HEALTH TIPS

ತ್ರಿಶೂರ್‍ನಲ್ಲಿ ರೇಬೀಸ್ ಸೋಂಕಿತ ಹಸುವನ್ನು ಗುಂಡಿಕ್ಕಿ ಹತ್ಯೆ


                  ತ್ರಿಶೂರ್: ರೇಬೀಸ್ ಬಾಧಿಸಿ ನಿಗಾದಲ್ಲಿದ್ದ ಹಸುವನ್ನು ಗುಂಡಿಕ್ಕಿ ಕೊಂದ ಘಟನೆ ನಡೆದಿದೆ. ಪಾಲಪಿಳ್ಳಿ ಈಚಿಪಾರ ಚಾಕುಂಗಲ್ ಖಾದರ್ ಅವರ ಹಸುವನ್ನು ಗುಂಡಿಕ್ಕಿ ಹತ್ಯೆ ಮಾಡಲಾಗಿದೆ.
             ರೇಬಿಸ್ ಶಂಕೆಯಿಂದಾಗಿ ಹಸುವಿನ ಮೇಲೆ ನಿಗಾ ಇಡಲಾಗಿತ್ತು.
        ಗುರುವಾರ ಬೆಳಗ್ಗೆ ಹಸುವಿಗೆ ಅವ್ಯಕ್ತತೆ ಕಂಡುಬಂತು. ತೋಟಕ್ಕೆ ನುಗ್ಗಿ ಭೀತಿ ಸೃಷ್ಟಿಸಿತು. ನಂತರ ಪೆÇಲೀಸರು, ಪಶುವೈದ್ಯಕೀಯ ಮತ್ತು ಅರಣ್ಯಾಧಿಕಾರಿಗಳ ಸಮ್ಮುಖದಲ್ಲಿ ಹಸುವನ್ನು ಹೊಡೆದುರುಳಿಸಲು ನಿರ್ಧರಿಸಲಾಯಿತು. ಪಶುವೈದ್ಯರು ಹಸುವಿಗೆ ರೇಬಿಸ್ ಸೋಂಕು ಎಂದು ಪ್ರಮಾಣೀಕರಿಸಿದ್ದಾರೆ. ಗುಂಡು ಹಾರಿಸಲು ಪರವಾನಿಗೆ ಹೊಂದಿರುವ ವಡಕ್ಕೊಟ್ಟೈ ನಿವಾಸಿ ಆಂಟೋನಿ ಹಸುವನ್ನು ಗುಂಡಿಕ್ಕಿ ಕೊಂದಿದ್ದಾರೆ. ವರಂತರಪಿಳ್ಳಿ ಎಸ್.ಐ. ಎ.ವಿ. ಲಾಲು, ಪಶು ವೈದ್ಯಾಧಿಕಾರಿ ಡಾ. ರೋμÁ್ಮ ಮತ್ತು ಚಿಮಣಿ ರೇಂಜ್ ಆಫೀಸರ್ ಅಜಯಕುಮಾರ್ ಅವರ ಸಮ್ಮುಖದಲ್ಲಿ ಹಸುವಿಗೆ ಗುಂಡು ಹಾರಿಸಲಾಗಿದೆ.
                   ನತಂಬಾಡಂನ ಬುಡಕಟ್ಟು ಕಾಲೋನಿ ನಿವಾಸಿ ಮಾನಯ್ಕಲ್ ಪಾರು (60) ಕಳೆದ ತಿಂಗಳು ರೇಬಿಸ್‍ನಿಂದ ಮೃತಪಟ್ಟಿದ್ದರು. ನಾಯಿ ಕಚ್ಚಿದ ಸಂದರ್ಭದಲ್ಲಿ ಸಾಕು ಪ್ರಾಣಿಗಳು ಹಾಗೂ ತೋಟದಲ್ಲಿ ಮೇಯುತ್ತಿದ್ದ ಹಸುಗಳಿಗೆ ರೇಬಿಸ್ ಸೋಂಕು ತಗುಲಿರುವ ಶಂಕೆ ವ್ಯಕ್ತವಾಗಿದೆ. ಈ ಪ್ರದೇಶದಲ್ಲಿ ಕಚ್ಚಿದ ಸಾಕುನಾಯಿಗಳ ಮೇಲೆ ಪ್ರಾಣಿ ದಳ ನಿಗಾ ಇರಿಸಿದೆ.  ಕಣ್ಗಾವಲಿನಲ್ಲಿದ್ದ ಅರಣ್ಯ ಇಲಾಖೆ ನೌಕರನ ಮನೆಯಲ್ಲಿದ್ದ ಸಾಕು ನಾಯಿ ಎರಡು ವಾರಗಳ ಹಿಂದೆ ಮೃತಪಟ್ಟಿತ್ತು.
           ಖಾದರ್ ಅವರ ಹಸುವಿನ ಮೇಲೂ ಇಷ್ಟು ದಿನ ನಿಗಾ ಇಡಲಾಗಿತ್ತು. ಅದು ತೋಟಗಳಲ್ಲಿ ಮೇಯುತ್ತಿದ್ದ ಹಸುವಾದ್ದರಿಂದ ಅದನ್ನು ಕಟ್ಟಿಹಾಕಿ ನಿಗಾ ಇಡಲಾಗಲಿಲ್ಲ.
                   ಪಶುವೈದ್ಯಕೀಯ ಇಲಾಖೆಯ ಸೂಚನೆಯಂತೆ ಗುಂಡಿಕ್ಕಿ ಕೊಂದ ಹಸುವನ್ನು ಹೂಳಲಾಗಿದೆ.ಆರೋಗ್ಯ ಇಲಾಖೆಯ ನೇತೃತ್ವದಲ್ಲಿ ಚಿಮ್ನಿ, ಈಚಪಾರ ಪ್ರದೇಶಗಳು ಹಾಗೂ ನತಂಬದಂ ಕಾಲೋನಿಯಲ್ಲಿ ಲಸಿಕೆ ಹಾಕಲಾಗಿದೆ. ಪ್ರದೇಶದಲ್ಲಿ ಸಾಕುಪ್ರಾಣಿಗಳಿಗೆ ಲಸಿಕೆ ನೀಡಲಾಗುತ್ತದೆ.



 

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Click to join Samarasasudhi Official Whatsapp Group

Qries

Qries

Below Post Ad


ಜಾಹಿರಾತು














Qries