ಕಣ್ಣೂರಿನಲ್ಲಿ ಯುಡಿಎಫ್ ಅಭ್ಯರ್ಥಿಗಳ ಮೇಲೆ ಹಲ್ಲೆ: ವ್ಯಾಪಕ ದೂರು: ಸಿಪಿಎಂ ಕಾರ್ಯಕರ್ತರಿಂದ ಹಲ್ಲೆ ನಡೆದಿದೆಯೆಂದು ಯುಡಿಎಫ್ ಆರೋಪ

ಕಣ್ಣೂರು: ಕಣ್ಣೂರಿನ ವಿವಿಧ ಸ್ಥಳಗಳಲ್ಲಿ ಯುಡಿಎಫ್ ಅಭ್ಯರ್ಥಿಗಳನ್ನು ಥಳಿಸಲಾಗಿದೆ ಎಂದು ದೂರು ದಾಖಲಾಗಿದೆ. ಚೆರುಕುನ್ನು ಮುಂಡಪ್ಪುರಂ ಮತಗಟ್ಟೆಯಲ್ಲಿ ಮುಂಡಪ್ಪುರಂ ವಾರ್ಡ್‍ನ ಯುಡಿಎಫ್ ಅಭ್ಯರ್ಥಿ ಮುಜೀಬ್ ರೆಹಮಾನ್ ಅವರ ಮೇಲೆ ಸಿಪಿಎಂ ಕಾರ್ಯಕರ್ತರು ಹಲ್ಲೆ ನಡೆಸಿದ್ದಾರೆ.

ನಕಲಿ ಮತದಾನವನ್ನು ತಡೆಯುವ ಪ್ರಯತ್ನದ ವೇಳೆ ಈ ಹಲ್ಲೆ ನಡೆದಿದೆ ಎಂದು ಯುಡಿಎಫ್ ಆರೋಪಿಸಿದೆ.  ಶ್ರೀಕಂಠಪುರಂ ಬೂತ್‍ನಲ್ಲಿ ಮಹಿಳಾ ಅಭ್ಯರ್ಥಿಯನ್ನೂ ಥಳಿಸಲಾಗಿದೆ ಎಂಬ ದೂರು ಇದೆ.

15ನೇ ವಾರ್ಡ್‍ನ ಅಭ್ಯರ್ಥಿ ಶೀಜಾ ಜಗನ್ನಾಥನ್ ಅವರನ್ನು ಬೂತ್‍ನಲ್ಲಿ ಥಳಿಸಲಾಗಿದೆ ಎಂದು ದೂರು ದಾಖಲಾಗಿದೆ. ಹಿಂಸಾಚಾರದ ಹಿಂದೆ ಎದುರಾಳಿ ಅಭ್ಯರ್ಥಿಯ ಪತಿ ಕೈವಾಡವಿದೆ ಎಂದು ಶೀಜಾ ಆರೋಪಿಸಿದ್ದಾರೆ.

ಕಣ್ಣೂರಿನ ಕದಿರೂರಿನಲ್ಲಿರುವ ಮತಗಟ್ಟೆಯೊಳಗೆ ಪಾನೂರ್ ಬ್ಲಾಕ್ ಯುಡಿಎಫ್ ಪುಲ್ಲುಯೋಡ್ ವಿಭಾಗದ ಅಭ್ಯರ್ಥಿ ಕೆ. ಲತಿಕಾ ಅವರ ಮೇಲೆ ಹಲ್ಲೆ ನಡೆಸಲಾಗಿದೆ ಎಂಬ ದೂರು ಕೂಡ ಬಂದಿದೆ. ಲತಿಕಾ ಅವರನ್ನು ತಲಶ್ಶೇರಿಯ ಇಂದಿರಾ ಗಾಂಧಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.