ಪಾಲಕ್ಕಾಡ್: ಚೇರಾಟ್ ಬೆಟ್ಟದಲ್ಲಿ ಸಿಕ್ಕಿಬಿದ್ದಿದ್ದ ಬಾಬು ಅವರನ್ನು ಏರ್ ಲಿಫ್ಟ್ ಮಾಡಿ ಆಸ್ಪತ್ರೆಗೆ ರವಾನಿಸಲಾಗಿದೆ. ಆಸ್ಪತ್ರೆ ತಲುಪುವಷ್ಟರಲ್ಲಿ ಬಾಬು ರಕ್ತ ವಾಂತಿ ಮಾಡಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ. ಅವರು 24 ಗಂಟೆಗಳ ಕಾಲ ನಿಗಾದಲ್ಲಿ ಇರುತ್ತಾರೆ ಮತ್ತು ಈ ಗಂಟೆಗಳು ನಿರ್ಣಾಯಕ ಎಂದು ಆಸ್ಪತ್ರೆ ಅಧಿಕಾರಿಗಳು ತಿಳಿಸಿದ್ದಾರೆ. ಎಲ್ಲಾ ಪರೀಕ್ಷೆಗಳನ್ನು ಮುಗಿಸಿ ಬಾಬು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಲಿದ್ದಾರೆ.ಬಾಬು ಅವರ ಆರೋಗ್ಯ ತೃಪ್ತಿಕರವಾಗಿದೆ. ಇಸಿಜಿ ಸೇರಿದಂತೆ ಪರೀಕ್ಷೆಯ ಫಲಿತಾಂಶಗಳು ಸಾಮಾನ್ಯವಾಗಿವೆ ಎಂದು ವೈದ್ಯರು ಹೇಳಿದ್ದಾರೆ.
45 ನಿಮಿಷಗಳ ಸೇನಾ ರಕ್ಷಣಾ ಕಾರ್ಯಾಚರಣೆ ಪೂರ್ಣಗೊಂಡು ಬಳಿಕ ಮಧ್ಯಾಹ್ನ 1.30 ಕ್ಕೆ ಬಾಬು ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಬಾಬು ಅವರಿಗೆ ಅಗತ್ಯ ಚಿಕಿತ್ಸೆ ನೀಡಲಾಗುವುದು ಎಂದು ಆಸ್ಪತ್ರೆ ಅಧಿಕಾರಿಗಳು ತಿಳಿಸಿದ್ದಾರೆ. ಕಡಿದಾದ ಕುರ್ಂಪಚ್ಚಿ ಬೆಟ್ಟದಲ್ಲಿ ಬಾಬು ಸಿಕ್ಕಿಬಿದ್ದಿದ್ದರು. ಹೆಲಿಕಾಪ್ಟರ್ ಮೂಲಕ ರಕ್ಷಣಾ ಕಾರ್ಯಾಚರಣೆ ನಡೆಸುವ ಪ್ರಯತ್ನ ವಿಫಲವಾಗಿತ್ತು. ನಂತರ ಅವರು ಸೇನೆಯ ಸಹಾಯದಿಂದ ಸಂರಕ್ಷಿಸಲಾಯಿತು.
ಸೋಮವಾರ ಬೆಳಗ್ಗೆ ಮೂವರು ಸ್ನೇಹಿತರೊಂದಿಗೆ ಬಾಬು ಕುರ್ಂಪಚ್ಚಿ ಬೆಟ್ಟ ಹತ್ತಿದ್ದರು. ಬೆಟ್ಟ ಹತ್ತುವಾಗ ದಣಿದಿದ್ದ ಗೆಳೆಯರು ನಡುನಡುವೆ ವಿಶ್ರಮಿಸಿದರೂ ಬಾಬು ತುಸು ಎತ್ತರಕ್ಕೇರಿದರು. ಅಲ್ಲಿಂದ ಸ್ನೇಹಿತರ ಬಳಿ ಮರಳುವಾಗ ಕಾಲು ಜಾರಿ ಬಿದ್ದರು. ಬಾಬು ನಾಪತ್ತೆಯಾದ ಹಿನ್ನೆಲೆಯಲ್ಲಿ ತನಿಖೆ ನಡೆಸಿದಾಗ ಬಂಡೆಗಳ ನಡುವೆ ಸಿಕ್ಕಿಬಿದ್ದಿರುವುದು ಪತ್ತೆಯಾಯಿತು.
DOCTYPE html>
