ಅಜಿತ್ ಅವರ ಅಪರಾಧ ಪರ್ವ: ಪೂರಂ ಗದ್ದಲದಲ್ಲಿ ಎಡಿಜಿಪಿ ಎಂ.ಆರ್. ಅಜಿತ್ ಕುಮಾರ್ ಗಂಭೀರ ಲೋಪವೆಸಗಿರುವುದರ ಬಗ್ಗೆ ಗೃಹ ಕಾರ್ಯದರ್ಶಿ ಮುಖ್ಯಮಂತ್ರಿಗೆ ವರದಿ ಸಲ್ಲಿಕೆ

ತಿರುವನಂತಪುರಂ: ತ್ರಿಶೂರ್ ಪೂರಂ ಗದ್ದಲವೆಬ್ಬಿಸಿದ ಘಟನೆಯಲ್ಲಿ ಎಡಿಜಿಪಿ ಎಂ.ಆರ್. ಅಜಿತ್ ಕುಮಾರ್ ಗಂಭೀರ ಲೋಪ ಎಸಗಿದ್ದಾರೆ ಎಂದು ಗೃಹ ಕಾರ್ಯದರ್ಶಿ ಮುಖ್ಯಮಂತ್ರಿಗೆ ವರದಿ ಸಲ್ಲಿಸಿದ್ದಾರೆ. ಗಂಭೀರ ಕರ್ತವ್ಯ ಲೋಪ ಎಸಗಿದ ಅಜಿತ್ ಕುಮಾರ್ ವಿರುದ್ಧ ಕ್ರಮ ಕೈಗೊಳ್ಳಲು ಶಿಫಾರಸು ಸೇರಿದಂತೆ ವರದಿಯನ್ನು ರವಾನಿಸಲಾಗಿದೆ. ಮಾಜಿ ಡಿಜಿಪಿ ಶೇಖ್ ದರ್ವೇಶ್ ಸಾಹಿಬ್ ನಡೆಸಿದ ತನಿಖೆಯ ವರದಿಯನ್ನು ಗೃಹ ಇಲಾಖೆ ಮುಖ್ಯಮಂತ್ರಿಗೆ ರವಾನಿಸಿದೆ.

ಪೂರಂ ಗದ್ದಲ ವಿಷಯದಲ್ಲಿ ಎಂ.ಆರ್. ಅಜಿತ್ ಕುಮಾರ್ ಯಾವುದೇ ರೀತಿಯ ಲೋಪ ಎಸಗಿದ್ದಾರೆಯೇ ಎಂಬುದು ಮುಖ್ಯ ವಿಚಾರಣೆಯಾಗಿತ್ತು. ಶೇಖ್ ದರ್ವೇಶ್ ಸಾಹಿಬ್ ಅವರ ತನಿಖೆಯಲ್ಲಿ ಅವರು ಸ್ಥಳದಲ್ಲಿದ್ದರೂ ಪೂರಂ ಗದ್ದಲ  ಘಟನೆಯಲ್ಲಿ ಮಧ್ಯಪ್ರವೇಶಿಸಲಿಲ್ಲ ಎಂದು ಕಂಡುಬಂದಿದೆ. ಘಟನೆಯ ಸಮಯದಲ್ಲಿ ಅಜಿತ್ ಕುಮಾರ್ ಕಾನೂನು ಮತ್ತು ಸುವ್ಯವಸ್ಥೆಯ ಉಸ್ತುವಾರಿ ಎಡಿಜಿಪಿಯಾಗಿದ್ದರು. ಶೇಖ್ ದರ್ವೇಶ್ ಸಾಹಿಬ್ ಅವರ ವರದಿಯು, ಇಂತಹ ಗಂಭೀರ ಸಮಸ್ಯೆಯಿದ್ದರೂ ಮಧ್ಯಪ್ರವೇಶಿಸದಿರುವುದು ಕರ್ತವ್ಯ ಲೋಪ ಎಂದು ಪರಿಗಣಿಸಿದೆ.

ಪೂರಂನಲ್ಲಿ ಅವ್ಯವಸ್ಥೆ ಇದ್ದರೂ ಅಧಿಕೃತ ಕರ್ತವ್ಯದ ಮೇಲೆ ತ್ರಿಶೂರ್‍ಗೆ ಬಂದಿದ್ದ ಎಡಿಜಿಪಿ ಮಧ್ಯಪ್ರವೇಶಿಸಲಿಲ್ಲ. ಸಮಸ್ಯೆಗಳು ಎದುರಾದಾಗ ಕಂದಾಯ ಸಚಿವ ಕೆ. ರಾಜನ್ ಅವರು ಪೋನ್ ಕರೆ ಮಾಡಿದ ನಂತರವೂ ಅಜಿತ್ ಕುಮಾರ್ ಪೋನ್ ಎತ್ತಲಿಲ್ಲ ಎಂದು ವರದಿಯಲ್ಲಿ ಹೇಳಲಾಗಿದೆ. ಅಧಿಕೃತ ಕರ್ತವ್ಯದ ಮೇಲೆ ತ್ರಿಶೂರ್‍ಗೆ ಬಂದಿದ್ದ ಅಜಿತ್ ಕುಮಾರ್, ಪೂರಂ ನಡೆಯುತ್ತಿರುವಾಗ ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸುತ್ತಿದ್ದರು. ತೃಶೂರ್ ಆಯುಕ್ತ ಅಂಕಿತ್ ಅಶೋಕ್ ಮತ್ತು ಸಂಘಟಕರ ನಡುವಿನ ಮಾತಿನ ಚಕಮಕಿಯ ಬಗ್ಗೆ ಸಚಿವ ಕೆ. ರಾಜನ್ ಎಡಿಜಿಪಿಗೆ ಪೋನ್‍ನಲ್ಲಿ ಕರೆ ಮಾಡಿ ತಿಳಿಸಿದ್ದರು.

ರಾತ್ರಿಯಲ್ಲಿ ಪೂರಂ ಅಸ್ತವ್ಯಸ್ತವಾಗಿದ್ದಾಗ ಸಚಿವರು ಕರೆ ಮಾಡಿದ ಮೊದಲ ವ್ಯಕ್ತಿ ಎಡಿಜಿಪಿ. ತ್ರಿಶೂರ್‍ನಲ್ಲಿ ಎಡಿಜಿಪಿ ಪೋನ್ ಎತ್ತಲಿಲ್ಲ ಅಥವಾ ಸಮಸ್ಯೆಯಲ್ಲಿ ಮಧ್ಯಪ್ರವೇಶಿಸಲಿಲ್ಲ ಎಂದು ವರದಿಯಾಗಿದೆ. ಆರ್‍ಎಸ್‍ಎಸ್ ನಾಯಕರೊಂದಿಗೆ ಎಂ.ಆರ್. ಅಜಿತ್ ಕುಮಾರ್ ಅವರ ಸಭೆಯ ಕುರಿತು ಡಿಜಿಪಿ ನೀಡಿದ ವರದಿಯೂ ಗೃಹ ಇಲಾಖೆಯ ಪರಿಗಣನೆಯಲ್ಲಿದೆ.

ಏತನ್ಮಧ್ಯೆ, ಶಬರಿಮಲೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಅಜಿತ್ ಕುಮಾರ್ ಟ್ರ್ಯಾಕ್ಟರ್‍ನಲ್ಲಿ ಪ್ರಯಾಣಿಸಿದ್ದಕ್ಕಾಗಿ ಹೈಕೋರ್ಟ್ ನಿನ್ನೆ ಅವರನ್ನು ತೀವ್ರವಾಗಿ ಟೀಕಿಸಿದೆ. 2021 ರ ಹೈಕೋರ್ಟ್ ಆದೇಶದ ಪ್ರಕಾರ, ಶಬರಿಮಲೆಯಲ್ಲಿ ಸರಕು ಸಾಗಣೆಗೆ ಮಾತ್ರ ಟ್ರ್ಯಾಕ್ಟರ್‍ಗಳನ್ನು ಬಳಸಬಹುದು. ಎಂ.ಆರ್. ಅಜಿತ್ ಕುಮಾರ್ ಮಾಡಿದ್ದನ್ನು ನ್ಯಾಯಾಲಯವು ಅಧಿಕಾರ ದುರುಪಯೋಗ ಎಂದು ಪರಿಗಣಿಸುತ್ತದೆ. ಈ ಮಧ್ಯೆ, ಪಂಪಾ ಪೆÇಲೀಸರು ಅಜಿತ್ ಕುಮಾರ್ ಪ್ರಯಾಣಿಸಿದ ಟ್ರ್ಯಾಕ್ಟರ್ ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.