ಮೆಟ್ರೋ ನಿಲ್ದಾಣದಲ್ಲಿ ವಾರಿಯಂ ಕುನ್ನನ್ ಚಿತ್ರ: ರಾಜ್ಯ ಸರ್ಕಾರ ಹಿಂದೂಗಳ ಅವಮಾನ: ಪ್ರತಿಭಟನೆ ಬಲಪಡಿಸಲು ಹಿಂದೂ ಸಂಘಟನೆಗಳಿಂದ ಸಿದ್ದತೆ

             ಎರ್ನಾಕುಳಂ: ಮಲಬಾರ್‍ನಲ್ಲಿ ಹಿಂದೂ ಹತ್ಯಾಕಾಂಡದ ನೇತೃತ್ವ ವಹಿಸಿದ್ದ ವಾರಿಯಂ ಕುನ್ನತ್ ಕುಂಜಹಮ್ಮದ್ ಹಾಜಿ ಅವರ ಚಿತ್ರಗಳನ್ನು ತೆಗೆಯದಿರುವ ಬಗ್ಗೆ ಕೊಚ್ಚಿ ಮೆಟ್ರೋದ ಭಾಗವಾಗಿರುವ ತ್ರಿಪುಣಿತುರಾ ವಡಕ್ಕೆಕೊಟ್ಟಾ ಮೆಟ್ರೋ ನಿಲ್ದಾಣದಲ್ಲಿ ತೀವ್ರ ಪ್ರತಿಭಟನೆ ನಡೆಯುತ್ತಿದೆ. ಅಧಿಕಾರಿಗಳು ಕ್ರಮ ಕೈಗೊಳ್ಳುತ್ತಿಲ್ಲ ಎಂಬ ಆರೋಪವಿದೆ.
            ಉದ್ಘಾಟನೆ ವೇಳೆ ನಿಲ್ದಾಣದಲ್ಲಿ ಚಿತ್ರಗಳನ್ನು ಅಳವಡಿಸುವುದರ ವಿರುದ್ಧ ಹಿಂದೂ ಸಂಘಟನೆಗಳು ಪ್ರತಿಭಟನೆಗೆ ಮುಂದಾಗಿದ್ದವು. ನಾನಾ ಕಡೆಯಿಂದ ಪ್ರತಿಭಟನೆ ನಡೆಯುತ್ತಿದ್ದರೂ ಅಧಿಕಾರಿಗಳು ಕ್ರಮ ಕೈಗೊಂಡಿಲ್ಲ. ಹಿಂದೂ ಐಕ್ಯವೇದಿ ಸೇರಿದಂತೆ ಚಳವಳಿಗಳು ಈ ವಿಷಯದ ಬಗ್ಗೆ ತಮ್ಮ ಪ್ರತಿಭಟನೆಯನ್ನು ತೀವ್ರಗೊಳಿಸಲು ಯೋಜಿಸುತ್ತಿವೆ. ಹಿಂದೂ ಐಕ್ಯವೇದಿಯ ರಾಜ್ಯ ಕಾರ್ಯಾಧ್ಯಕ್ಷ ವತ್ಸನ್ ತಿಲಂಗೇರಿ ಮಾತನಾಡಿ, ಚಿತ್ರಗಳನ್ನು ಅಳವಡಿಸಿರುವುದರ ಹಿಂದೆ ಗುಪ್ತ ಉದ್ದೇಶವಿದ್ದು, ಅವುಗಳನ್ನು ತೆಗೆದುಹಾಕುವಂತೆ ಒತ್ತಾಯಿಸಿ ಅಧಿಕಾರಿಗಳಿಗೆ ದೂರು ಸಲ್ಲಿಸಲಾಗಿದೆ ಎಂದಿರುವರು.
           ವಾರಿಯಮ್ ಕುನ್ನತ್ ಕುಂಜಹಮ್ಮದ್ ಹಾಜಿ ಮತ್ತು ಇತರರನ್ನು ವೈಭವೀಕರಿಸುವ ಪ್ರದರ್ಶನವನ್ನು ಇಲ್ಲಿ ನಡೆಸಲಾಗಿದೆ. ರಾಜ್ಯ ಸರ್ಕಾರದ ಕಡೆಯಿಂದ ಹಿಂದೂ ಸಂತ್ರಸ್ತರ ನೆನಪುಗಳ ಗಾಯದ ಮೇಲೆ ಬರೆ ಎಳೆದ ಕೃತ್ಯ ನಡೆಯುತ್ತಿದೆ ಎಂದು ಅವರು ಹೇಳಿದರು.
          ತ್ರಿಪುಣಿತುರಾ ರಾಜಮನೆತನದವರೂ ಇದನ್ನು ವಿರೋಧಿಸಿ ಪ್ರತಿಭಟನೆ ನಡೆಸಿದ್ದರು. ಮಲಬಾರ್‍ನಲ್ಲಿ ಹಿಂದೂ ಹತ್ಯಾಕಾಂಡ ನಡೆಸಿದ ವಾರಿಯಮ್ ಕುನ್ನನ್ ಅವರ ಚಿತ್ರವನ್ನು ಅಳವಡಿಸುವ ಮೂಲಕ ತ್ರಿಪುಣಿತುರ ಇತಿಹಾಸ ಮತ್ತು ಪರಂಪರೆಯನ್ನು ಕೈಬಿಡಲಾಗಿದೆ ಎಂದು ರಾಜಮನೆತನವು ಆರೋಪಿಸಿದೆ. ಆದರೆ ಇದಕ್ಕೆ ವ್ಯತಿರಿಕ್ತವಾಗಿ ನಿಲ್ದಾಣದಲ್ಲಿ  ವಾರಿಯಂ ಕುನ್ನತ್ ಕುಂಜಹಮ್ಮದ್ ಹಾಜಿ ಅವರ ಚಿತ್ರಗಳನ್ನು ಮತ್ತು ಮಲಬಾರ್ ಗಲಭೆಯ ವಿವರಣೆಯ ಪ್ರದರ್ಶನ ಇದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಮೆಟ್ರೋ ಅಧಿಕಾರಿಗಳು ಜನರನ್ನು ವಂಚಿಸುತ್ತಿದ್ದಾರೆ. ಇತಿಹಾಸದ ಬಗ್ಗೆ ತಮ್ಮಲ್ಲಿರುವ ಚಿತ್ರಗಳು ಮತ್ತು ಮಾಹಿತಿಯನ್ನು ನೀಡಲು ಸಿದ್ಧ ಎಂದು ರಾಜಮನೆತನವೂ ಹೇಳಿದೆ.