ಸಮರಸ ಸುದ್ದಿ

     ಕ್ರಿಕೆಟ್ ಆಟದ ಮಧ್ಯೆ ಕುಸಿದು ಬಿದ್ದ ಯುವಕ ಮೃತ್ಯು
   ಮಂಜೇಶ್ವರ:  ಕ್ರಿಕೆಟ್ ಆಟದ ಮಧ್ಯೆ ಯುವಕನೊಬ್ಬ ಕುಸಿದು ಬಿದ್ದು  ಮೃತ ಪಟ್ಟಿದ್ದಾನೆ.
      ಪೈವಳಿಕೆ ಸಮೀಪದ ಜೋಡುಕಲ್ಲು ನಿವಾಸಿ ಪದ್ಮನಾಭ (25)  ಮೃತ ದುದರ್ೈವಿ. ಶನಿವಾರ ಬೆಳಿಗ್ಗೆ 11 ಗಂಟೆ ಸುಮಾರಿಗೆ ಈ ದುರ್ಘಟನೆ ಸಂಭವಿಸಿದೆ.
        ಮೀಯಪದವು ಮೈದಾನದಲ್ಲಿ ಕ್ರಿಕೆಟ್ ಆಟ ನಡೆಯುತ್ತಿರುವ ಮಧ್ಯೆ ಬೌಲಿಂಗ್ ನಡೆಸುತ್ತಿದ್ದ  ಪದ್ಮನಾಭ ಕುಸಿದು ಬಿದ್ದರು. ಒಂದು ಓವರಿನಲ್ಲಿ ಒಂದು ಬಾಲ್ ಬಾಕಿ ಇರುವ ಮಧ್ಯೆ ಈ ದುರ್ಘಟನೆ ಸಂಭವಿಸಿದೆ.  ಕೂಡಲೇ ಪದ್ಮನಾಭರನ್ನು ಮಂಗಳೂರು ಆಸ್ಪತ್ರೆಗೆ ಸಾಗಿಸುತ್ತಿರುವ ಮಧ್ಯೆ ಸಾವು ಸಂಭವಿಸಿದೆ. ಪದ್ಮನಾಭರ ನಿಧನಕ್ಕೆ ಶೋಕ ವ್ಯಕ್ತ ಪಡಿಸಿ ಮಂಜೇಶ್ವರ ತಾಲೂಕಿನ ವಿವಿಧ ಭಾಗಗಳಲ್ಲಿ ನಡೆಯುತ್ತಿದ್ದ ಕ್ರಿಕೆಟ್ ಪಂದ್ಯಾಟಗಳನ್ನು ದಿನದ ಮಟ್ಟಿಗೆ ನಿಲ್ಲಿಸಿರುವುದಾಗಿ ಕ್ರಿಕೆಟ್ ಅಸೋಸಿಯೇಶನ್ ಪದಾಧಿಕಾರಿಗಳು ತಿಳಿಸಿದ್ದಾರೆ.