ವಿಳಿಂಜಂ ಬಂದರಿಗೆ ಮುಖ್ಯಮಂತ್ರಿ ಭೇಟಿ

ತಿರುವನಂತಪುರಂ: ಮೇ 2 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ವಿಳಿಂಜಂ ಅಂತರರಾಷ್ಟ್ರೀಯ ಬಂದರು ಯೋಜನೆಯನ್ನು ರಾಷ್ಟ್ರಕ್ಕೆ ಸಮರ್ಪಿಸಲಿದ್ದು, ಅದಕ್ಕೂ ಮುನ್ನ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ವಿಳಿಂಜಂ ಅಂತರರಾಷ್ಟ್ರೀಯ ಬಂದರು ಯೋಜನೆಗೆ ನಿನ್ನೆ ಭೇಟಿ ನೀಡಿದರು.

ಸಚಿವರಾದ ವಿ ಎನ್ ವಾಸವನ್ ಮತ್ತು ವಿ ಶಿವನ್‍ಕುಟ್ಟಿ, ಮೇಯರ್ ಆರ್ಯ ರಾಜೇಂದ್ರನ್, ಮತ್ತು ವಿಳಿಂಜಮ್ ಇಂಟನ್ರ್ಯಾಷನಲ್ ಸೀಪೋರ್ಟ್ ಲಿಮಿಟೆಡ್ ವ್ಯವಸ್ಥಾಪಕ ನಿರ್ದೇಶಕಿ ಡಾ. ದಿವ್ಯಾ ಎಸ್ ಅಯ್ಯರ್ ಮತ್ತು ಅದಾನಿ ವಿಳಿಂಜಮ್ ಬಂದರು ಸಿಇಒ ಪ್ರದೀಪ್ ಜಯರಾಮನ್ ಅವರು ಮುಖ್ಯಮಂತ್ರಿ ಮತ್ತು ಅವರ ಕುಟುಂಬವನ್ನು ಸ್ವಾಗತಿಸಿದರು.

ಡಾ. ದಿವ್ಯಾ ಎಸ್. ಅಯ್ಯರ್ ಅವರು ವಿಝಿಂಜಮ್ ಇಂಟನ್ರ್ಯಾಷನಲ್ ಸೀಪೋರ್ಟ್ ಲಿಮಿಟೆಡ್‍ನ ಚಟುವಟಿಕೆಗಳನ್ನು ವಿವರಿಸುವ ಪ್ರಸ್ತುತಿಯನ್ನು ಮಂಡಿಸಿದರು. ಬಂದರು ಯೋಜನೆಯ ಕಾರ್ಯಾಚರಣೆ ಮತ್ತು ನಿಯಂತ್ರಣ ಕೇಂದ್ರಗಳು, ಅಂಗಳ, ಬರ್ತ್ ಮತ್ತು ಪಿಯರ್‍ಗೆ ಭೇಟಿ ನೀಡಲಾಯಿತು. ಟಗ್ ಬೋಟ್‍ನಲ್ಲಿ ಪ್ರಯಾಣಿಸಿ ಬಂದರು ಕಾರ್ಯಾಚರಣೆಗಳನ್ನು ವೀಕ್ಷಿಸಿದರು. ಕಂಟೇನರ್‍ಗಳನ್ನು ತೆಗೆಯುವುದು ಸೇರಿದಂತೆ ಚಟುವಟಿಕೆಗಳನ್ನು ಮುಖ್ಯಮಂತ್ರಿಗಳು ವೈಯಕ್ತಿಕವಾಗಿ ಅರ್ಥಮಾಡಿಕೊಂಡರು.