HEALTH TIPS

ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನಲ್ಲಿ ದಾಖಲೆ ಬರೆದ ಭಾರತದ ಬಜರಂಗ್​! ತಲೆಗೆ ಬ್ಯಾಂಡೇಜ್​ ಕಟ್ಟಿಕೊಂಡೇ ಸೆಣಸಾಡಿ ಗೆದ್ದ ಸಾಧಕ

 

               ಬೆಲ್‌ಗ್ರೇಡ್ : ಭಾನುವಾರ ಬೆಲ್‌ಗ್ರೇಡ್​ನಲ್ಲಿ ನಡೆದ ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ಬಜರಂಗ್ ಪೂನಿಯಾ ಅವರು ಕಂಚಿನ ಪದಕಕ್ಕೆ ಕೊರಳೊಡ್ಡಿದ್ದು, ಆ ಮೂಲಕ ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನಲ್ಲಿ 4 ಪದಕ ಪಡೆದ ಏಕೈಕ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

               ಕಳೆದ ವರ್ಷದ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಕಂಚಿನ ಪದಕ ಗೆದ್ದಿದ್ದ ಬಜರಂಗ್, ಭಾನುವಾರ ನಡೆದ ವಿಶ್ವ ಕುಸ್ತಿ ಚಾಂಪಿಯನ್​ಶಿಪ್​ ಸ್ಪರ್ಧೆಯ 65 ಕೆ.ಜಿ. ವಿಭಾಗದಲ್ಲಿ ಪೋರ್ಟೊ ರಿಕೊದ ಸೆಬಾಸ್ಟಿಯನ್ ಸಿ ರಿವೇರಾ ವಿರುದ್ಧ 11-9 ಅಂಕಗಳ ಅಂತರದಿಂದ ಜಯ ಸಾಧಿಸಿದರು. ಕ್ವಾರ್ಟರ್‌ಫೈನಲ್‌ನಲ್ಲಿ ಅಮೆರಿಕದ ಜಾನ್ ಮೈಕೆಲ್ ಡಯಾಕೊಮಿಹಾಲಿಸ್ ವಿರುದ್ಧ ಸೋತಿದ್ದ ಬಜರಂಗ್, ರೆಪೇಚ್ ಸುತ್ತಿನಲ್ಲಿ ಸೆಣಸಾಡಿ ಕಂಚಿನ ಪದಕಕ್ಕೆ ಮುತ್ತಿಟ್ಟರು.

                ಕ್ವಾರ್ಟರ್​​ ಫೈನಲ್​ ಪಂದ್ಯದಲ್ಲಿ ಬಜರಂಗ್​ರ ತಲೆಗೆ ಪೆಟ್ಟಾಗಿತ್ತು. ಸುರಕ್ಷತೆ ದೃಷ್ಟಿಯಿಂದ ಪಂದ್ಯದಿಂದ ಹಿಂದೆ ಸರಿಯುವ ಅವಕಾಶವನ್ನು ಬಜರಂಗ್​ಗೆ ನೀಡಲಾಗಿತ್ತಾದರೂ, ಬಜರಂಗ್​ ಅವರು ತಲೆಗೆ ಬ್ಯಾಂಡೇಜ್​ ಕಟ್ಟಿಕೊಂಡೇ ಎದುರಾಳಿ ಜತೆ ಸೆಣಸಾಡಿ ಗೆಲುವಿನ ನಗೆ ಬೀರಿದರು.

              ಇದು ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನಲ್ಲಿ ಬಜರಂಗ್ ಅವರು ಪಡೆದ ಮೂರನೇ ಕಂಚಿನ ಪದಕ ಇದಾಗಿದೆ. ಒಟ್ಟು 4 ಪದಕಗಳು ಇವರಿಗೆ ಒಲಿದಿದೆ. 2013ರಲ್ಲಿ ಕಂಚು, 2018ರಲ್ಲಿ ಬೆಳ್ಳಿ, 2019ರಲ್ಲಿ ಕಂಚು, 2022ರಲ್ಲಿ ಕಂಚಿನ ಪದಕ ಗೆದ್ದಿದ್ದಾರೆ.

         ವಿಶ್ವ ಕುಸ್ತಿ ಚಾಂಪಿಯನ್​ಶಿಪ್​ ಸ್ಪರ್ಧೆಯ ವಿವಿಧ ವಿಭಾಗದಲ್ಲಿ ಭಾರತದ 30 ಕುಸ್ತಿಪಟುಗಳು ಕಣಕ್ಕಿಳಿದಿದ್ದರಾದರೂ ಇಲ್ಲಿಯವರೆಗೆ 2 ಪದಕ ಮಾತ್ರ ಗೆಲ್ಲಲಾಗಿದೆ. 53 ಕೆಜಿ ವಿಭಾಗದಲ್ಲಿ ವಿನೇಶ್ ಪೋಗಟ್​​ ಕಂಚಿನ ಪದಕ ಗೆದ್ದಿದ್ದಾರೆ.


Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Click to join Samarasasudhi Official Whatsapp Group

Qries

Qries

Below Post Ad


ಜಾಹಿರಾತು














Qries