ಗಾಝಾ : ಬಸ್ ಮೇಲೆ ಇಸ್ರೇಲ್ ದಾಳಿ; ಐವರು ಮೃತ್ಯು

ಗಾಝಾ: ಗಾಝಾ ನಗರದ ನೈಋತ್ಯ ಭಾಗದ ನೆರೆಹೊರೆಯಲ್ಲಿ ಬುಧವಾರ ಬಸ್‌ ಒಂದನ್ನು ಗುರಿಯಾಗಿಸಿಕೊಂಡು ಇಸ್ರೇಲ್ ನಡೆಸಿದ ವಾಯುದಾಳಿಯಲ್ಲಿಐವರು ಮೃತಪಟ್ಟಿದ್ದಾರೆ ಎಂದು ನಾಗರಿಕ ರಕ್ಷಣಾ ಸಂಸ್ಥೆಯ ಮೂಲಗಳು ತಿಳಿಸಿವೆ.

ಟೆಲ್ ಅಲ್-ಹವಾ ಪ್ರದೇಶದಲ್ಲಿ ಪ್ರಯಾಣಿಕರ ಬಸ್ ಒಂದನ್ನು ಗುರಿಯಾಗಿಸಿ ಇಸ್ರೇಲ್ ನಡೆಸಿದ ವಾಯುದಾಳಿಯ ಪರಿಣಾಮವಾಗಿ ಐವರು ಹತರಾಗಿದ್ದು, ಮಹಿಳೆಯರು ಮತ್ತು ಮಕ್ಕಳು ಸೇರಿದಂತೆ 20 ಜನರು ಗಾಯಗೊಂಡಿದ್ದಾರೆ. 

ಇಸ್ರೇಲಿ ಡ್ರೋನ್‍ಗಳು ಹಾರಿಸಿದ ಎರಡು ಕ್ಷಿಪಣಿಗಳು ಬಸ್‍ಗೆ ಅಪ್ಪಳಿಸಿದ್ದು, ಅದರ ಮುಂಭಾಗ ಸಂಪೂರ್ಣವಾಗಿ ಸುಟ್ಟು ಭಸ್ಮವಾಗಿದೆ ಎಂದು ಮೂಲಗಳನ್ನು ಉಲ್ಲೇಖಿಸಿ ಎಎಫ್‍ಪಿ ಸುದ್ದಿಸಂಸ್ಥೆ ವರದಿ ಮಾಡಿದೆ.