ನಾಲ್ಕು ದಿನಗಳಲ್ಲಿ 37.82 ಕೋಟಿ ರೂ.ಗಳ ಮಾರಾಟ: ಕ್ರಿಸ್‍ಮಸ್-ಹೊಸ ವರ್ಷದ ಮಾರುಕಟ್ಟೆಯಲ್ಲಿ ಸಪ್ಲೈಕೋ ದಾಖಲೆಯ ವ್ಯವಹಾರ

ಕೊಚ್ಚಿ: ಕ್ರಿಸ್‍ಮಸ್-ಹೊಸ ವರ್ಷದ ಮಾರುಕಟ್ಟೆಯಲ್ಲಿ ಉತ್ತಮ ಮಾರಾಟದೊಂದಿಗೆ ಸಪ್ಲೈಕೋದ ಏರಿಕೆ ಕಂಡಿದೆ. 22 ರಿಂದ 23 ರವರೆಗಿನ ಕ್ರಿಸ್‍ಮಸ್ ಮೇಳಗಳು ಸೇರಿದಂತೆ ಸಪ್ಲೈಕೋ ಮಳಿಗೆಗಳಿಗೆ ಸುಮಾರು 6.26 ಲಕ್ಷ ಜನರು ಭೇಟಿ ನೀಡಿದ್ದಾರೆ. 

ನಾಲ್ಕು ದಿನಗಳಲ್ಲಿ 37.82 ಕೋಟಿ ರೂ.ಗಳ ವಹಿವಾಟು ದಾಖಲಾಗಿದೆ. ಕ್ರಿಸ್‍ಮಸ್ ದಿನ ರಜಾದಿನವಾಗಿತ್ತು. ಪೆಟ್ರೋಲ್ ಪಂಪ್‍ಗಳು ಮತ್ತು ಚಿಲ್ಲರೆ ವ್ಯಾಪಾರ ಸೇರಿದಂತೆ ಸಪ್ಲೈಕೋ ಮಳಿಗೆಗಳಿಂದ ವಹಿವಾಟು ನಡೆದಿದೆ. ಇದರಲ್ಲಿ, 17.57 ಕೋಟಿ ರೂ.ಗಳು ಸಬ್ಸಿಡಿ ಸರಕುಗಳ ಮಾರಾಟವಾಗಿದೆ. ಆರು ಜಿಲ್ಲೆಗಳಲ್ಲಿ ಮಾತ್ರ ವಿಶೇಷ ಜಿಲ್ಲಾ ಮೇಳಗಳಲ್ಲಿ ಇದುವರೆಗೆ 40.4 ಲಕ್ಷ ರೂ.ಗಳ ವಹಿವಾಟು ನಡೆದಿದೆ.

ಇದರಲ್ಲಿ 22.32 ಲಕ್ಷ ರೂ. ಸಬ್ಸಿಡಿ ವಸ್ತುಗಳ ವಹಿವಾಟು ಆಗಿದೆ. ತಿರುವನಂತಪುರಂನ ಪುತ್ತರಿಕಂಡಂನ ನಯನಾರ್ ಪಾರ್ಕ್‍ನಲ್ಲಿರುವ ಜಿಲ್ಲಾ ಮೇಳದಲ್ಲಿ ಅತಿ ಹೆಚ್ಚು ಮಾರಾಟವಾಗಿದೆ. ಇಲ್ಲಿನ ವಹಿವಾಟು ರೂ. 15.25 ಲಕ್ಷ.

ಇತರ ಜಿಲ್ಲಾ ಮೇಳಗಳು ಎರ್ನಾಕುಳಂನ ಮೆರೈನ್ ಡ್ರೈವ್, ಕೊಲ್ಲಂನ ಆಶ್ರಮ ಮೈದಾನ, ಕೊಟ್ಟಾಯಂನ ತಿರುನಕ್ಕರ ಮೈದಾನ, ಪತ್ತನಂತಿಟ್ಟದ ರೋಸ್ ಮೌಂಟ್ ಆಡಿಟೋರಿಯಂ ಮತ್ತು ತ್ರಿಶೂರ್‍ನ ತೆಕ್ಕಿಂಕಾಡು ಮೈದಾನದಲ್ಲಿವೆ. ಪ್ರತಿ ತಾಲ್ಲೂಕಿನಲ್ಲಿ ಕ್ರಿಸ್‍ಮಸ್ ಮೇಳವಾಗಿ ಒಂದು ಮುಖ್ಯ ಮಾರಾಟ ಸಭಾಂಗಣ ಕಾರ್ಯನಿರ್ವಹಿಸುತ್ತಿದೆ.

ಕಾಸರಗೋಡಿಗೆ ಬಾರದ ಕಿಟ್:

ಕ್ರಿಸ್ ಮಸ್-ಹೊಸ ವರ್ಷದ ಆಹಾರ ಕಿಟ್ ಗಳು ಕಾಸರಗೋಡು ಜಿಲ್ಲೆಯ ಯಾವುದೇ ಮಾರಾಟ ಕೇಂದ್ರಗಳಲ್ಲಿ ಲಭ್ಯವಾಗಿಲ್ಲ. ಹಲವು ಗ್ರಾಹಕರು ಆಗಮಿಸಿ ವಿಚಾರಿಸಿದ್ದರೂ ಎಮದಿನಿಂದ ಲಭ್ಯವಾಗುವುದೆಂಬ ಮಾಹಿತಿ ಸ್ಪಷ್ಟಪಡಿಸಿಲ್ಲ.