ಈ ಬಾರಿ ಓಣಂ ಕಿಟ್ ಯಾರಿಗೆಲ್ಲ ಲಭ್ಯ: ವಿತರಣೆಯ ಬಗ್ಗೆ ಆತಂಕ: ರೇಶನ್ ಡೀಲರ್ಸ್ ಅಸೋಸಿಯೇಶನ್ ನಿಂದ ಅಪಸ್ವರ

 

                   ತಿರುವನಂತಪುರ: ಓಣಂ ಕಿಟ್ ವಿತರಣೆಗೆ ವೇಗ ನೀಡುವ ರಾಜ್ಯ ಸರ್ಕಾರದ ಕ್ರಮ ತೀವ್ರಗತಿಯಲ್ಲಿ ಸಾಗುತ್ತಿರುವಾಗಲೇ ಪಡಿತರ ವಿತರಕರ ಸಂಘ ಕಠಿಣ ನಿರ್ಧಾರ ಕೈಗೊಂಡಿದೆ. ಕೋವಿಡ್ ಅವಧಿಯಲ್ಲಿ ಕಿಟ್ ವಿತರಣೆಗೆ ಕಮಿಷನ್ ಇನ್ನಾದರೂ ಪಾವತಿಸದಿದ್ದಲ್ಲಿ ಸಂಘದ ಕಡೆಯಿಂದ ಕಠಿಣ ನಿರ್ಧಾರ ಕೈಗೊಳ್ಳುವ ಸಾಧ್ಯತೆ ಇದೆ ಎಂದು ವಿವಿಧ ಮಾಧ್ಯಮಗಳು ವರದಿಮಾಡಿದೆ.  

                    ಕೋವಿಡ್ ಸಮಯದಲ್ಲಿ ಕಿಟ್ ವಿತರಣೆಗೆ ನೀಡಬೇಕಾದ ಕಮಿಷನ್ ಮೊತ್ತವನ್ನು ಸರ್ಕಾರ ಹಸ್ತಾಂತರಿಸಿಲ್ಲ. ಕಮಿಷನ್ ಮೊತ್ತವನ್ನು ಕೂಡಲೇ ಪಾವತಿಸುವಂತೆ ಹೈಕೋರ್ಟ್ ಆದೇಶಿಸಿತ್ತು. ಐದು ತಿಂಗಳು ಕಳೆದರೂ ಈ ಬಗ್ಗೆ ಯಾವುದೇ ನಿರ್ಧಾರ ಕೈಗೊಂಡಿಲ್ಲ ಎಂದು ಪಡಿತರದಾರರು ಆರೋಪಿಸಿದ್ದಾರೆ.

               ಪಡಿತರ ವಿತರಕರ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಟಿ.ಮುಹಮ್ಮದಲಿ ಮಾತನಾಡಿ, ಕಿಟ್ ವಿತರಣೆಗೆ ಕಮಿಷನ್ ನೀಡುವಂತಿಲ್ಲ ಎಂಬ ಸರಕಾರದ ನಿಲುವನ್ನು ಒಪ್ಪಲು ಸಾಧ್ಯವಿಲ್ಲ. ಕೋವಿಡ್ ಯುಗದಲ್ಲಿ ಕಿಟ್ ವಿತರಣೆಗೆ ಸಂಬಂಧಿಸಿದಂತೆ ಸರ್ಕಾರವು ಪಡಿತರ ವ್ಯಾಪಾರಿಗಳಿಗೆ ಹನ್ನೊಂದು ತಿಂಗಳ ಕಮಿಷನ್ ಪಾವತಿಸಬೇಕು. ಇದೇ ವೇಳೆ ಕಿಟ್ ವಿತರಣೆ ಕುರಿತು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅಧಿಕೃತ ಘೋಷಣೆ ಮಾಡಲಿದ್ದಾರೆ ಎಂದು ಸಪ್ಲೈಕೋ ತಿಳಿಸಿದೆ.

                   ಸುಮಾರು 90 ಲಕ್ಷ ಪಡಿತರ ಚೀಟಿದಾರರಿಗೆ ಈ ಬಾರಿ ಉಚಿತ ಕಿಟ್ ಸಿಗಲಿದೆ. ಒಂದು ಕಿಟ್‍ಗೆ 500 ರೂ.ಮೌಲ್ಯವಿದೆ. ಈ ಬಾರಿ ಬಟ್ಟೆ ಚೀಲಗಳನ್ನು ನೀಡುವ ಚಿಂತನೆ ನಡೆದಿದೆ. ಉಚಿತ ಕಿಟ್ ಜೊತೆಗೆ ಓಣಂ ಪ್ರಯುಕ್ತ 1000 ರೂಪಾಯಿ ಮೌಲ್ಯದ ಬೇರೊಂದು ಆಹಾರ ಕಿಟ್ ವಿತರಿಸಲು ಸಪ್ಲೈಕೋ ಮಾತುಕತೆ ನಡೆಸುತ್ತಿದೆ.