ಮಹಿಳೆಯೊಂದಿಗೆ ಅಸಭ್ಯವಾಗಿ ವರ್ತಿಸಿದ ಖಾಸಗೀ ಬಸ್ ಚಾಲಕ: ಪರವಾನಗಿ ರದ್ದುಗೊಳಿಸಿದ ಮೋಟಾರು ವಾಹನ ಇಲಾಖೆ

            ಎರ್ನಾಕುಳಂ: ಖಾಸಗಿ ಬಸ್ ಚಾಲಕರ ಪರವಾನಗಿ ರದ್ದು ಪಡಿಸಿದ ಘಟನೆ ನಡೆದಿದೆ. ಪ್ರಯಾಣಿಕರೊಂದಿಗೆ ಅನುಚಿತವಾಗಿ ವರ್ತಿಸಿದ ಖಾಸಗಿ ಬಸ್ ಚಾಲಕನ ಪರವಾನಗಿಯನ್ನು ತಾತ್ಕಾಲಿಕವಾಗಿ ರದ್ದುಗೊಳಿಸಲಾಗಿದೆ.
           ಮೋಟಾರು ವಾಹನ ಇಲಾಖೆಯ ಜಾರಿ ವಿಭಾಗವು ವೈಕಂ ನಿವಾಸಿ ಜಿಷ್ಣು ರಾಜ್ ಅವರ ಪರವಾನಗಿಯನ್ನು ರದ್ದುಗೊಳಿಸಿದೆ. ರದ್ದತಿಯು ಒಂಬತ್ತು ದಿನಗಳವರೆಗೆ ಇರುತ್ತದೆ. ವೈಕಂ ಎಡಕೊಚ್ಚಿ ಮಾರ್ಗದಲ್ಲಿ ಸಂಚರಿಸುವ ಬಸ್ಸಿನ ಪ್ರಯಾಣಿಕರೊಬ್ಬರು ಈತನ ವಿರುದ್ಧ ದೂರು ದಾಖಲಿಸಿದ್ದಾರೆ.
          ದೂರುದಾರರು ಈ ಬಸ್ಸಿನಲ್ಲಿ ಸಾಮಾನ್ಯ ಪ್ರಯಾಣಿಕರಾಗಿದ್ದಾರೆ. ಅವರು  ಚಾಲಕನಿಗೆ ಯಾವ ನಿಲ್ದಾಣದಲ್ಲಿ ಇಳಿಸಬೇಕು ಎಂಬ ಮೊದಲೇ ಹೇಳಿದ್ದರು. ಆದರೆ ಚಾಲಕ ನಿಲ್ಲಿಸುವುದಾಗಿ ಉತ್ತರಿಸಿ ಮಹಿಳೆ ಇಳಿಯುವಾಗ ವಾಹನವನ್ನು ಮುಂದಕ್ಕೆ ಕೊಂಡೊಯ್ದಿದ್ದಾನೆ.
            ಮರುದಿನ ಯುವತಿ ಬಸ್ ಹತ್ತಿ ಚಾಲಕನಿಗೆ ಘಟನೆಯ ಬಗ್ಗೆ ಕೇಳಿದ್ದರು. ಆದರೆ ಚಾಲಕ ಅಸಭ್ಯವಾಗಿ ವರ್ತಿಸಿ ನಿಂದಿಸಿದ್ದಾನೆ. ಇದನ್ನು ಆಧರಿಸಿ ಮಹಿಳೆ ಮೋಟಾರು ವಾಹನ ಇಲಾಖೆಗೆ ದೂರು ನೀಡಿದ್ದರು.
         ಬಳಿಕ ಅಧಿಕಾರಿಗಳು ನಡೆಸಿದ ತನಿಖೆಯಲ್ಲಿ ಮಹಿಳೆಯ ದೂರು ನ್ಯಾಯಯುತವಾಗಿದೆ ಎಂದು ತಿಳಿದುಬಂದಿದೆ. ಚಾಲಕ ಜಿಷ್ಣುವಿನ ಪರವಾನಗಿಯನ್ನು ಮೋಟಾರು ವಾಹನ ಇಲಾಖೆ ರದ್ದುಗೊಳಿಸಿದೆ.