ಕೊಯಿಲಾಂಡಿ ತೋರೈಕ್ಕಡವುನಲ್ಲಿ ನಿರ್ಮಾಣ ಹಂತದ ಸೇತುವೆ ಕುಸಿತ

ಕೊಚ್ಚಿ: ಕೊಯಿಲಾಂಡಿ ತೋರೈಕ್ಕಡವುನಲ್ಲಿ ನಿರ್ಮಾಣ ಹಂತದಲ್ಲಿರುವ ಸೇತುವೆಯ ಕಂಬ Àಕುಸಿದಿದೆ. ಕೊಯಿಲಾಂಡಿ-ಬಲುಸ್ಸೇರಿ ಕ್ಷೇತ್ರಗಳನ್ನು ಸಂಪರ್ಕಿಸುವ ತೋರೈಕ್ಕಡವು ಸೇತುವೆಯ ಬೀಮ್ ಕುಸಿಯಿತು. 

ಗುರುವಾರ ಮಧ್ಯಾಹ್ನ ಅವಘಡ ಸಂಭವಿಸಿದೆ. ಅವಘಡದಲ್ಲಿ ಯಾರಿಗೂ ಗಾಯವಾಗಿಲ್ಲ. ನಿರ್ಮಾಣದಲ್ಲಿನ ಲೋಪದಿಂದಾಗಿ ಬೀಮ್ ಕುಸಿದಿದೆ ಎಂಬುದು ಆರಂಭಿಕ ತೀರ್ಮಾನ. ಕಾಂಕ್ರೀಟ್ ಹಾಕುವಾಗ ಬೀಮ್ ನದಿಯ ಮಧ್ಯದಲ್ಲಿ ಕುಸಿದಿದೆ.

ಟಿಎಂಆರ್ ಕನ್‍ಸ್ಟ್ರಕ್ಷನ್‍ಗೆ ನಿರ್ಮಾಣ ಗುತ್ತಿಗೆ ನೀಡಲಾಗಿದೆ. ಒಂದೂವರೆ ವರ್ಷದ ಹಿಂದೆ ನಿರ್ಮಾಣ ಆರಂಭವಾಯಿತು. ಈ ಮಧ್ಯೆ, ಲೋಕೋಪಯೋಗಿ ಸಚಿವ ಪಿ.ಎ. ಮೊಹಮ್ಮದ್ ರಿಯಾಜ್ ಘಟನೆಯ ಕುರಿತು ವರದಿ ಕೇಳಿದ್ದಾರೆ. ಕೆಐಐಎಫ್‍ಬಿ ನಿಧಿಯಿಂದ 23.82 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಿಸಲಾಗುತ್ತಿರುವ ಸೇತುವೆಯನ್ನು ಮಲಪ್ಪುರಂ ಮೂಲದ ಪಿಎಂಆರ್ ಕನ್‍ಸ್ಟ್ರಕ್ಷನ್ ಕಂಪನಿ ನಿರ್ಮಿಸುತ್ತಿದೆ. ಸಚಿವ ಮೊಹಮ್ಮದ್ ರಿಯಾಜ್ ಆಗಸ್ಟ್ 3, 2023 ರಂದು ಸೇತುವೆಯ ಕೆಲಸಕ್ಕೆ ಶಂಕುಸ್ಥಾಪನೆ ನಿರ್ವಹಿಸಿದ್ದರು.