ಟಿಕೆಟ್ ಪರಿಶೀಲನೆ ವೇಳೆ ಟಿಟಿಇ ಮೇಲೆ ಹಲ್ಲೆ

ಕೊಚ್ಚಿ: ಟಿಕೆಟ್ ಪರಿಶೀಲನೆಯ ಸಮಯದಲ್ಲಿ ರೈಲಿನಲ್ಲಿ ಟಿಟಿಇ ಮೇಲೆ ದಾಳಿ ನಡೆಸಿರುವುದು ವರದಿಯಾಗಿದೆ. ಸ್ಕ್ವಾಡ್ ಇನ್ಸ್‍ಪೆಕ್ಟರ್ ಎ ಸನೂಪ್ ಮೇಲೆ ಹಲ್ಲೆ ನಡೆಸಲಾಗಿದೆ.

ಪಾಲಕ್ಕಾಡ್‍ನ ಕಾಂಜಿರಪುಳ ಮೂಲದ ಪ್ರಯಾಣಿಕ ನಿತಿನ್, ಟಿಟಿಇ ಸನೂಪ್ ಮೇಲೆ ಹಲ್ಲೆ ನಡೆಸಿದರು. ಆರೋಪಿ ಪಾನಮತ್ತನಾಗಿದ್ದ ಎನ್ನಲಾಗಿದೆ. ನಾಗರ್‍ಕೋಯಿಲ್‍ನಿಂದ ಶಾಲಿಮಾರ್‍ಗೆ ತೆರಳುತ್ತಿದ್ದ ಗುರುದೇವ್ ಎಕ್ಸ್‍ಪ್ರೆಸ್‍ನಲ್ಲಿ ಈ ಘಟನೆ ನಡೆದಿದೆ.

ರೈಲು ಇರಿಂಞಲಕುಡ ನಿಲ್ದಾಣವನ್ನು ದಾಟಿದಾಗ, ಕಾಯ್ದಿರಿಸಿದ ಬೋಗಿಗಳಲ್ಲಿ ಒಂದರಲ್ಲಿ ನಿತಿನ್ ಗದ್ದಲ ಮಾಡುತ್ತಿರುವುದನ್ನು ಸನೂಪ್ ನೋಡಿದರು. ಅವರ ಕೈಯಲ್ಲಿ ಜನರಲ್ ಟಿಕೆಟ್ ಇದ್ದ ಕಾರಣ, ಅವರು ನಿತಿನ್ ಅವರನ್ನು ಜನರಲ್ ಕಂಪಾರ್ಟ್‍ಮೆಂಟ್‍ಗೆ ಸ್ಥಳಾಂತರಿಸಲು ಕೇಳಿಕೊಂಡರು. ಆದರೆ ನಿತಿನ್, ತಾನು ತಕ್ಷಣ ಇಳಿಯಬಹುದೆಂದು ಹೇಳಿ, ಸನೂಪ್ ಕೈ ಹಿಡಿದು ಹಲ್ಲೆ ನಡೆಸಿದ ಎನ್ನಲಾಗಿದೆ. ಹತ್ತಿರದ ಕೊಕ್ಕೆಯಲ್ಲಿ ಸಿಲುಕಿಕೊಂಡ ಕಾರಣ ಸನೂಪ್ ಕೆಳಗೆ ಬೀಳದೆ ಬಚಾವಾದರು ಎಂದು ವರದಿಯಾಗಿದೆ.