ಆರ್ಥೊಡಾಕ್ಸ್-ಜಾಕೋಬೈಟ್ ಚರ್ಚ್ ವಿವಾದದ ತೀರ್ಪನ್ನು ಗುರುವಾರಕ್ಕೆ ಮುಂದೂಡಿದ ಹೈಕೋರ್ಟ್

ಕೊಚ್ಚಿ: ಆರ್ಥೊಡಾಕ್ಸ್-ಜಾಕೋಬೈಟ್ ಚರ್ಚ್ ವಿವಾದದ ತೀರ್ಪನ್ನು ಹೈಕೋರ್ಟ್ ಗುರುವಾರಕ್ಕೆ ಮುಂದೂಡಿದೆ. ಪ್ರಕರಣವನ್ನು ಪರಿಗಣಿಸಬೇಕಿದ್ದ ವಿಭಾಗೀಯ ಪೀಠವು, ತೀರ್ಪು ಸಿದ್ಧವಾಗಿಲ್ಲ ಮತ್ತು ಗುರುವಾರಕ್ಕೆ ಮುಂದೂಡಲಾಗುತ್ತಿದೆ ಎಂದು ತಿಳಿಸಿತು. ಸುಪ್ರೀಂ ಕೋರ್ಟ್ ತೀರ್ಪಿನ ಆಧಾರದ ಮೇಲೆ ಎರ್ನಾಕುಳಂ ಮತ್ತು ಪಾಲಕ್ಕಾಡ್ ಜಿಲ್ಲೆಗಳಲ್ಲಿನ ಜಾಕೋಬೈಟ್ ಚರ್ಚ್ ಒಡೆತನದ ಚರ್ಚ್‍ಗಳಲ್ಲಿ ಪೂಜಾ ಸ್ವಾತಂತ್ರ್ಯವನ್ನು ಅನುಮತಿಸುವಂತೆ ಕೋರಿ ಆರ್ಥೊಡಾಕ್ಸ್ ಚರ್ಚ್ ಸಲ್ಲಿಸಿದ್ದ ಮೇಲ್ಮನವಿಗಳ ಕುರಿತು ನ್ಯಾಯಾಲಯ ನಿನ್ನೆ ತೀರ್ಪು ಪ್ರಕಟಿಸಬೇಕಿತ್ತು. 

ಸುಪ್ರೀಂ ಕೋರ್ಟ್ ತೀರ್ಪಿನ ಆಧಾರದ ಮೇಲೆ ಎರ್ನಾಕುಳಂ ಮತ್ತು ಪಾಲಕ್ಕಾಡ್ ಜಿಲ್ಲೆಗಳಲ್ಲಿನ ಜಾಕೋಬೈಟ್ ಚರ್ಚ್ ಒಡೆತನದ ಚರ್ಚ್‍ಗಳಲ್ಲಿ ಪೂಜಾ ಸ್ವಾತಂತ್ರ್ಯವನ್ನು ಅನುಮತಿಸುವಂತೆ ಕೋರಿ ಆರ್ಥೊಡಾಕ್ಸ್ ಚರ್ಚ್ ಸಲ್ಲಿಸಿದ್ದ ಮೇಲ್ಮನವಿಗಳ ಕುರಿತು ಹೈಕೋರ್ಟ್ ಇಂದು ತೀರ್ಪು ಪ್ರಕಟಿಸಬೇಕಿತ್ತು. ಉನ್ನತ ಮಟ್ಟದ ಮಾತುಕತೆಗಾಗಿ ಎರಡೂ ಗುಂಪುಗಳನ್ನು ಒಟ್ಟುಗೂಡಿಸುವುದಾಗಿ ಮತ್ತು ಮುಖ್ಯಮಂತ್ರಿ ನೇರವಾಗಿ ಮಾತುಕತೆಯ ನೇತೃತ್ವ ವಹಿಸಲಿದ್ದಾರೆ ಎಂದು ಸರ್ಕಾರ ನ್ಯಾಯಾಲಯಕ್ಕೆ ತಿಳಿಸಿತ್ತು.

ಎರ್ನಾಕುಳಂ ಪುಲಿಂತನಂನಲ್ಲಿರುವ ಸೇಂಟ್ ಜಾನ್ಸ್ ಬೆಸ್ಫೇಜ್, ಒಡಕಲ್ಲಿನಲ್ಲಿರುವ ಸೇಂಟ್ ಮೇರಿ, ಮಝುವನ್ನೂರ್ನಲ್ಲಿರುವ ಸೇಂಟ್ ಥಾಮಸ್, ಪಾಲಕ್ಕಾಡ್ ಮಂಗಲಮ್ಡಂನಲ್ಲಿರುವ ಸೇಂಟ್ ಮೇರಿ, ಎರಿಚಿಂಚಿರಾದಲ್ಲಿರುವ ಸೇಂಟ್ ಮೇರಿ ಮತ್ತು ಚೆರುಕುನ್ನಂನಲ್ಲಿರುವ ಸೇಂಟ್ ಥಾಮಸ್ ಚರ್ಚ್‍ಗಳಿಗೆ ಸಂಬಂಧಿಸಿದ ವಿವಾದಗಳು ನ್ಯಾಯಾಲಯದಲ್ಲಿವೆ. ಕೊಲ್ಲಂ ಕುಳಿಮತಿಕ್ಕಡ್‍ನಲ್ಲಿರುವ ಅರುಮುರಿಕ್ಕಡ ಥೆಂಗೊಲಪ್ಪಳ್ಳಿಯ ವಿಷಯವೂ ನ್ಯಾಯಾಲಯದ ಪರಿಗಣನೆಯಲ್ಲಿದೆ.

ಈ ಹಿಂದೆ, ಆರು ಚರ್ಚ್‍ಗಳಲ್ಲಿ ಆರ್ಥೊಡಾಕ್ಸ್ ಬಣದ ಪರವಾಗಿ ಏಕ ಪೀಠವು ಪೆÇಲೀಸ್ ರಕ್ಷಣೆ ನೀಡಿತ್ತು. ಇದರ ವಿರುದ್ಧ ಜಾಕೋಬೈಟ್ ಬಣ ಹೈಕೋರ್ಟ್ ವಿಭಾಗೀಯ ಪೀಠದಲ್ಲಿ ಮೇಲ್ಮನವಿ ಸಲ್ಲಿಸಿತ್ತು.