HEALTH TIPS

ತೀರ್ಪು ಪ್ರತಿ ವಿಶ್ವವಿದ್ಯಾಲಯದ ಮೇಲೆ ಪರಿಣಾಮ ಬೀರುತ್ತದೆ; ಯಾವುದೇ ಮೇಲ್ಮನವಿ ನೀಡುವುದಿಲ್ಲ: ರ್ಯಾಂಕ್ ಲೀಸ್ಟ್ ಮರುಹೊಂದಿಸಲಾಗುವುದು: ಕಣ್ಣೂರು ವಿಸಿ


          ಕಣ್ಣೂರು: ಪ್ರಿಯಾ ವರ್ಗೀಸ್ ನೇಮಕಕ್ಕೆ ಸಂಬಂಧಿಸಿದಂತೆ ಕಣ್ಣೂರು ವಿವಿ ಉಪಕುಲಪತಿ ಗೋಪಿನಾಥ್ ರವೀಂದ್ರನ್ ವಿವರಣೆ ನೀಡಿದ್ದಾರೆ.
          ನೇಮಕಾತಿ ತಡೆ ನೀಡಿರುವ ಹೈಕೋರ್ಟ್ ಆದೇಶದ ವಿರುದ್ಧ ಮೇಲ್ಮನವಿ ಸಲ್ಲಿಸುವುದಿಲ್ಲ. ಈ ತೀರ್ಪಿನ ಬಗ್ಗೆ ವಿಶ್ವವಿದ್ಯಾಲಯ ಕಾನೂನು ಸಲಹೆ ಪಡೆಯಲಿದೆ. ಯಾರ್ಂಕ್ ಪಟ್ಟಿಯನ್ನು ಮರುಹೊಂದಿಸುವಂತೆ ನ್ಯಾಯಾಲಯ ಕೇಳಿದೆ. ನ್ಯಾಯಾಲಯದ ಆದೇಶವನ್ನು ಗೌರವಿಸಿ ವಿಶ್ವವಿದ್ಯಾನಿಲಯವು ಯಾರ್ಂಕ್ ಪಟ್ಟಿಯನ್ನು ಮರುಸಂಘಟಿಸಲಿದೆ. ಆಯ್ಕೆಯಾದ ಮೂವರ ಅರ್ಹತೆಯನ್ನು ಪರಿಶೀಲಿಸಲಾಗುವುದು ಎಂದು ಗೋಪಿನಾಥ್ ರವೀಂದ್ರನ್ ತಿಳಿಸಿದ್ದಾರೆ.
           ಪ್ರಿಯಾ ವರ್ಗೀಸ್ ನೇಮಕಕ್ಕೆ ಸಂಬಂಧಿಸಿದಂತೆ ಕಾನೂನು ಸಲಹೆ ಕೇಳಲಾಗಿದೆ. ಅವರ ಅರ್ಹತೆಯ ಬಗ್ಗೆಯೂ ಯುಜಿಸಿಯಿಂದ ಸ್ಪಷ್ಟನೆ ಕೇಳಲಾಗಿತ್ತು. ಆದರೆ ಯುಜಿಸಿ ಇನ್ನೂ ಪ್ರತಿಕ್ರಿಯೆ ನೀಡಿಲ್ಲ. ಯುಜಿಸಿಯ ಎಲ್ಲಾ ಷರತ್ತುಗಳಿಗೆ ಅನುಸಾರವಾಗಿ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ. ಹೈಕೋರ್ಟ್‍ನ ತೀರ್ಪು ಎಲ್ಲ ವಿಶ್ವವಿದ್ಯಾಲಯಗಳ ಮೇಲೂ ಪರಿಣಾಮ ಬೀರುತ್ತಿದ್ದು, ಸದ್ಯ ತೀರ್ಪಿನ ಪ್ರತಿ ಸಿಕ್ಕಿಲ್ಲ ಎಂದು ವಿಸಿ ತಿಳಿಸಿದ್ದಾರೆ. ಸಂದರ್ಶನದ ದೃಶ್ಯಗಳನ್ನು ಮಾಧ್ಯಮಗಳಿಗೆ ನೀಡಲಾಗುವುದಿಲ್ಲ. ಈ ದೃಶ್ಯಾವಳಿಗಳನ್ನು ನೀಡಲು ಶಾರ್ಟ್‍ಲಿಸ್ಟ್‍ನಲ್ಲಿರುವ ಮೂವರು ವ್ಯಕ್ತಿಗಳ ಒಪ್ಪಿಗೆ ಅಗತ್ಯವಿದೆ, ಆದರೆ ನ್ಯಾಯಾಲಯವು ಒತ್ತಾಯಿಸಿದರೆ ದೃಶ್ಯಗಳನ್ನು ಒದಗಿಸಬಹುದು ಎಂದು ಗೋಪಿನಾಥ್ ರವೀಂದ್ರನ್ ಹೇಳಿರುವರು.
          ಇದೇ ವೇಳೆ, ಹೈಕೋರ್ಟ್ ತೀರ್ಪಿನ ನಂತರ ಸಾಮಾಜಿಕ ಮಾಧ್ಯಮದಲ್ಲಿ ಟೀಕೆಗಳಿಗೆ ಪ್ರಿಯಾ ವರ್ಗೀಸ್ ಪ್ರತಿಕ್ರಿಯಿಸಿದ್ದಾರೆ. ಅಸೋಸಿಯೇಟ್ ಪ್ರೊಫೆಸರ್ ಹುದ್ದೆಯನ್ನು ಅಪ್ಪಕಷ್ಣ(ಅಪ್ಪದ ತುಂಡು) ಎಂದು ಪ್ರಿಯಾ ವರ್ಗೀಸ್ ಬಣ್ಣಿಸಿದ್ದಾರೆ. ಅಸೋಸಿಯೇಟ್ ಪ್ರೊಫೆಸರ್ ನೇಮಕಾತಿಯನ್ನು ಕಳೆದುಕೊಂಡಿದ್ದಕ್ಕೆ ಯಾವುದೇ ವಿಷಾದವಿಲ್ಲ. ಬದುಕಿದ್ದರೆ ಮುಂದೆ ಸಹ ಪ್ರಾಧ್ಯಾಪಕಳಾಗುವೆ. ಈ ಘಟನೆಯಲ್ಲಿ ತನ್ನನ್ನು ತಳ್ಳುವವರನ್ನು ಸೋಲಿಸಲು ಇಷ್ಟಪಡುವ ಕಾರಣ ಇಲ್ಲಿಯವರೆಗೆ ಹೋರಾಡಿದ್ದೇನೆ ಎಂದು ಪ್ರಿಯಾ ವರ್ಗೀಸ್ ಅವರ ಫೇಸ್‍ಬುಕ್ ಪೋಸ್ಟ್‍ನಲ್ಲಿ ಹೇಳಲಾಗಿದೆ.



 

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Click to join Samarasasudhi Official Whatsapp Group

Qries

Qries

Below Post Ad


ಜಾಹಿರಾತು














https://blogger.googleusercontent.com/img/b/R29vZ2xl/AVvXsEiDSnXRg29C8xRrYlj8CXm6O4l2UdEq9AkXmnHj8_wZUI5vwXlgdUlkI9NKpNnmUcuyvxBBTZpDZLd6zBDp4lpzuhrcBD3E1kc_Ue2fHWAon6DxsQbBDYIbBWFEdFMkDm8b2BrDGeFAeqUfxis-yOttEwjv85p8aI2cORmg7vxT4p1YoMFWHFDw9vMl/w640-h362/IMG-20230524-WA0250.jpg
Qries