ಕೊಚ್ಚಿ: ಇದು ಡಯಾಬಿಟಿಸ್ ಜಮಾನಾ. ಮಧುಮೇಹ ಇದ್ದವರು ಮಾತ್ರವಲ್ಲ, ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುವವರದ್ದೂ ಕೂಡ ಒಂದೇ ಮಾತು, ಶುಗರ್ ಲೆಸ್ ಅಥವಾ ಲೆಸ್ ಶುಗರ್. ಸಕ್ಕರೆ ಹಾಕದೆ ಕೊಡಿ, ಇಲ್ಲವೇ ಸಕ್ಕರೆ ಕಡಿಮೆ ಹಾಕಿ ಎನ್ನುವ ಈ ಕಾಲದಲ್ಲಿ ಇಲ್ಲೊಬ್ಬ ಗ್ರಾಹಕ ಚಹಾಗೆ ಹಾಕಿದ ಸಕ್ಕರೆ ಕಡಿಮೆಯಾಯ್ತು ಎಂಬ ಕಾರಣಕ್ಕೆ ಹೋಟೆಲ್ ಮಾಲೀಕನಿಗೇ ಚಾಕು ಚುಚ್ಚಿದ್ದಾನೆ.
ಮಲ್ಲಪ್ಪುರಂ ನ ತನೂರ್ ಬಳಿ ಚಿಕ್ಕ ಹೋಟೆಲ್ನಲ್ಲಿ ಈ ಘಟನೆ ನಡೆದಿದೆ. ಸುಬೇರ್ ಎಂಬಾತ ಮಂಗಳವಾರ ಬೆಳಗ್ಗೆ ಚಹಾ ಕುಡಿಯಲೆಂದು ಇಲ್ಲಿನ ಹೋಟೆಲೊಂದಕ್ಕೆ ತೆರಳಿದ್ದಾನೆ. ಆಗ ತನಗೆ ಕೊಟ್ಟ ಚಹಾದಲ್ಲಿ ಸಕ್ಕರೆ ಕಡಿಮೆ ಇದೆ ಎಂಬ ಕಾರಣಕ್ಕೆ ಸುಬೇರ್ ಮತ್ತು ಹೋಟೆಲ್ ಮಾಲೀಕ ಮನಾಫ್ ಮಧ್ಯೆ ಮಾತಿಗೆ ಮಾತು ಬೆಳೆದಿದೆ. ಅದು ವಿಕೋಪಕ್ಕೆ ತೆರಳಿ ಕೋಪೋದ್ರಿಕ್ತನಾದ ಸುಬೇರ್ ಹೋಟೆಲ್ ಮಾಲಿಕನಿಗೇ ಚಾಕು ಚುಚ್ಚಿದ್ದಾನೆ.
ಗಂಭೀರ ಗಾಯಗೊಂಡ ಮನಾಫ್ನನ್ನು ಆರಂಭದಲ್ಲಿ ಸಮೀಪದ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಪರಿಸ್ಥಿತಿ ಚಿಂತಾಜನಕವಾಗಿದ್ದರಿಂದ ಬಳಿಕ ಕೊಝಿಕೋಡ್ ಮೆಡಿಕಲ್ ಕಾಲೇಜಿಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ. ಮತ್ತೊಂದೆಡೆ ಆರೋಪಿ ಸುಬೇರ್ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದು, ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
DOCTYPE html>
