5ನೇ ದೀಪಾವಳಿ ಸಂಗೀತ ಉತ್ಸವಕ್ಕೆ ಸಜ್ಜಾದ ಪೆರಿಯ ಗೋಕುಲಂ ಗೋಶಾಲೆ

ಕಾಸರಗೋಡು: ಗೋವುಗಳಿಗೋಸ್ಕರ ಸಂಗೀತ ಸೇವೆ ನಡೆಯುವ ವಿಶ್ವದ ಏಕೈಕ ಗೋಶಾಲೆ ಎಂದು ಕರೆಯಲ್ಪಡುವ ಬೇಕಲ ಗೋಕುಲಂ ಗೋಶಾಲೆಯಲ್ಲಿ 13 ದಿನಗಳ ಐದನೇ ದೀಪಾವಳಿ ರಾಷ್ಟ್ರೀಯ ಸಂಗೀತ ಉತ್ಸವವು ಅ. 20 ರಂದು ಬೆಳಿಗ್ಗೆ 9ಕ್ಕೆ ಪ್ರಾರಂಭವಾಗಲಿದೆ. ವೀಣೆಗೆ ಒತ್ತು ನೀಡುವ ಈ ವರ್ಷದ ಸಂಗೀತ ಉತ್ಸವವು ಉಡುಪಿ ಪವನ ಆಚಾರ್ ನೇತೃತ್ವದ ಸಂಗೀತ ಕಚೇರಿಯೊಂದಿಗೆ ಪ್ರಾರಂಭವಾಗಲಿದ್ದು, ಅಲ್ಲಿ ಐದು ವೀಣೆಗಳು ಏಕಕಾಲಕ್ಕೆ ತನ್ನ ನಾದವನ್ನು ಮೊಳಗಿಸಲಿದೆ. ಕೇರಳ, ಕರ್ನಾಟಕ, ತಮಿಳುನಾಡು, ಆಂಧ್ರಪ್ರದೇಶ, ತೆಲಂಗಾಣ, ಮಹಾರಾಷ್ಟ್ರ, ಸಿಂಗಾಪುರ ಮತ್ತು ದುಬೈನ ಸುಮಾರು ನಾಲ್ಕು ನೂರು ಕಲಾವಿದರು ಬೆಳಿಗ್ಗೆ 9 ರಿಂದ ರಾತ್ರಿ 10 ರವರೆಗೆ ಸತತ ಸಂಗೀತ ಕಚೇರಿಗಳಲ್ಲಿ ಭಾಗವಹಿಸಲಿದ್ದಾರೆ. ಗೋಕುಲಂ ಗೋಶಾಲೆಯು ಕಲಾವಿದರನ್ನು ಮತ್ತು ಸಂಗೀತ ಪ್ರಿಯರನ್ನು ಸ್ವಾಗತಿಸಲು ಸಜ್ಜಾಗಿದೆ.

ಗೋಕುಲಂ ಗೋಶಾಲೆ :

2010 ರಲ್ಲಿ ಒಂದು ವೇಚೂರ್ ಹಸು ಮತ್ತು ಹೋರಿಯೊಂದಿಗೆ ಪ್ರಾರಂಭವಾದ ಈ ಗೋಶಾಲೆಯು, ಹದಿನೈದು ವರ್ಷಗಳ ನಂತರ ವೇಚೂರ್, ಕಾಸರಗೋಡು ಗಿಡ್ಡ, ಹಳ್ಳಿಕಾರ್, ಮಲೆನಾಡು ಗಿಡ್ಡ, ಗಿರ್, ಕಾಂಕ್ರೇಜ್, ಓಂಗೋಲ್ ಮತ್ತು ಕಂಗಾಯಂ ಎಂಬ 9 ದೇಶೀಯ ತಳಿಗಳ 250ಕ್ಕೂ ಹೆಚ್ಚು ಹಸುಗಳೊಂದಿಗೆ ಜನಾಕರ್ಷಣೆಗೊಳಗಾಗಿದೆ.  ದೇಶೀಯ ಗೋವುಗಳ ರಕ್ಷಣೆಯ ಜೊತೆಗೆ ವೈಜ್ಞಾನಿಕ ಕಲೆಗಳನ್ನು ಉತ್ತೇಜಿಸುವ ಉದ್ದೇಶದಿಂದ, 2021ರಲ್ಲಿ ಪರಂಪರಾ ವಿದ್ಯಾಪೀಠಂ ಎಂಬ ಗುರುಕುಲವನ್ನು ಪ್ರಾರಂಭಿಸಲಾಯಿತು. ಇದರ ನೇತೃತ್ವದಲ್ಲಿ ಕರ್ನಾಟಕ ಸಂಗೀತ, ಹಿಂದೂಸ್ತಾನಿ ಸಂಗೀತ ಮತ್ತು ಭಾರತದ ವಿವಿಧ ನೃತ್ಯ ಪ್ರಕಾರಗಳನ್ನು ಉತ್ತೇಜಿಸಲು ಮತ್ತು ಪ್ರಚಾರ ಮಾಡಲು ಪ್ರಯತ್ನಗಳು ನಡೆದಿವೆ. ದೀಪಾವಳಿಯ ಸಮಯದಲ್ಲಿ ಇಲ್ಲಿ ಸಂಗೀತ ಉತ್ಸವ ಮತ್ತು ವೈಶಾಖ ಮಾಸದಲ್ಲಿ ನೃತ್ಯೋತ್ಸವವನ್ನು ನಡೆಸಲಾಗುತ್ತದೆ.

