ಇನ್‍ಸ್ಟಾಗ್ರಾಮ್ ಮೂಲಕ ವಿದ್ಯಾರ್ಥಿನಿಯರ ಪರಿಚಯ: ಎಂಡಿಎಂಎ ಪ್ರಕರಣದಲ್ಲಿ ನಿರ್ಣಾಯಕ ಮಾಹಿತಿ ಕಲೆ ಹಾಕಿದ ಪೋಲೀಸರು

ಕೋಝಿಕ್ಕೋಡ್: ವಡಗರ ಎಂಡಿಎಂಎ ಪ್ರಕರಣದಲ್ಲಿ ಶಿಕ್ಷಕಿಯರನ್ನು ಬಂಧಿಸಲಾಗಿದ್ದು, ಪೋಲೀಸರಿಗೆ ನಿರ್ಣಾಯಕ ಮಾಹಿತಿ ಲಭಿಸಿದೆ ಎಂದು ವರದಿಯಾಗಿದೆ.

ಬಂಧಿತ ಕೀರ್ತನಾಳ ಪೋನ್ ಮೇಲೆ ಕೇಂದ್ರೀಕರಿಸಿದ ತನಿಖೆಯ ಸಮಯದಲ್ಲಿ ಪೋಲೀಸರು ಮಾದಕವಸ್ತು ವ್ಯವಹಾರಕ್ಕೆ ಸಂಬಂಧಿಸಿದ ಮಾಹಿತಿಯನ್ನು ಪಡೆದುಕೊಂಡಿದ್ದಾರೆ. 

ಮಾದಕವಸ್ತು ವ್ಯವಹಾರಕ್ಕೆ ಸಂಬಂಧಿಸಿದ ಚಾಟ್‍ಗಳು ಪೋನ್‍ನಲ್ಲಿ ಕಂಡುಬಂದಿವೆ ಎಂದು ವರದಿಯಾಗಿದೆ. ಎನ್‍ಡಿಪಿಎಸ್ ಪ್ರಕರಣದ ಆರೋಪಿಗಳೊಂದಿಗೆ ಚಾಟ್‍ಗಳು ಮತ್ತು ಪೋಟೋಗಳು ಕಂಡುಬಂದಿವೆ ಎಂದು ವರದಿಯಾಗಿದೆ.

ಮಾದಕವಸ್ತು ಮಾರಾಟ ಮಾಡಲು ಅವರು ಮಕ್ಕಳನ್ನು ಬಳಸಿಕೊಂಡಿದ್ದಾರೆಯೇ ಎಂದು ಪೀಲೀಸರು ತನಿಖೆ ನಡೆಸುತ್ತಿದ್ದಾರೆ. ಈ ಪ್ರಕರಣದಲ್ಲಿ ಕೀರ್ತನಾಳನ್ನು ನಿನ್ನೆ ಪೆÇಲೀಸ್ ಕಸ್ಟಡಿಗೆ ಒಪ್ಪಿಸಲಾಗಿತ್ತು.

ಮಾದಕವಸ್ತು ಮಾರಾಟಕ್ಕಾಗಿ ಅವರು ಮುಖ್ಯವಾಗಿ ಕಾಲೇಜು ವಿದ್ಯಾರ್ಥಿಗಳನ್ನು ಗುರಿಯಾಗಿಸಿಕೊಂಡಿದ್ದಾರೆ ಎಂದು ತನಿಖಾ ತಂಡವು ಪತ್ತೆಮಾಡಿದೆ. ಅವರು ಇನ್‍ಸ್ಟಾಗ್ರಾಮ್ ಮೂಲಕ ವಿದ್ಯಾರ್ಥಿನಿಯರ ಪರಿಚಯ ಮಾಡಿಕೊಳ್ಳುತ್ತಿದ್ದಾರೆ. ಚಾಟಿಂಗ್ ಮೂಲಕ ಅವರ ವಿಶ್ವಾಸವನ್ನು ಗಳಿಸಿದ ನಂತರ, ಅವರನ್ನು ಮಾದಕವಸ್ತು ಬಳಕೆ ಮತ್ತು ವಹಿವಾಟುಗಳಿಗೆ ಆಕರ್ಷಿಸಲು ಪ್ರಯತ್ನಿಸಿದ್ದಾರೆ ಎಂದು ಕಂಡುಬಂದಿದೆ.

ಆಹಾರ ವಿತರಣಾ ಅಪ್ಲಿಕೇಶನ್‍ಗಳ ವೇಷದ ಮರೆಯಲ್ಲಿ ಮಾದಕವಸ್ತುಗಳನ್ನು ವಿತರಿಸಲು ಬಳಸಲಾಗಿದೆ ಎಂದು ತನಿಖೆಯಲ್ಲಿ ಕಂಡುಬಂದಿದೆ. ಬಂಧಿಸಲ್ಪಟ್ಟ ಮೂವರು ಶಿಕ್ಷಕರು ಸಹ ಮಾದಕವಸ್ತು ಬಳಕೆದಾರರಾಗಿದ್ದರು.

ಮಾದಕ ದ್ರವ್ಯಗಳನ್ನು ಖರೀದಿಸಲು ಆರ್ಥಿಕ ತೊಂದರೆಗಳನ್ನು ಎದುರಿಸಿದ ನಂತರ ಅವರು ಏಜೆಂಟ್‍ಗಳಾಗಿ ಕೆಲಸ ಮಾಡಲು ಪ್ರಾರಂಭಿಸಿದರು ಎಂದು ಪೋಲೀಸರು ಸೂಚಿಸುತ್ತಾರೆ.