ಸಮರಸ ಸುದ್ದಿ

          ಮಂಗ್ಳೂರು ವಿಮಾನ ನಿಲ್ದಾಣವಿನ್ನು `ನಿಶ್ಶಬ್ದ'
   ಮಂಗಳೂರು: ಭಾರತೀಯ ವಿಮಾನ ನಿಲ್ದಾಣಗಳ ಪ್ರಾಧಿಕಾರವು ಮಂಗಳೂರು ವಿಮಾನ ನಿಲ್ದಾಣವನ್ನು `ನಿಶ್ಶಬ್ದ ನಿಲ್ದಾಣ' ಎಂದು ಘೊಷಿಸಿದೆ. ಪ್ರಯಾಣಿಕರಿಗೆ ಪ್ರಶಾಂತ ವಾತಾವರಣವನ್ನು ಒದಗಿಸಿಕೊಡಬೇಕು ಎನ್ನುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗುತ್ತಿದ್ದು, ಜ. 2ರಿಂದಲೇ ಅನುಷ್ಠಾನಗೊಳ್ಳಲಿದೆ. ಅದರಂತೆ ವಿಮಾನ ನಿಲ್ದಾಣದಲ್ಲಿ ಯಾವುದೇ ಉದ್ಘೋಷಣೆಗಳು ಇರುವುದಿಲ್ಲ, ಆದರೆ ಅಂಗವಿಕಲ ಪ್ರಯಾಣಿಕರಿಗೆ ಯಾವುದೇ ತೊಂದರೆಯಾಗದಂತೆ ಕ್ರಮ ಕೈಗೊಳ್ಳಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ. ಪ್ರಯಾಣಿಕ ಸ್ನೇಹಿ ಮತ್ತೊಂದು ಕ್ರಮವಾಗಿ ಕೈಚೀಲಕ್ಕೆ ಮುದ್ರೆ ಹಾಕುವುದು ಮತ್ತು ಟ್ಯಾಗ್ ಹಾಕುವುದನ್ನು ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಡಿ.15ರಿಂದ ರದ್ದುಗೊಳಿಸಲಾಗುತ್ತಿದೆ. ಉಡ್ಡಯನ ಪೂರ್ವ ತಪಾಸಣಾ ಕೇಂದ್ರಗಳಲ್ಲಿ ಇನ್ನು ಮುಂದೆ ಮುದ್ರೆ ಹಾಕಲಾಗುವುದಿಲ್ಲ.