ಕೆಎಸ್ ಆರ್ ಟಿಸಿಗೆ ದಾಖಲೆ ಆದಾಯ; 8.4 ಕೋಟಿ ದಾಟಿದ ದೈನಂದಿನ ಕಲೆಕ್ಷನ್: ವೇತನ ಕಡಿತವಾಗದೆಂದು ನೌಕರರಿಂದ ಆಶಾವಾದ

          ತಿರುವನಂತಪುರ: ಓಣಂ ನಂತರದ ಮೊದಲ ಕೆಲಸದ ದಿನದಂದು ಕೆಎಸ್‍ಆರ್‍ಟಿಸಿ ಸಾರ್ವಕಾಲಿಕ ದಾಖಲೆಯ ಆದಾಯ ಗಳಿಸಿದೆ.
         ಸೋಮವಾರ, ಸೆಪ್ಟೆಂಬರ್ 12 ರಂದು ಕೆಎಸ್ಆರ್ಟಿಸಿ ದಿನಕ್ಕೆ 8.4 ಕೋಟಿ ರೂ.ಗಳ ನಿವ್ವಳ ಲಾಭ ಗಳಿಸಿದೆ. 3941 ಬಸ್‍ಗಳು ಸೇವೆ ನೀಡಿದಾಗ ಇಷ್ಟು ಆದಾಯ ಬಂದಿದೆ.
          ದಕ್ಷಿಣ ವಲಯ- 3.13 ಕೋಟಿ, ಕೇಂದ್ರ ವಲಯ- 2.88 ಕೋಟಿ, ಉತ್ತರ ವಲಯ- 2.39 ಕೋಟಿ.ಎಂಬಂತೆ ಆದಾಯದ ಲೆಕ್ಕಾಚಾರವಾಗಿದೆ. ನಿರೀಕ್ಷಿತ ಆದಾಯದ 107.96 ಪ್ರತಿಶತದೊಂದಿಗೆ ಕೋಝಿಕ್ಕೋಡ್ ಪ್ರದೇಶವು ಮುಂಚೂಣಿಯಲ್ಲಿದೆ.
          ಇದೇ ವೇಳೆ,  ಕೆಎಸ್ಆರ್ಟಿಸಿ ನೌಕರರ ವೇತನ ವಿತರಣೆಯು ಆಗಾಗ್ಗೆ ಅನಿಶ್ಚಿತವಾಗಿದ್ದು, ದೊಡ್ಡ ಬಿಕ್ಕಟ್ಟನ್ನು ಸೃಷ್ಟಿಸಿದೆ.  ಬಹುತೇಕ ಸೇವೆಗಳು ಲಾಭದಾಯಕವಾಗಿದ್ದೂ  ಆದಾಯದ ಹೆಚ್ಚಳವು ನೌಕರರ ಸಂಬಳದಲ್ಲಿ ಪ್ರತಿಫಲಿಸುವುದಿಲ್ಲ ಎಂಬ ಟೀಕೆ ಬಲವಾಗಿದೆ.
          ಬಿಎಂಎಸ್ ಸೇರಿದಂತೆ ಸಂಘಟನೆಗಳು ಪ್ರಬಲ ಮುಷ್ಕರ ಕಾರ್ಯಕ್ರಮಗಳನ್ನು ಆಯೋಜಿಸಿದ ನಂತರ ಓಣಂ ಸಮಯದಲ್ಲಿ ನೌಕರರಿಗೆ ಸಂಬಳ ನೀಡಲು ಸರ್ಕಾರ ಕ್ರಮ ಕೈಗೊಂಡಿತು. ನೌಕರರ ಕುಟುಂಬಸ್ಥರು ಮುಷ್ಕರದಲ್ಲಿ ಪಾಲ್ಗೊಂಡಿದ್ದರು. ಹೆಚ್ಚುತ್ತಿರುವ ಆದಾಯದೊಂದಿಗೆ, ಉದ್ಯೋಗಿಗಳು ತಮ್ಮ ಸಂಬಳದ ಬಗ್ಗೆ ಆಶಾವಾದಿಗಳಾಗಿದ್ದಾರೆ.