ತಿರುವನಂತಪುರ: ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ರಾಜ್ಯದ ಸಚಿವರ ನವೀಕರಿಸಿದ ಅಧಿಕೃತ ವೆಬ್‍ಸೈಟ್‍ಗಳನ್ನು ಉದ್ಘಾಟಿಸಿದರು. ಸಿಡಿಟಿಯ ತಾಂತ್ರಿಕ ನೆರವಿನೊಂದಿಗೆ ಮಾಹಿತಿ ಸಾರ್ವಜನಿಕ ಸಂಪರ್ಕ ಇಲಾಖೆಯ ನಿರ್ದೇಶನದಲ್ಲಿ ಈ ವೆಬ್‍ಸೈಟ್‍ಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಎಲ್ಲಾ ಸಚಿವರಿಗೆ ಅಧಿಕೃತ ವೆಬ್‍ಸೈಟ್ ಹೊಂದಿರುವ ಮೊದಲ ರಾಜ್ಯ ಕೇರಳ ಎಂದು ಮುಖ್ಯಮಂತ್ರಿ ಕಚೇರಿ ಮಾಹಿತಿ ನೀಡಿದೆ.
ಸರ್ಕಾರದ ವ್ಯವಸ್ಥೆಗಳು ಮತ್ತು ಸಚಿವರ ಮಟ್ಟದಲ್ಲಿ ದೈನಂದಿನ ಚಟುವಟಿಕೆಗಳನ್ನು ನಿಖರವಾಗಿ ಮತ್ತು ಸಮಗ್ರವಾಗಿ ಸಾರ್ವಜನಿಕರಿಗೆ ತಲುಪಿಸುವ ರೀತಿಯಲ್ಲಿ ವೆಬ್‍ಸೈಟ್ ಅನ್ನು ವಿನ್ಯಾಸಗೊಳಿಸಲಾಗಿದೆ. ಸರ್ಕಾರದ ಸೇವೆಗಳು, ಯೋಜನೆಗಳು, ಸವಲತ್ತುಗಳು, ಹಕ್ಕುಗಳು ಇತ್ಯಾದಿಗಳ ಅಧಿಸೂಚನೆಗಳು ಈ ಡಿಜಿಟಲ್ ವ್ಯವಸ್ಥೆಯ ಮೂಲಕ ಲಭ್ಯವಾಗಲಿದ್ದು, ಸಚಿವರ ಮಟ್ಟದಲ್ಲಿ ನಡೆದ ಕೆಲಸವನ್ನು ಸಾರ್ವಜನಿಕರಿಗೆ ತಲುಪಿಸಲು ಸಿದ್ಧಪಡಿಸಲಾಗಿದೆ.
ವೆಬ್‍ಸೈಟ್‍ಗಳು ಪ್ರತಿ ಸಚಿವರು ನಿರ್ವಹಿಸುವ ಇಲಾಖಾ ಕಾರ್ಯಗಳು, ಸಚಿವರ ವಿವರ, ಕಚೇರಿ ಮಾಹಿತಿ, ಫೆÇೀಟೋ ಗ್ಯಾಲರಿ, ಸಾಮಾಜಿಕ ಮಾಧ್ಯಮ ಪ್ರೊಫೈಲ್‍ಗಳು, ಭಾಷಣಗಳು, ಲೇಖನಗಳು ಮತ್ತು ಇಲಾಖೆಯ ಸೈಟ್‍ಗಳಿಗೆ ಪ್ರವೇಶ ಸೇರಿದಂತೆ ವ್ಯಾಪಕ ಶ್ರೇಣಿಯ ವೈಶಿಷ್ಟ್ಯಗಳೊಂದಿಗೆ ಸಜ್ಜುಗೊಂಡಿವೆ.
ದಿನನಿತ್ಯದ ಸುದ್ದಿ, ಹೊಸ ಯೋಜನೆಗಳು, ಸಚಿವರ ಘೋಷಣೆ ಇತ್ಯಾದಿಗಳನ್ನು ಒದಗಿಸಲು ವಿಶೇಷ ವ್ಯವಸ್ಥೆ ಇದೆ. ಈ ವಿಷಯಗಳನ್ನು ಕಾಲಕಾಲಕ್ಕೆ ನವೀಕರಿಸುವ ವ್ಯವಸ್ಥೆಯನ್ನೂ ಸಿದ್ಧಪಡಿಸಲಾಗಿದೆ ಎಂದು ಮುಖ್ಯಮಂತ್ರಿಗಳ ಕಚೇರಿ ಮಾಹಿತಿ ನೀಡಿದೆ.
ಸಮಾಜದ ನಾನಾ ವರ್ಗಗಳ ಜನರು ವಿವಿಧ ಇಲಾಖೆಗಳು ನಡೆಸುವ ಪರೋಪಕಾರಿ ಕಾರ್ಯಗಳ ಗ್ರಾಹಕರಾಗುವ ಹಾಗೂ ತನ್ಮೂಲಕ ತಕ್ಕ ಸೇವೆಗಳನ್ನು ಜನರಿಗೆ ತಲುಪಿಸುವ ಮಾಹಿತಿ ವ್ಯವಸ್ಥೆ ಇಲ್ಲಿ ಆರಂಭವಾಗುತ್ತಿದೆ. ಸಚಿವರ ಚಟುವಟಿಕೆಗಳನ್ನು ಪಾರದರ್ಶಕವಾಗಿ ಮತ್ತು ಸಮಗ್ರವಾಗಿ ಸಾರ್ವಜನಿಕರಿಗೆ ತಲುಪಿಸಲು ಈ ವೆಬ್‍ಸೈಟ್‍ಗಳು ಅತ್ಯುತ್ತಮ ಡಿಜಿಟಲ್ ವ್ಯವಸ್ಥೆಯಾಗಿ ಕಾರ್ಯನಿರ್ವಹಿಸಲಿವೆ ಎಂದು ಮುಖ್ಯಮಂತ್ರಿಗಳ ಕಚೇರಿ ತಿಳಿಸಿದೆ.
DOCTYPE html>
