ಮಲಯಾಳಂ ತಾರೆ ಅನುಪಮಾ ಪರಮೇಶ್ವರನ್ ಅವರ ತೆಲುಗು ಚಿತ್ರ ಬಟರ್ ಪ್ಲೈ ಒಟಿಟಿ ಮೂಲಕ ಬಿಡುಗಡೆಯಾಗಲಿದೆ ಎಂದು ವದಂತಿಗಳಿವೆ. ವರದಿಗಳ ಪ್ರಕಾರ, ನಿರ್ಮಾಪಕರು ಚಿತ್ರದ ಥಿಯೇಟರ್ ಬಿಡುಗಡೆಯನ್ನು ಬಿಟ್ಟು ಡಿಸ್ನಿ ಪ್ಲಸ್ ಹಾಟ್‍ಸ್ಟಾರ್ ಮೂಲಕ ಬಿಡುಗಡೆ ಮಾಡಲು ನಿರ್ಧರಿಸಿದ್ದಾರೆ. ರವಿಪ್ರಕಾಶ್ ಬೋಡಪಾಟಿ ಮತ್ತು ಪ್ರಸಾದ್ ತಿರುವಳ್ಳೂರಿ ನಿರ್ಮಿಸಿರುವ ಈ ಚಿತ್ರವನ್ನು ಘಂಟಾ ಸತೀಶ್ ಬಾಬು ನಿರ್ದೇಶಿಸಿದ್ದಾರೆ.
ಪೂರ್ತಿ ಥ್ರಿಲ್ಲರ್ ಆಗಿರುವ ಬಟರ್ ಫ್ಲೈ ಚಿತ್ರದಲ್ಲಿ ಅನುಪಮಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಮಾಮೂಲಿಗಿಂತ ಭಿನ್ನವಾಗಿ ಈ ನಟಿ ತಾಯಿಯಾಗಿ ಬರುತ್ತಿದ್ದಾರೆ. ಚಿತ್ರದ ಆರಂಭದಿಂದ ಅಂತ್ಯದವರೆಗೂ ಅನುಪ ಪಾತ್ರದ ಸುತ್ತಲೇ ಕಥೆ ಸುತ್ತುತ್ತದೆ. ಚಿತ್ರದ ಟೀಸರ್ ಉಪ ಶೀರ್ಷಿಕೆಗಳು 'ನಿಮ್ಮ ಕಣ್ಣು ಮತ್ತು ನಿಮ್ಮ ಮನಸ್ಸನ್ನು ನಂಬಬೇಡಿ' ಎಂದು ಹೇಳುತ್ತವೆ.
ಅನುಪಮಾ ಅವರಲ್ಲದೆ, ಚಿತ್ರದಲ್ಲಿ ನಿಹಾಲ್ ಕೊಡಟ್ಟಿ ಮತ್ತು ಭೂಮಿಕಾ ಚಾವ್ಲಾ ಸಹ ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ. ನಿರ್ದೇಶಕ ಘಂಟಾ ಸತೀಶ್ ಬಾಬು ಅವರೇ ಚಿತ್ರಕಥೆ ಬರೆದಿದ್ದು, ದಕ್ಷಿಣ್ ಶ್ರೀನಿವಾಸ್ ಸಂಭಾಷಣೆ ಬರೆದಿದ್ದಾರೆ. ಜನರೇಷನ್ ನೆಕ್ಸ್ಟ್ ಮೂವೀಸ್ ಬ್ಯಾನರ್. ಅನಂತ ಶ್ರೀರಾಮ್ ಚಿತ್ರದ ಗೀತರಚನೆಕಾರ. ಚಿತ್ರದಲ್ಲಿ ಕೆ.ಎಸ್.ಚಿತ್ರಾ ಅಲ್ಲದೆ ಅನುಪಮಾ ಪರಮೇಶ್ವರನ್ ಕೂಡ ಹಾಡಿದ್ದಾರೆ. ನಾರಾಯಣ ಚಿತ್ರದ ಕಾರ್ಯಕಾರಿ ನಿರ್ಮಾಪಕರು.
ಚಿತ್ರದ ಸಂಗೀತವನ್ನು ಆರ್ವಿಸ್ ಸಂಯೋಜಿಸಿದ್ದಾರೆ. ಪಾಂಚಜನ್ಯ ಪೋತರಾಜು ಪೆÇ್ರಡಕ್ಷನ್ ಕಂಟ್ರೋಲರ್. ಅನುಪಮಾ ಸದ್ಯ ತೆಲುಗು ಚಿತ್ರಗಳಲ್ಲಿ ಸಕ್ರಿಯರಾಗಿದ್ದಾರೆ. ನಟಿಗೆ ವಿವಿಧ ಭಾಷೆಗಳಲ್ಲಿ ಸಾಕಷ್ಟು ಅಭಿಮಾನಿಗಳಿದ್ದಾರೆ.
DOCTYPE html>
