ಬೆಳ್ಳೂರಲ್ಲಿ ಹೊಂಬೆಳಕು ಮೆಗಾ ರೋಗ ನಿರ್ಣಯ ಶಿಬಿರ

 ಮುಳ್ಳೇರಿಯ: ಬೆಳ್ಳೂರು ಗ್ರಾಮ ಪಂಚಾಯಿತಿಯ 2025-26ನೇ ಸಾಲಿನ ವಾರ್ಷಿಕ ಯೋಜನೆಯ ಅಂಗವಾಗಿ ಮಲಬಾರ್ ಕ್ಯಾನ್ಸರ್ ಕೇರ್ ಸೊಸೈಟಿಯ ಸಹಯೋಗದೊಂದಿಗೆ ಉಚಿತ ಕ್ಯಾನ್ಸರ್ ರೋಗನಿರ್ಣಯ ಮೆಗಾ ಶಿಬಿರ 'ಹೊಂಬೆಳಕು ' ಆ.23 ಮತ್ತು 24 ರಂದು ಬೆಳ್ಳೂರು ಕುಟುಂಬ ಆರೋಗ್ಯ ಕೇಂದ್ರದಲ್ಲಿ ನಡೆಯಿತು.

ಸ್ತನ, ಬಾಯಿ, ಚರ್ಮ ಮತ್ತು ಗರ್ಭಕೋಶದ ಕ್ಯಾನ್ಸರ್ ಗಳನ್ನು ಆರಂಭಿಕ ಹಂತದಲ್ಲಿ ಗುರುತಿಸಲು ಮ್ಯಾಮೊಗ್ರಾಮ್ ಗಳು, ಅಲ್ಟ್ರಾಸೊನೊಗ್ರಫಿ, ಪ್ಯಾಪ್ ಸ್ಮಿಯರ್ ಪರೀಕ್ಷೆಗಳು ಮತ್ತು ತಜ್ಞ ವೈದ್ಯರಿಂದ ಪರೀಕ್ಷೆಯನ್ನು ಶಿಬಿರದಲ್ಲಿ ಉಚಿತವಾಗಿ ನೀಡಲಾಯಿತು. ಎರಡು ದಿನಗಳಲ್ಲಿ ಸುಮಾರು 300 ಜನರನ್ನು ಪರೀಕ್ಷಿಸಲಾಯಿತು.
ಶಿಬಿರವನ್ನು ಬೆಳ್ಳೂರು ಗ್ರಾಮ ಪಂಚಾಯತಿ ಅಧ್ಯಕ್ಷ ಎಂ. ಶ್ರೀಧರ ಉದ್ಘಾಟಿಸಿದರು. ಆರೋಗ್ಯ ಮತ್ತು ಶಿಕ್ಷಣ ಸ್ಥಾಯಿ ಸಮಿತಿ ಅಧ್ಯಕ್ಷ ಕೆ.ಜಯಕುಮಾರ್ ಅಧ್ಯಕ್ಷತೆ ವಹಿಸಿದ್ದರು. 
ಜಿಲ್ಲಾ ಪಂಚಾಯತಿ ಸದಸ್ಯೆ ಎಂ.ಶೈಲಜಾ ಭಟ್, ಕಾರಡ್ಕ ಬ್ಲಾಕ್ ಪಂಚಾಯತಿ ಸದಸ್ಯೆ ಯಶೋದಾ ಎನ್, ಕ್ಷೇಮ ಕಾರ್ಯ ಸಮಿತಿ ಅಧ್ಯಕ್ಷೆ ಸುಜಾತಾ ಎಂ. ರೈ, ಗ್ರಾಮ ಪಂಚಾಯಿತಿ ಸದಸ್ಯರಾದ ಗೀತಾ ಬಿ.ಎನ್, ಬೇಬಿ, ಭಾಗೀರಥಿ, ವೀರೇಂದ್ರ ಕುಮಾರ್, ಶ್ರೀಪತಿ, ದುರ್ಗದೇವಿ  ಡಾ. ರವಿ ಪ್ರಸಾದ್ ಶುಭಾಶಂಸನೆಗೈದರು. 

ರವೀಂದ್ರನ್, ವೈದ್ಯಕೀಯ ನಿರ್ದೇಶಕ, ಮಲಬಾರ್ ಕ್ಯಾನ್ಸರ್ ಕೇರ್ ಸೊಸೈಟಿ ಗೋಕುಲ್ ಮತ್ತಿತರರು ಶಿಬಿರದ ನೇತೃತ್ವ ವಹಿಸಿದ್ದರು. ಡಾ. ಹರ್ಷ ಗಂಗಾಧರನ್ ಅವರು ಸಾರ್ವಜನಿಕರಿಗೆ ಕ್ಯಾನ್ಸರ್ ಜಾಗೃತಿ ತರಗತಿ ನೀಡಿದರು.
ಆಶಾ ಕಾರ್ಯಕರ್ತೆಯರು, ಕುಟುಂಬ ಆರೋಗ್ಯ ಕೇಂದ್ರದ ನೌಕರರು, ಆರೋಗ್ಯ ಕಾರ್ಯಕರ್ತರು ಮತ್ತು ಸಾರ್ವಜನಿಕರು ಶಿಬಿರದ ಭಾಗವಾಗಿದ್ದರು. ಕುಟುಂಬ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ಜಸೀನಾ ಕೆ.ಪಿ. ಸ್ವಾಗತಿಸಿ, ಆರೋಗ್ಯ ನಿರೀಕ್ಷಕ ಕೆ. ಸುರೇಶ್ ಕುಮಾರ್ ವಂದಿಸಿದರು. 
ಬೆಳ್ಳೂರು ಗ್ರಾಮ ಪಂಚಾಯತಿ ಈಗಾಗಲೇ ಆರೋಗ್ಯ ಕ್ಷೇತ್ರದಲ್ಲಿ ಕ್ಷಯ ಮುಕ್ತ ಚಟುವಟಿಕೆಗಳಿಗಾಗಿ ಸುರಕ್ಷಿತ ಬೆಳ್ಳೂರು, ರಕ್ತದ ಗುಂಪು ರೋಗನಿರ್ಣಯಕ್ಕಾಗಿ ಪಡಯೋಟ್ಟಂ, ಪಿತ್ತಜನಕಾಂಗದ ರೋಗನಿರ್ಣಯಕ್ಕಾಗಿ ಪಿತ್ತಜನಕಾಂಗ ಸಾಂತ್ವನ ಮುಂತಾದ ಹಲವಾರು ವಿಶಿಷ್ಟ ಯೋಜನೆಗಳನ್ನು ಜಾರಿಗೆ ತಂದಿದೆ.