ಎಂದಿಗಿಂತಲೂ ಭಿನ್ನವಾಗಿ ಈ ಬಾರಿ ಪದ್ಮವಿಭೂಷಣ ಡಾ. ಪದ್ಮಾ ಸುಬ್ರಮಣಿಯಂ ಅವರು ಸಮಾರೋಪ ದಿನದಂದು ನೃತ್ಯ ಪ್ರದರ್ಶಿಸಲಿದ್ದಾರೆ. ಸಮಾರೋಪ ದಿನದಂದು ಡ್ರಮ್ ಮಾಸ್ಟರ್ ಶಿವಮಣಿ ಆಗಮಿಸಿ ಗಮನ ಸೆಳೆಯಲಿದ್ದಾರೆ.

ಸಂಗೀತ ಲೋಕದ ದಿಗ್ಗಜ 93 ವರ್ಷದ ಟಿ.ವಿ. ಗೋಪಾಲಕೃಷ್ಣನ್ ಅವರು ಗೋಶಾಲೆ ಸಂಗೀತೋತ್ಸವದಲ್ಲಿ ಹಾಡಲಿದ್ದಾರೆ. ಪಟ್ಟಾಭಿರಾಮ ಪಂಡಿತ್, ಅಭಿಷೇಕ್ ರಘುರಾಮ್, ವಿದ್ಯಾಭೂಷಣ್, ಕರ್ನಾಟಕ ಸಹೋದರರು, ಬೆಂಗಳೂರಿನ ಸಹೋದರಿಯರಾದ ಎನ್.ಜೆ. ನಂದಿನಿ, ಶಂಕರನ್ ನಂಬೂದಿರಿ, ಮುಂತಾದವರು ಮತ್ತು ಪ್ರಮುಖ ವೀಣಾ ವಿದ್ವಾಂಸರಾದ ಅನಂತ ಪದ್ಮನಾಭನ್, ರಾಜೇಶ್ ವೈದ್ಯ, ರಮಣ ಬಾಲಚಂದ್ರ, ಕಣ್ಣನ್ ಚೆನ್ನೈ ಮುಂತಾದವರು ಗೋಶಾಲೆಯಲ್ಲಿ ಸಂಗೀತ ಕಾರ್ಯಕ್ರಮ ನೀಡಲಿದ್ದಾರೆ. ಖ್ಯಾತ ಹಿನ್ನೆಲೆ ಗಾಯಕ ಅನೂಪ್ ಶಂಕರ್ ಗೋಶಾಲೆಯಲ್ಲಿ ಭಕ್ತಿಗೀತೆಗಳನ್ನು ಹಾಡಲಿದ್ದಾರೆ. ಪ್ರಮುಖ ಸಂಗೀತಗಾರರು 13 ದಿನಗಳ ಕಾಲ ಸಂಗೀತದ ಮಳೆಗರೆಯುತ್ತಿದ್ದಂತೆ ಹಸುಗಳು ತಲೆಯಾಡಿಸುತ್ತಿರುವುದು ಗೋಶಾಲೆಗೆ ಭೇಟಿ ನೀಡುವ ಅಭಿಮಾನಿಗಳಿಗೆ ಕುತೂಹಲ ಮೂಡಿಸುತ್ತದೆ.

ಸ್ವಚ್ಛತೆಗೆ ಮುಖ್ಯ ಪ್ರಾಮುಖ್ಯತೆ ಕೊಡುವುದರಿಂದ ಗೋವುಗಳ ನಡುವೆ ಸ್ಥಳವಿದ್ದರೂ, ಗೋಶಾಲೆಯಲ್ಲಿ ಒಂದೇ ಒಂದು ಸೊಳ್ಳೆಯೂ ಕಾಣಿಸುವುದಿಲ್ಲ. ಗೋಶಾಲೆಯನ್ನು ತುಂಬಾ ಸ್ವಚ್ಛವಾಗಿಡಲಾಗುತ್ತದೆ ಮತ್ತು ಹಸುಗಳಿಗೆ ಹಳೆಯ ಕಾಲದ ಹಸಿರು ಹುಲ್ಲು ಮತ್ತು ಹೊಟ್ಟು ನೀಡಲಾಗುತ್ತದೆ. 

ಈ ಗೋಶಾಲೆಯ ಚುಕ್ಕಾಣಿಹಿಡಿದವರು ಜ್ಯೋತಿಷಿ ವಿಷ್ಣು ಪ್ರಸಾದ್ ಹೆಬ್ಬಾರ್ ಮತ್ತು ಇಂಗ್ಲೆಂಡ್‍ನ ಕೇಂಬ್ರಿಡ್ಜ್‍ನಲ್ಲಿ ಸ್ತನ ಕ್ಯಾನ್ಸರ್‍ನಲ್ಲಿ ಸಂಶೋಧನಾ ಪದವಿ ಪಡೆದ ಡಾ. ನಾಗರತ್ನ ಹೆಬ್ಬಾರ್ ಅವರ ನೇತೃತ್ವದಲ್ಲಿದೆ.