ಲಕ್ಷಗಟ್ಟಲೆ ಖರ್ಚು ಮಾಡಿ ನಿರ್ಮಿಸಿದ ರಸ್ತೆ ತಿಂಗಳಲ್ಲೇ ಹಾಳಾಗಿದ್ದು ಹೇಗೆ? ಕಳಪೆ ರಸ್ತೆ ನಿರ್ವಹಣೆ ಕುರಿತು ವರದಿ ಕೇಳಿದ ಹೈಕೋರ್ಟ್

          ಕೊಚ್ಚಿ: ಕೋಟ್ಯಂತರ ರೂ.ವೆಚ್ಚದಲ್ಲಿ ದುರಸ್ತಿಗೊಳಿಸಿರುವ ರಸ್ತೆ ಕುರಿತು ಹೈಕೋರ್ಟ್ ಜಿಲ್ಲಾಡಳಿತದಿಂದ ವಿವರಣೆ ಕೇಳಿದೆ.
             ಒಂದು ತಿಂಗಳ ಹಿಂದೆ ಸರಿಪಡಿಸಿದ ರಸ್ತೆ ಹೇಗೆ ಹಾಳಾಗಿದೆ ಎಂದು ಕೋರ್ಟ್ ಕೇಳಿದೆ.
         ಆಲುವಾ-ಪೆರುಂಬಾವೂರು ರಸ್ತೆ ದುರಸ್ತಿಯಾದ ಒಂದು ತಿಂಗಳಲ್ಲೇ ಕುಸಿದಿದೆ. ಈ ಹಿನ್ನೆಲೆಯಲ್ಲಿ ರಸ್ತೆಯ ಸದ್ಯದ ಸ್ಥಿತಿಗತಿ ಪರಿಶೀಲಿಸಿ ವರದಿ ಸಲ್ಲಿಸುವಂತೆ ಕೋರ್ಟ್ ಹೇಳಿದೆ.
          ರಸ್ತೆಗಳ ಶೋಚನೀಯ ಸ್ಥಿತಿಯನ್ನು ಸರಿಪಡಿಸದ ರಾಜ್ಯ ಸರಕಾರವನ್ನು ಹೈಕೋರ್ಟ್ ಹಲವು ಬಾರಿ ಟೀಕಿಸಿತ್ತು. ರಸ್ತೆಗಳನ್ನು ದುರಸ್ತಿ ಮಾಡಬೇಕಾದರೆ ಕೆ-ರಸ್ತೆ ಎಂದು ಹೆಸರಿಸಬೇಕೇ ಎಂದು ನ್ಯಾಯಾಲಯ ಕೇಳಿತ್ತು. ರಾಜ್ಯದಲ್ಲಿ ದಿನದಿಂದ ದಿನಕ್ಕೆ ರಸ್ತೆ ಅಪಘಾತಗಳು ಹೆಚ್ಚಾಗುತ್ತಿವೆ. ಇದಕ್ಕಿನ್ನು ಅನುಮತಿಸಲಾಗುವುದಿಲ್ಲ. ಉತ್ತಮ ರಸ್ತೆಗಳು ಸಾರ್ವಜನಿಕರ ಹಕ್ಕು ಎಂದು ನ್ಯಾಯಾಲಯವು ಸೂಚಿಸಿದೆ.
           ಹದಗೆಟ್ಟಿರುವ ರಸ್ತೆಗಳನ್ನು ದುರಸ್ತಿ ಮಾಡುವ ಬದಲು ಸರ್ಕಾರ ಆ ಹಣವನ್ನು ಬೇರೆ ಉದ್ದೇಶಗಳಿಗೆ ಬಳಸುತ್ತದೆ. ಕಾಮಗಾರಿ ಪೂರ್ಣಗೊಂಡ ಆರು ತಿಂಗಳೊಳಗೆ ರಸ್ತೆ ಕುಸಿದರೆ ವಿಜಿಲೆನ್ಸ್ ಪ್ರಕರಣ ದಾಖಲಿಸಬೇಕು. ರಸ್ತೆ ನಿರ್ಮಾಣಕ್ಕೆ ಮುಂದಾಗಿರುವ ಇಂಜಿನಿಯರ್‍ಗಳ ವಿರುದ್ಧವೂ ಕ್ರಮ ಕೈಗೊಳ್ಳಬೇಕು ಎಂದು ನ್ಯಾಯಾಲಯ ಆಗ್ರಹಿಸಿದೆ.