HEALTH TIPS

ಕೇಂದ್ರ ಸರ್ಕಾರದ ಕಲ್ಯಾಣ ಯೋಜನೆಗಳನ್ನು ವಿವರಿಸಿ ಅಂಜಾರನೇಲಿ ಆದಿವಾಸಿ ಗ್ರಾಮದಲ್ಲಿ ತಾಯಂದಿರ ಮನ ಕದ್ದ ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ


                    ತಿರುವನಂತಪುರ: ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಖಾತೆ ರಾಜ್ಯ ಸಚಿವೆ ಶೋಭಾ ಕರಂದ್ಲಾಜೆ ಅವರು ಆದಿವಾಸಿ ಗ್ರಾಮಗಳಿಗೆ ಭೇಟಿ ನೀಡಿ ನರೇಂದ್ರ ಮೋದಿ ಸರ್ಕಾರದ ಕಲ್ಯಾಣ ಯೋಜನೆಗಳನ್ನು ವಿವರಿಸಿದರು.
                        ಪ್ರಧಾನ ಮಂತ್ರಿ ಉಜ್ವಲ ಯೋಜನೆ, ಜಲ ಜೀವನ್ ಮಿಷನ್, ಪಿಎಂ ಕಿಸಾನ್ ಯೋಜನೆ ಮತ್ತು ಜನೌಷಧಿ ಸೇರಿದಂತೆ ಸಾರ್ವಜನಿಕ ಕಲ್ಯಾಣ ಯೋಜನೆಗಳನ್ನು ಸಚಿವರು ವಿವರಿಸಿದರು. ಇದರ ಫಲಾನುಭವಿಗಳೂ ನೀವಾಗಬೇಕೆಂದು ಕರಂದ್ಲಾಜೆ ಕರೆ ನೀಡಿದರು.
                       ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಎನ್‍ಡಿಎ ಸರ್ಕಾರ ಬುಡಕಟ್ಟು ಸಮುದಾಯಗಳ ಪ್ರಗತಿಗಾಗಿ ಕೈಗೊಂಡಿರುವ ಕ್ರಮಗಳು ಮತ್ತು ಕಲ್ಯಾಣ ಯೋಜನೆಗಳನ್ನು ಸಚಿವರು ವಿವರಿಸಿದರು. ಬುಡಕಟ್ಟು ಗುಂಪುಗಳು ಸೇರಿದಂತೆ ಸಾಂಪ್ರದಾಯಿಕ ರೈತರಿಗೆ ಸಹಾಯ ಮಾಡುವ ಯೋಜನೆಗಳನ್ನು ಸಚಿವರು ಗಮನಕ್ಕೆ ತಂದರು.
                     ಶೋಭಾ ಕಾರಂದ್ಲಾಜೆ ಅವರು ವಿವಿಧ ಕಾರ್ಯಕ್ರಮಗಳಿಗೆ ಕೇರಳಕ್ಕೆ ನಿನ್ನೆ ಭೇಟಿ ನೀಡಿದ್ದು ಅಂಜಾರನೀಲಿ ಆದಿವಾಸಿ ಗ್ರಾಮಕ್ಕೆ ಬಂದಿದ್ದರು. ವನವಾಸಿ ಜನರ ಜೊತೆಗೆ ನೆಲದಲ್ಲಿ ಎಲೆಗಳನ್ನು ಹಾಸಿ ತಾಯಂದಿರ ಜೊತೆ ಊಟ ಮಾಡಿ ಪ್ರೀತಿಯಿಂದ ಶೋಭಾ ಕರಂದ್ಲಾಜೆ ಅವರನ್ನು ಬೀಳ್ಕೊಟ್ಟರು.
                ಇದಕ್ಕೂ ಮುನ್ನ ಸಿಎಂಎಲ್‍ಪಿಎಸ್ ನವೈಕುಳಂ ಶಾಲೆಯಲ್ಲಿ ಸುಕನ್ಯಾ ಸಮೃದ್ಧಿಯೋಜನಾ ಸಾರ್ವಜನಿಕ ಭವಿಷ್ಯ ನಿಧಿ ಯೋಜನೆಯನ್ನು ಸಚಿವರು ಉದ್ಘಾಟಿಸಿದರು. ಶೋಭಾ ಕಾರಂದ್ಲಾಜೆ ಅವರು ಸುಕನ್ಯಾ ಸಮೃದ್ಧಿಯೋಜನಾ ಯೋಜನೆಯು ಹೆಣ್ಣು ಮಕ್ಕಳ ಭವಿಷ್ಯವನ್ನು ಸುಭದ್ರಗೊಳಿಸುವುದಾಗಿದೆ ಎಂದು ತಿಳಿಸಿದರು. ಪ್ರಧಾನಮಂತ್ರಿಯವರು ಆರಂಭಿಸಿರುವ ಈ ಯೋಜನೆಯಲ್ಲಿ ಎಲ್ಲ ಹೆಣ್ಣುಮಕ್ಕಳು ಪಾಲ್ಗೊಳ್ಳಬೇಕು ಎಂದು ಸಚಿವರು ಹೇಳಿದರು. ಸಚಿವರು ಎಸ್‍ಎಸ್‍ವೈ ಪಾಸ್ ಪುಸ್ತಕಗಳನ್ನು ವಿತರಿಸಿದರು.

           ಬಳಿಕ ಸಚಿವರು ಜನಪ್ರತಿನಿಧಿಗಳೊಂದಿಗೆ ಸಭೆಯನ್ನೂ ನಡೆಸಿದರು. ಗೋಕುಲಂ ಮೆಡಿಕಲ್ ಕಾಲೇಜಿನಲ್ಲಿ ಈ ಸಭೆಯಲ್ಲಿ ಭಾಗವಹಿಸಲು ತೆರಳುತ್ತಿದ್ದಾಗ ಅಪಘಾತಕ್ಕೀಡಾದ ನೆಡುಮಂಗಡ ನಗರಸಭೆ ಸದಸ್ಯರಾದ ಸುಮಯ್ಯಾ ಮನೋಜ್ ಮತ್ತು ವಿನೋದಿನಿ ಅವರನ್ನು ಸಚಿವರು ಭೇಟಿ ಮಾಡಿ ಮಾಹಿತಿ ಪಡೆದರು. ಸಂಜೆ ನೆಡುಮಂಗಾಡ್ ಬೂತ್ ಸಂಖ್ಯೆ 156 ರ ಕಾರ್ಯಕರ್ತರೊಂದಿಗೆ ಸಚಿವರು ಸಂವಾದ ನಡೆಸಿದರು.



          

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Click to join Samarasasudhi Official Whatsapp Group

Qries

Qries

Below Post Ad


ಜಾಹಿರಾತು














Qries