ಒಂದೇ ದಿನದಲ್ಲಿ 1500 ಜನರಿಂದ 25,000 ಚದರ ಅಡಿ ವಿಸ್ತೀರ್ಣದಲ್ಲಿ ಬೃಹತ್ ಪೂಕಳಂ ರಚನೆ

ಪುಲ್ಪಳ್ಳಿ: ವಯನಾಡಿನ ಇರುಳಮ್ ಗ್ರಾಮವು ಬೃಹತ್ ಹೂವಿನ ಅಲಂಕಾರದ ಪೂಕಳಂ ಸಿದ್ಧಪಡಿಸಿ ಗಮನ ಸೆಳೆದಿದೆ. ‘ಓಣಂ ಇನ್ ಇರುಳಮ್’ ಎಂಬ ಸಾಂಸ್ಕøತಿಕ ಉತ್ಸವದ ಭಾಗವಾಗಿ ಸರ್ಕಾರಿ ಪ್ರೌಢಶಾಲೆಯ ಆವರಣದಲ್ಲಿ ಈ ವರ್ಣರಂಜಿತ ಅದ್ಭುತವನ್ನು ಸಿದ್ದಪಡಿಸಲಾಯಿತು. 

25,000 ಚದರ ಅಡಿ ವಿಸ್ತೀರ್ಣದಲ್ಲಿ ಹತ್ತು ಟನ್ ಹೂವುಗಳನ್ನು ಬಳಸಿ 1500 ಜನರನ್ನು ಬಳಸಿಕೊಂಡು ಒಂದೇ ದಿನದಲ್ಲಿ ಪೂಕಳಂ  ಪೂರ್ಣಗೊಳಿಸಲಾಯಿತು. ಬೃಹತ್ ಹೂವಿನ ಅಲಂಕಾರವು ಇರುಳಮ್ ಲಯನ್ಸ್ ಕ್ಲಬ್‍ನ ಕಲ್ಪನೆಯಾಗಿತ್ತು. ಆ ಊರಿನ ಎಲ್ಲಾ ಸ್ವಯಂಸೇವಾ ಸಂಸ್ಥೆಗಳು, ಕ್ಲಬ್‍ಗಳು, ಕಾರ್ಮಿಕ ಸಂಘಗಳು, ವ್ಯಾಪಾರಿಗಳು ಮತ್ತು ಚಾಲಕರು ಎಲ್ಲರೂ ಒಟ್ಟಾಗಿ ಈ ಉಪಕ್ರಮವನ್ನು ಕೈಗೊಂಡರು. ಮಾವೇಲಿಯ ಜೊತೆಗೆ, ಇರುಳಮ್ ಜನರ ಉತ್ಸಾಹವಾಗಿದ್ದ ಮಣಿಯನ್ ಕಾಡು ಆನೆಯೂ ಸಹ ಹೂವಿನ ಅಲಂಕಾರದಲ್ಲಿ ಸ್ಥಾನ ಪಡೆದಿದೆ. ರಾತ್ರಿಯಲ್ಲಿ ಹೂವಿನ ಅಲಂಕಾರವನ್ನು ವೀಕ್ಷಿಸಲು ಶಾಲಾ ಮೈದಾನದಲ್ಲಿ ಫ್ಲಡ್‍ಲೈಟ್‍ಗಳನ್ನು ಅಳವಡಿಸಲಾಗಿತ್ತು. ಸಾಂಸ್ಕೃತಿಕ ಉತ್ಸವ ನಿನ್ನೆ ಕೊನೆಗೊಂಡಿತು.