ನವದೆಹಲಿ: ಇ ಕಾಮರ್ಸ್(E commerce) ದೈತ್ಯ ಕಂಪನಿ ಅಮೆಜಾನ್(Amazon) 18,000ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಕೆಲಸದಿಂದ ವಜಾಗೊಳಿಸಲು ಸಜ್ಜಾಗಿದ್ದು, ಸಿಬ್ಬಂದಿಯಲ್ಲಿ ಆತಂಕ ಶರುವಾಗಿದೆ.
ಆರ್ಥಿಕ ನಷ್ಟ ಸರಿದೂಗಿಸಲು ಕಳೆದ ವರ್ಷ ನವೆಂಬರ್ನಲ್ಲಿ 10 ಸಾವಿರ ಉದ್ಯೋಗಿಗಳನ್ನು ಕಡಿತ ಮಾಡುವುದಾಗಿ ಘೋಷಿಸಿತ್ತು.
ಈ ಸರಣಿ ಮುಂದುವರಿದಿದ್ದು, ಇದೀಗ ಒಟ್ಟು 18 ಸಾವಿರ ಉದ್ಯೋಗ ಕಡಿತ ಮಾಡುವುದಾಗಿ ಘೋಷಿಸಿದೆ. ವಿಶ್ವದಾದ್ಯಂತ ಸುಮಾರು 1.5 ಮಿಲಿಯನ್ ಉದ್ಯೋಗಿಗಳು ಅಮೆಜಾನ್ನಲ್ಲಿ ಕೆಲಸ ಮಾಡುತ್ತಿದ್ದಾರೆ.
ಮೆಟಾ, ಟ್ವಿಟರ್, ಜೊಮ್ಯಾಟೊದಲ್ಲೂ ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದುಹಾಕಲಾಗಿದೆ. ಕಾರ್ಪೋರೇಟ್ ಸಂಸ್ಥೆಗಳಲ್ಲಿನ ಜಾಬ್ಕಟ್ ಟ್ರೆಂಡ್ ಮತ್ತಷ್ಟು ಮುಂದುವರಿದಿದ್ದು, ಉದ್ಯೋಗಿಗಳಲ್ಲಿ ಆತಂಕ ಸೃಷ್ಟಿಸಿದೆ. ಈ ತಿಂಗಳು ಉದ್ಯೋಗ ಕಡಿತ ಸಂಖ್ಯೆ 18,000ಕ್ಕೆ ತಲುಪಿದೆ. ಇದಕ್ಕೆ 'ಅನಿಶ್ಚಿತ ಆರ್ಥಿಕತೆ' ಕಾರಣ ಎಂದು ಅಮೆಜಾನ್ ಸಿಇಒ ಆಂಡಿ ಜಾಸ್ಸಿ ಸಂದೇಶ ರವಾನಿಸಿದ್ದಾರೆ.
ಉದ್ಯೋಗ ಕಳೆದುಕೊಳ್ಳುತ್ತಿರುವವರು ಹೆಚ್ಚಿನವರು ಯೂರೋಪ್ನವರು. ಅಮೆಜಾನ್ ಸಂಸ್ಥೆಯು ಹೆಚ್ಚು ಆರ್ಥಿಕ ಹಿಂಜರಿತ ಅನುಭವಿಸುತ್ತಿದೆ. ಅಲ್ಲದೆ ಕಳೆದ 2 ವರ್ಷದಲ್ಲಿ ಅಗತ್ಯಕ್ಕಿಂತ ಹೆಚ್ಚಿನ ಸಿಬ್ಬಂದಿಯನ್ನ ನೇಮಕ ಮಾಡಿಕೊಂಡಿದ್ದರಿಂದ ಮತ್ತಷ್ಟು ನಷ್ಟ ಉಂಟಾಗಿದೆ. ಹಾಗಾಗಿ ಉದ್ಯೋಗ ಕಡಿತ ಅನಿವಾರ್ಯ ಎಂದು ಸಂಸ್ಥೆಯು ತಿಳಿಸಿದೆ. ಉದ್ಯೋಗದಿಂದ ವಜಾಗೊಳ್ಳುವ ಸಿಬ್ಬಂದಿ ಜತೆ ಜ.18ರಂದು ಸಭೆ ನಡೆಸಲಿದೆ ಎಂಬ ಮಾಹಿತಿಯೂ ಲಭ್ಯವಾಗಿದೆ.
DOCTYPE html>
.jpeg)
