HEALTH TIPS

ತಲಶ್ಶೇರಿ ಜನರಲ್ ಆಸ್ಪತ್ರೆಯಲ್ಲಿ ಚಿಕಿತ್ಸಾ ಲೋಪ: ಶಸ್ತ್ರ ಚಿಕಿತ್ಸೆ ತಡವಾಗಿ ಕೈ ಕಳೆದುಕೊಂಡ ವಿದ್ಯಾರ್ಥಿ


           ಕಣ್ಣೂರು: ವೈದ್ಯಕೀಯ ಲೋಪÀದಿಂದ ವಿದ್ಯಾರ್ಥಿಯೊಬ್ಬ ತನ್ನ ಕೈಯನ್ನು ಕಳೆದುಕೊಂಡಿರುವ ಘಟನೆ ತಲಶ್ಶೇರಿ ಜನರಲ್ ಆಸ್ಪತ್ರೆಯಲ್ಲಿ ನಡೆದಿದೆ. ಚೇತಮ್‍ಕುನ್‍ನ ಸ್ಥಳೀಯ ನಿವಾಸಿ ಸುಲ್ತಾನ್ ಬಿನ್ ಸಿದ್ದಿಕ್ ಎಂಬವನ ಎಡಗೈಯನ್ನು ಮೊಣಕೈ ಕೆಳಗೆ ಕತ್ತರಿಸಬೇಕಾಯಿತು.
             ಆಸ್ಪತ್ರೆಯಲ್ಲಿ ಡಾ. ಬಿನುಮೋನ್ ವಿರುದ್ಧ ಸಂಬಂಧಿಕರು ದೂರು ದಾಖಲಿಸಿದ್ದಾರೆ. ಆಟದ ವೇಳೆ ಬಿದ್ದು ಮೂಳೆ ಮುರಿದುಕೊಂಡ ಸಿದ್ದಿಕ್ ನನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
            ಅಕ್ಟೋಬರ್ 30 ರಂದು ತನ್ನ ಸ್ನೇಹಿತರೊಂದಿಗೆ ಫುಟ್ಬಾಲ್ ಆಡುತ್ತಿದ್ದಾಗ ಅವಘಡ ಸಂಭವಿಸಿತ್ತು. ನಂತರ ಮಗು ತನ್ನ ತಂದೆಯೊಂದಿಗೆ ತಲಶ್ಶೇರಿ ಜನರಲ್ ಆಸ್ಪತ್ರೆಗೆ ಚಿಕಿತ್ಸೆಗೆ ಆಗಮಿಸಿದ್ದ. ಕ್ಷ-ಕಿರಣ ಪರೀಕ್ಷೆಯಲ್ಲಿ ಎರಡು ಮೂಳೆಗಳು ಮುರಿದಿದ್ದರೂ ಒಂದು ವಾರದ ನಂತರ ಶಸ್ತ್ರಚಿಕಿತ್ಸೆ ಮಾಡಲಾಯಿತು. ಇದೇ ವೇಳೆ ಮಗುವಿಗೆ ತೀವ್ರ ನೋವಿದೆ ಎಂದು ಹೇಳಿದರೂ ವೈದ್ಯರು ಪರೀಕ್ಷಿಸಲು ಸಿದ್ಧರಿರಲಿಲ್ಲ.
         ಎರಡು ದಿನಗಳ ನಂತರ ಕೈಯ ಬಣ್ಣ ಬದಲಾಗಿರುವುದನ್ನು ಗಮನಿಸಿ ಕೂಡಲೇ ಐಸಿಯುಗೆ ವರ್ಗಾಯಿಸುವಂತೆ ಮನವಿ ಮಾಡಿದರು. ನಂತರ ಒಂದು ಮೂಳೆಗೆ ಮಾತ್ರ ಶಸ್ತ್ರಚಿಕಿತ್ಸೆ ಮಾಡಲಾಯಿತು. ಹೊಲಿಗೆ ಹಾಕದೆ ಗಾಯವನ್ನು ತೆರೆದಿಟ್ಟಿದ್ದಾರೆ ಎಂದು ಕುಟುಂಬದವರು ಆರೋಪಿಸಿದ್ದಾರೆ. ಎರಡೂ ಎಲುಬುಗಳನ್ನು ಒಟ್ಟಿಗೆ ಶಸ್ತ್ರಚಿಕಿತ್ಸೆ ಮಾಡಲು ಸಾಧ್ಯವಿಲ್ಲ ಎಂದು ಆಸ್ಪತ್ರೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. '11ರಂದು ವೈದ್ಯಕೀಯ ಕಾಲೇಜಿಗೆ ಕರೆದೊಯ್ಯಲು ಸೂಚಿಸಿದ್ದು ಅಷ್ಟರಲ್ಲಿ ಮಗುವಿನ ಕೈಯ ರಕ್ತ ಸಂಚಾರ ನಿಂತಿತ್ತು ಎಂದು ಮಗುವಿನ ತಾಯಿ ಹೇಳಿರುವರು.
             ನಂತರ ಪರಿಯಾರಂ ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಯಿತಾದರೂ ಅಲ್ಲಿಯೂ ಉತ್ತಮ ಚಿಕಿತ್ಸೆ ದೊರೆಯಲಿಲ್ಲ. ವೈದ್ಯರು ಸಂಪೂರ್ಣ ಕೈ ಕತ್ತರಿಸುವಂತೆ ಹೇಳಿದ ಬಳಿಕ ಖಾಸಗಿ ಆಸ್ಪತ್ರೆಗೆ ರವಾನಿಸಲಾಗಿದೆ. ಅಲ್ಲಿಯೇ ಮೊಣಕೈ ಕೆಳಗಿನ ಭಾಗವನ್ನು ಕತ್ತರಿಸಿ ಬದಲಾಯಿಸಲಾಯಿತು. ಕುಟುಂಬದವರು ಮುಖ್ಯಮಂತ್ರಿ ಹಾಗೂ ಆರೋಗ್ಯ ಸಚಿವರಿಗೆ ದೂರು ನೀಡಿದ್ದಾರೆ.



 

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Click to join Samarasasudhi Official Whatsapp Group

Qries

Qries

Below Post Ad


ಜಾಹಿರಾತು














Qries