಧ್ಯಕ್ಷತೆಯನ್ನು ಜಿಲ್ಲಾ ಪಂಚಾಯತ್ ಅಧ್ಯಕ್ಷೆ ಬೇಬಿ ಬಾಲಕೃಷ್ಣನ್ ವಹಿಸಿದ್ದರು. ಜಿಲ್ಲಾಧಿಕಾರಿ ಭಂಡಾರಿ ಸ್ವಾಗತ್ ರಣವೀರಚಂದ್ ಅವರು ಸ್ಥಳೀಯಾಡಳಿತ ಸಂಸ್ಥೆಗಳಿಗೆ ಯೋಜನೆಗಳ ಕುರಿತು ಸೂಚನೆ ನೀಡಿದರು. ಜಿಲ್ಲಾ ಯೋಜನಾಧಿಕಾರಿ ಎ.ಎಸ್.ಮಾಯಾ, ಡಿಪಿಸಿ ಸದಸ್ಯರಾದ ಎಂ. ಮನು, ನ್ಯಾಯವಾದಿ. ಎಸ್.ಎನ್.ಸರಿತಾ, ಜಾಸ್ಮಿನ್ ಕಬೀರ್, ಆರ್.ರೀಟಾ, ನಜ್ಮಾ ರಫಿ, ಕೆ. ಮಣಿಕಂಠನ್, ವಿ.ವಿ.ರಮೇಶನ್, ಕೆ.ಪಿ.ವತ್ಸಲನ್ ಮತ್ತಿತರರು ಮಾತನಾಡಿದರು.