ಸಿಂಹಮಾಸದ ಪೂಜೆಗಾಗಿ ಇಂದು ಬಾಗಿಲು ತೆರೆಯಲಿರುವ ಶಬರಿಮಲೆ

ಪತ್ತನಂತಿಟ್ಟ: ಶಬರಿಮಲೆ ದೇವಸ್ಥಾನ ಇಂದು(ಶನಿವಾರ) ಸಿಂಹಮಾಸದ ಪೂಜೆಗಾಗಿ ತೆರೆಯಲಿದೆ. ಸಂಜೆ 5 ಗಂಟೆಗೆ, ತಂತ್ರಿ ಕಂಠಾರರ್ ಮಹೇಶ್ ಮೋಹನರ್ ಅವರ ಸಮ್ಮುಖದಲ್ಲಿ ಮೇಲ್ಶಾಂತಿ ಅರುಣ್‍ಕುಮಾರ್ ನಂಬೂದಿರಿ ದೇವಾಲಯವನ್ನು ತೆರೆದು ದೀಪ ಬೆಳಗಿಸುವರು. 

ಸಿಂಹಮಾಸ ಪೂಜೆ ಭಾನುವಾರದಿಂದ 21 ರವರೆಗೆ ನಡೆಯಲಿವೆ. ಈ ದಿನಗಳಲ್ಲಿ ಉದಯಸ್ತಮಾನ ಪೂಜೆ, ಪಡಿಪೂಜೆ, ಕಳಭಾಭಿಷೇಕ ಮತ್ತು ಪುಷ್ಪಾಭಿಷೇಕ ಇರಲಿದೆ. 

ಸಮೃದ್ಧಿಗಾಗಿ 17 ರಂದು ಲಕ್ಷಾರ್ಚನೆ ನಡೆಯಲಿದೆ. 21 ರಂದು ರಾತ್ರಿ 10 ಗಂಟೆಗೆ ದೇವಾಲಯ ಮುಚ್ಚಲಿದೆ. ಓಣಂ ಪೂಜೆಗಳಿಗಾಗಿ ಸೆಪ್ಟೆಂಬರ್ 3 ರಂದು ಸಂಜೆ 5 ಗಂಟೆಗೆ ದೇವಾಲಯ ಮತ್ತೆ ತೆರೆಯಲಿದೆ. ಸೆಪ್ಟೆಂಬರ್ 4 ರಿಂದ 7 ರವರೆಗೆ ಓಣಂ ಸದ್ಯ ಇರುತ್ತದೆ. 7 ರಂದು ದೇವಾಲಯ ಮುಚ್ಚಲ್ಪಡುತ್ತದೆ.