ಮುಂಬೈ: ಮುಕೇಶ್‌ ಅಂಬಾನಿ ಒಡೆತನದ ರಿಲಯನ್ಸ್ ರಿಟೇಲ್‌ ವೆಂಚರ್ಸ್‌ ಜರ್ಮನ್‌ ರಿಟೇಲರ್‌ ಸಂಸ್ಥೆ ಮೆಟ್ರೋ ಎಜಿ ಇದರ ಭಾರತೀಯ ಘಟಕವನ್ನು ರೂ. 2850 ಕೋಟಿಗೆ ಖರೀದಿಸಲು ಒಪ್ಪಿದೆ ಎಂದು ರಿಲಯನ್ಸ್ ಸಂಸ್ಥೆ ಮಾಹಿತಿ ನೀಡಿದೆ.
ಈ ಒಪ್ಪಂದದೊಂದಿಗೆ ರಿಲಯನ್ಸ್ ಹೋಲ್‌ಸೇಲ್‌ ಕ್ಷೇತ್ರದಲ್ಲಿ ತನ್ನ ಸ್ಥಾನವನ್ನು ಭದ್ರಪಡಿಸಿ ಭಾರತದ ಬೆಳೆಯುತ್ತಿರುವ ರಿಟೇಲ್‌ ಕ್ಷೇತ್ರದಲ್ಲಿ ಅಗ್ರ ಸ್ಥಾನಿಯಾಗಲಿದೆ.
ಈ ತಿಂಗಳು ತನ್ನ ಬೆಲ್ಜಿಯಂ ಘಟಕವನ್ನು ಮಾರಾಟ ಮಾಡಿದ್ದ ಮೆಟ್ರೋ ಇದೀಗ ಭಾರತದ ಘಟಕವನ್ನು ಮಾರಾಟ ಮಾಡುವ ಮೂಲಕ ಸುಮಾರು 150 ಮಿಲಿಯನ್‌ ಯುರೋ ಲಾಭ ಗಳಿಸುವ ಉದ್ದೇಶ ಹೊದಿದೆ.
ಭಾರತೀಯ ಮಾರುಕಟ್ಟೆಯಲ್ಲಿ 2003 ರಿಂದ ಸಕ್ರಿಯವಾಗಿರುವ ಮೆಟ್ರೋ ಸೆಪ್ಟೆಂಬರ್‌ 2022 ರ ತನಕ 926 ಮಿಲಿಯನ್‌ ಯುರೋ ಮಾರಾಟ ದಾಖಲಿಸಿದೆ. ಅದು ದೇಶದ 21 ನಗರಗಳಲ್ಲಿ 31 ಸ್ಟೋರ್‌ಗಳನ್ನು ಹೊಂದಿದ್ದು ಪ್ರಮುಖವಾಗಿ ರೆಸ್ಟೋರೆಂಟ್‌ಗಳು ಮತ್ತು ಸಣ್ಣ ಉದ್ಯಮಗಳಿಗೆ ಪೂರೈಕೆದಾರನಾಗಿದೆ.
ಮಾರ್ಚ್‌ 2023 ರೊಳಗಾಗಿ ರಿಲಯನ್ಸ್-ಮೆಟ್ರೋ ಒಪ್ಪಂದ ಜಾರಿಯಾಗುವ ನಿರೀಕ್ಷೆಯಿದೆ.
ಇನ್ನೊಂದೆಡೆ ಮುಕೇಶ್‌ ಅಂಬಾನಿ ಅವರು ಗೌತಮ್‌ ಅದಾನಿ ಅವರ ಅದಾನಿ ಸಮೂಹದೊಂದಿಗೆ ಸಾಲಪೀಡಿತ ಫ್ಯೂಚರ್‌ ರಿಟೇಲ್‌ ಲಿಮಿಟೆಡ್‌ ಖರೀದಿಸಲು ಸ್ಪರ್ಧೆಯಲ್ಲಿದ್ದಾರೆ.
DOCTYPE html>
.jpeg)
