ಲುಲು ಮಾಲ್‍ಗೆ ಬರುವ ಗ್ರಾಹಕರಿಗೆ ಪಾರ್ಕಿಂಗ್ ಶುಲ್ಕ ವಿಧಿಸಬಹುದು: ಹೈಕೋರ್ಟ್

ಕೊಚ್ಚಿ: ವಾಹನಗಳೊಂದಿಗೆ ಲುಲು ಮಾಲ್‍ಗೆ ಬರುವ ಗ್ರಾಹಕರಿಂದ ಪಾರ್ಕಿಂಗ್ ಶುಲ್ಕವನ್ನು ವಿಧಿಸುವುದು ಕಾನೂನುಬದ್ಧವಾಗಿದೆ ಎಂಬ ಏಕ ಪೀಠದ ಆದೇಶವನ್ನು ವಿಭಾಗೀಯ ಪೀಠವು ಎತ್ತಿಹಿಡಿದಿದೆ.

ಲುಲು ಅಧಿಕಾರಿಗಳು ಗ್ರಾಹಕರಿಂದ ಪಾರ್ಕಿಂಗ್ ಶುಲ್ಕವನ್ನು ವಿಧಿಸುವುದು ಕೇರಳ ನಗರಸಭೆ ಕಾಯ್ದೆ ಮತ್ತು ಕೇರಳ ಕಟ್ಟಡ ನಿಯಮಗಳ ಉಲ್ಲಂಘನೆಯಾಗಿದೆ ಎಂಬ ಅರ್ಜಿದಾರರ ವಾದವನ್ನು ನ್ಯಾಯಾಲಯ ತಿರಸ್ಕರಿಸಿದೆ. 

ನಗರಸಭೆ ಮತ್ತು ಕಾರ್ಪೋರೇಶನ್ ಪರವಾನಗಿ ಅಡಿಯಲ್ಲಿ ಕಟ್ಟಡ ಮಾಲೀಕರು ಪಾರ್ಕಿಂಗ್ ಶುಲ್ಕವನ್ನು ಸಂಗ್ರಹಿಸಬಹುದು ಎಂದು ಏಕ ಪೀಠವು ಈ ಹಿಂದೆ ತೀರ್ಪು ನೀಡಿತ್ತು.

ಏಕ ಪೀಠವು ಕಟ್ಟಡ ಮಾಲೀಕರಿಗೆ ಪಾರ್ಕಿಂಗ್ ಶುಲ್ಕವನ್ನು ವಿಧಿಸಬೇಕೆ ಎಂದು ನಿರ್ಧರಿಸುವ ವಿವೇಚನೆ ಇದೆ ಎಂದು ನ್ಯಾಯಾಲಯವು ಗಮನಿಸಿದೆ. ನ್ಯಾಯಮೂರ್ತಿಗಳಾದ ಎಸ್.ಎ. ಧರ್ಮಾಧಿಕಾರಿ ಮತ್ತು ವಿ.ಎಂ. ಶ್ಯಾಮ್‍ಕುಮಾರ್ ಅವರು ಈ ಆದೇಶವನ್ನು ಅಂಗೀಕರಿಸಿದರು.

ಏಕ ಪೀಠದ ಆದೇಶವನ್ನು ಪ್ರಶ್ನಿಸಿ ಬಾಸ್ಕೋ ಕಳಮಸ್ಸೆರಿ ಸಲ್ಲಿಸಿದ್ದ ಅರ್ಜಿಯನ್ನು ಹೈಕೋರ್ಟ್ ವಿಲೇವಾರಿ ಮಾಡಿದೆ.

ಎಡಪ್ಪಳ್ಳಿ ಲುಲು ಮಾಲ್‍ನ ನೆಲಮಾಳಿಗೆ ಮತ್ತು ಬಹುಮಹಡಿ ಕಾರು ಪಾರ್ಕಿಂಗ್‍ನಲ್ಲಿ ವಾಹನಗಳಿಗೆ ವಿಶಾಲವಾದ ಮತ್ತು ಸುರಕ್ಷಿತ ಸೌಲಭ್ಯಗಳನ್ನು ಒದಗಿಸಲಾಗಿದೆ ಮತ್ತು ಕಟ್ಟಡ ತೆರಿಗೆಯನ್ನು ಪಾಕಿರ್ಂಗ್ ಪ್ರದೇಶ ಸೇರಿದಂತೆ ಪುರಸಭೆಗೆ ಪಾವತಿಸಲಾಗುತ್ತದೆ ಎಂದು ಲುಲು ನ್ಯಾಯಾಲಯದಲ್ಲಿ ಹೇಳಿತ್ತು.

ಶುಲ್ಕ ಸಮಂಜಸವಾಗಿದೆ. ಈ ಮೊತ್ತವನ್ನು ಪಾಕಿರ್ಂಗ್ ಪ್ರದೇಶದ ನಿರ್ವಹಣೆಗೆ ಬಳಸಲಾಗುತ್ತದೆ ಎಂದು ಲುಲು ಗಮನಸೆಳೆದಿತ್ತು. ಕಳಮಸ್ಸೇರಿ ನಗರಸಭೆಯು ಈ ಹಿಂದೆ ಹೈಕೋರ್ಟ್‍ನಲ್ಲಿ ಪಾರ್ಕಿಂಗ್ ಶುಲ್ಕವನ್ನು ಸಂಗ್ರಹಿಸಲು ಲುಲು ಮಾಲ್‍ಗೆ ಪರವಾನಗಿ ನೀಡಿದೆ ಎಂದು ಸ್ಪಷ್ಟಪಡಿಸಿತ್ತು.

ಕೇರಳ ನಗರಸಭೆಯ ನಿಯಮಗಳ ಪ್ರಕಾರ ಪೇ ಮತ್ತು ಪಾರ್ಕ್ ಸೇರಿದಂತೆ ಸೇವೆಗಳನ್ನು ಅನುಮತಿಸಲಾಗಿದೆ. ಈ ಪರಿಸ್ಥಿತಿಯಲ್ಲಿ, ಪಾರ್ಕಿಂಗ್ ಶುಲ್ಕವನ್ನು ವಿಧಿಸುವುದು ಕಾನೂನುಬಾಹಿರವಲ್ಲ ಮತ್ತು ವ್ಯಾಪಾರ ಸವಲತ್ತು ಎಂದು ಹೈಕೋರ್ಟ್ ತೀರ್ಪು ನೀಡಿತು.