ತಿರುವನಂತಪುರ: ಆರೆಸ್ಸೆಸ್ ಕಾರ್ಯವೈಖರಿ ಬಗ್ಗೆ ತಿಳಿದುಕೊಳ್ಳಲು ಸಿಪಿಎಂ ಸಿದ್ಧತೆ ನಡೆಸಿದೆ ಎಮದು ತಿಳಿದುಬಂದಿದೆ. ರಾಷ್ಟ್ರೀಯ ಮಟ್ಟದಲ್ಲಿ ಸಿದ್ಧಪಡಿಸಲಾದ ಪಕ್ಷದ ತರಗತಿಗಳ ಪಠ್ಯಕ್ರಮವು ಆರ್‍ಎಸ್‍ಎಸ್ ಸಿದ್ಧಾಂತಗಳ ಅಧ್ಯಯನವನ್ನೂ ಒಳಗೊಂಡಿರುತ್ತದೆ. ಹೊಸ ಪಠ್ಯಕ್ರಮವನ್ನು ಕಲಿಸಲು ಶಾಶ್ವತ ಸ್ಥಳವನ್ನು ಸಹ ನಿರ್ಧರಿಸಲಾಗಿದೆ. ದೆಹಲಿಯ ಹರ್ಕಿಶನ್ ಸಿಂಗ್ ಸುರ್ಜಿತ್ ಭವನ ಪಕ್ಷದ ಶಾಲೆಯಾಗಿ ಕಾರ್ಯನಿರ್ವಹಿಸಲಿದೆ.
ಸಿಪಿಎಂನ ಪಠ್ಯಕ್ರಮವು ಆರ್‍ಎಸ್‍ಎಸ್‍ನ ಕಾರ್ಯ ವಿಧಾನ ಮತ್ತು ಹಿಂದೂ ಧರ್ಮದ ರಾಜಕೀಯ ಅನ್ವಯವನ್ನೂ ಒಳಗೊಂಡಿರುತ್ತದೆ. ಸಿಪಿಎಂ ಸದಸ್ಯರ ರಾಜಕೀಯ ಶಿಕ್ಷಣ ಮತ್ತು ಸಂಘಟನಾ ಪ್ರಜ್ಞೆಯನ್ನು ಹೆಚ್ಚಿಸುವ ಉದ್ದೇಶದಿಂದ ಇದನ್ನು ಜಾರಿಗೊಳಿಸಲಾಗುತ್ತಿದೆ. ಆರ್‍ಎಸ್‍ಎಸ್ ಎಂದರೇನು ಮತ್ತು ಸಂಘಟನೆಯ ಪ್ರಾಯೋಗಿಕ ವಿಧಾನದ ಬಗ್ಗೆ ಅಧ್ಯಯನ ನಡೆಸಲಾಗುವುದು. ಇದಕ್ಕಾಗಿ ಪಕ್ಷದ ಶಿಕ್ಷಣದ ಪಠ್ಯಕ್ರಮವನ್ನೂ ಪರಿಷ್ಕರಿಸಲು ಕೇಂದ್ರ ಸಮಿತಿ ನಿರ್ಧರಿಸಿದೆ. ಆರ್‍ಎಸ್‍ಎಸ್‍ಗೆ ಸಂಬಂಧಿಸಿದಂತೆ 'ವರ್ಗ ಸೂಚನೆ' ಅಂತಿಮಗೊಳಿಸುವ ಜವಾಬ್ದಾರಿ ಪಕ್ಷದ ಕೇಂದ್ರದ ಮೇಲಿದೆ.
ಎಡಪಕ್ಷಗಳಲ್ಲಿ ಯುವ ಭಾಗವಹಿಸುವಿಕೆ ಹೆಚ್ಚುತ್ತಿದೆಯಾದರೂ, ಅವರಿಗೂ ರಾಜಕೀಯ ಸಂಘಟನೆಗಳ ಬಗ್ಗೆ ಶಿಕ್ಷಣದ ಕೊರತೆಯಿದೆ ಎಂದು ಅಂದಾಜಿಸಲಾಗಿದೆ. ಈ ಸಂದರ್ಭದಲ್ಲಿ ಹೊಸ ಕಾರ್ಯಕರ್ತರನ್ನು ಪಕ್ಷದ ವರ್ಗಕ್ಕೆ ಸೇರಿಸಲಾಗುವುದು. ಅವರಿಗೆ ಸೈದ್ಧಾಂತಿಕವಾಗಿ ಮತ್ತು ರಾಜಕೀಯವಾಗಿ ತರಬೇತಿ ನೀಡಲಾಗುತ್ತದೆ, ಆರ್‍ಎಸ್‍ಎಸ್ ಎಂದರೇನು ಮತ್ತು ಹಿಂದೂ ಧರ್ಮ ಏನು ಎಂದು ಕಲಿಸಲಾಗುತ್ತದೆ.
ಪಕ್ಷದ ಉತ್ತಮ ಸದಸ್ಯನ ಅರ್ಹತೆಗಳೆಂದರೆ ಬ್ರಾಂಚ್ ಸಭೆಗಳಲ್ಲಿ ನಿಯಮಿತವಾಗಿ ಹಾಜರಾಗುವುದು, ಪಕ್ಷದ ತರಗತಿಗಳಲ್ಲಿ ತೃಪ್ತಿಕರ ಭಾಗವಹಿಸುವಿಕೆ, ರಾಜಕೀಯ ಪ್ರಚಾರ, ಮುಷ್ಕರ ಮತ್ತು ಆಂದೋಲನಗಳ ಆಯೋಜನೆ, ನಿಯಮಿತವಾಗಿ ಓದುವುದು ಮತ್ತು ಪಕ್ಷದ ಪ್ರಕಟಣೆಗಳ ಚಂದಾದಾರಿಕೆ ಎಂಬುದು ಇರಲಿದೆ ಎಂದು ತಿಳಿದುಬಂದಿದೆ .
DOCTYPE html>
.jpeg)
