ಯುವ ರಾಜಕೀಯ ನಾಯಕನಿಂದ ಅಶ್ಲೀಲ ಸಂದೇಶ: ಪಂಚತಾರಾ ಹೋಟೆಲ್‍ಗೆ ಆಹ್ವಾನಿಸಿದ್ದ: ಹೊಸ ಬಾಂಬ್ ಸಿಡಿಸಿದ ಯುವ ನಟಿ ರಿನಿ ಆನ್ ಜಾರ್ಜ್

ಕೊಚ್ಚಿ: ಯುವ ರಾಜಕೀಯ ನಾಯಕರೊಬ್ಬರು ಅಶ್ಲೀಲ ಸಂದೇಶಗಳನ್ನು ಕಳುಹಿಸಿದ್ದಾರೆ ಮತ್ತು ಇದು ಆವರ್ತಿಸಬಾರದೆಂದು ಹೇಳಿದ ನಂತರವೂ ಅದನ್ನು ಮುಂದುವರಿಸಿದ್ದಾರೆ ಎಂದು ನಟಿ ರಿನಿ ಆನ್ ಜಾರ್ಜ್ ಮಾಧ್ಯಮಗಳ ಮುಂದೆ ಹೇಳಿದ್ದಾರೆ. ಆದರೆ ಆ ಯುವ ನಾಯಕನ ಹೆಸರು ಬಹಿರಂಗಪಡಿಸುತ್ತಿಲ್ಲ.

ಆ ವ್ಯಕ್ತಿ ಸೇರಿರುವ ಚಳುವಳಿಯಲ್ಲಿ ಅನೇಕ ಜನರೊಂದಿಗೆ ತನಗೆ ಉತ್ತಮ ಸಂಬಂಧವಿದೆ ಎಂದು ನಟಿ ಹೇಳಿದರು. ಅವರು ಸಾಮಾಜಿಕ ಮಾಧ್ಯಮದ ಮೂಲಕ ತನ್ನನ್ನು ಸಂಪರ್ಕಿಸಿದರು. ಆರಂಭದಿಂದಲೂ ಅವರು ಕೆಟ್ಟ ಸಂದೇಶಗಳನ್ನು ಕಳುಹಿಸಿದ್ದಾರೆ. ತನ್ನ ಆಕ್ಷೇಪಣೆಗಳನ್ನು ದಾಖಲಿಸಿದರೂ ಅವರು ಅದನ್ನು ಮುಂದುವರಿಸಿದರು. 

ಮೊದಲ ಸಂದೇಶವನ್ನು ಮೂರುವರೆ ವರ್ಷಗಳ ಹಿಂದೆ ಕಳುಹಿಸಲಾಗಿತ್ತು. ಅದರ ನಂತರ ಅವರು ಸಾರ್ವಜನಿಕ ಪ್ರತಿನಿಧಿಯಾದರು. ಅವರಿಂದಾಗಿ ತನಗೆ ಬೇರೆ ತೊಂದರೆಗಳಿಲ್ಲದ ಕಾರಣ ಅವರು ದೂರು ನೀಡಿಲ್ಲ. ತನ್ನಂತೆಯೇ ಅನೇಕರಿಗೆ ಅವರಿಂದ ತೊಂದರೆಗಳಾಗಿದ್ದು, ದೂರುಗಳಿರುವವರು ಅದನ್ನು ಮುಂದುವರಿಸಲಿ. ನನ್ನನ್ನು ಪಂಚತಾರಾ ಹೋಟೆಲ್‍ಗೆ ಆಹ್ವಾನಿಸಲಾಗಿತ್ತು ಎಂದು ನಟಿ ಬಹಿರಂಗಪಡಿಸಿದ್ದಾರೆ.

ತಾನು ಪಕ್ಷದ ನಾಯಕರಿಗೆ ದೂರು ನೀಡಿದ್ದೆ. ಯಾವುದೇ ಕ್ರಮ ಕೈಗೊಳ್ಳಲಾಗಿಲ್ಲ. ಈ ವಿಷಯದ ಬಗ್ಗೆ ವಿರೋಧ ಪಕ್ಷದ ನಾಯಕರಿಗೂ ಹೇಳಿರುವುದಾಗಿ ನಟಿ ಮಾಧ್ಯಮಗಳಿಗೆ ತಿಳಿಸಿದರು. ಪಕ್ಷದ ಅನೇಕ ಮಹಿಳೆಯರಿಗೆ ಕೆಟ್ಟ ಅನುಭವಗಳಾಗಿವೆ. ಅವರು ಮಾತನಾಡಬೇಕು. ನೈತಿಕತೆ ಇದ್ದರೆ ನಾಯಕತ್ವ ಕ್ರಮ ಕೈಗೊಳ್ಳಬೇಕು ಎಂದು ರಿನಿ ಆನ್ ಜಾರ್ಜ್ ಹೇಳಿದರು. ಸಾರ್ವಜನಿಕವಾಗಿ ತಾನಿದನ್ನು ಬಹಿರಂಗಪಡಿಸುವೆನೆಂದಾಗ, 'ಹೋಗಿ ಹೇಳು' ಎಂದು ಆ ಯುವ ನಾಯಕ ಉಡಾಪೆಯಿಂದ ವರ್ತಿಸಿದ್ದ ಎಂದವರು ತಿಳಿಸಿದರು.

ಇಂತಹ ಕೆಟ್ಟ ಅನುಭವ ಪುನರಾವರ್ತನೆಯಾದರೆ, ಆತನ ಹೆಸರು ಬಹಿರಂಗಗೊಳ್ಳುತ್ತದೆ ಎಂದು ರಿನಿ ಆನ್ ಜಾರ್ಜ್ ಹೇಳಿದರು. ಯುವ ನಾಯಕನಿಂದ ಉತ್ತಮ ಸ್ನೇಹವನ್ನು ನಿರೀಕ್ಷಿಸಿದ್ದೇನೆ ಎಂದು ರಿನಿ ಹೇಳುತ್ತಾರೆ.

ಈ ಯುವ ನಾಯಕ ಚಾನೆಲ್ ಚರ್ಚೆಗಳು ಮತ್ತು ಪ್ರತಿಭಟನಾ ಸಭೆಗಳಲ್ಲಿ ಸಕ್ರಿಯರಾಗಿದ್ದಾರೆ. ಮೊದಲಿಗೆ, ಅನುಚಿತವಾಗಿ ವರ್ತಿಸದಂತೆ ಅವರಿಗೆ ಎಚ್ಚರಿಕೆ ನೀಡಲಾಯಿತು. ಇದಾದ ನಂತರ, ಸ್ವಲ್ಪ ಸಮಯದವರೆಗೆ ಯಾವುದೇ ಸಮಸ್ಯೆ ಇರಲಿಲ್ಲ. ಆದರೆ ಅವರು ಮತ್ತೆ ಅನುಚಿತವಾಗಿ ವರ್ತಿಸಲು ಪ್ರಾರಂಭಿಸಿದರು. ಅದಕ್ಕಾಗಿಯೇ ತಾನು ಈಗ ಅದನ್ನು ಬಹಿರಂಗಪಡಿಸಬೇಕಾಯಿತು ಎಂದು ರಿನಿ ಆನ್ ಜಾರ್ಜ್ ಹೇಳಿದರು.