ಆಯ್ಕೆಯ ಬಟ್ಟೆಗಳನ್ನು ಧರಿಸುವ ಸ್ವಾತಂತ್ರ್ಯನಾಗರಿಕರ ಮೂಲಭೂತ ಹಕ್ಕು: ಮಹಿಳೆಯ ಘನತೆಯನ್ನು ಬೇರೆಯವರು ಏನು ಇಷ್ಟಪಡುತ್ತಾರೆ ಎಂಬುದರ ಮೇಲೆ ನಿರ್ಧರಿಸಲಾಗದು: ಕೇರಳ ಹೈಕೋರ್ಟ್

ಕೊಚ್ಚಿ: ಒಬ್ಬರ ಆಯ್ಕೆಯ ಬಟ್ಟೆಗಳನ್ನು ಧರಿಸುವ ಸ್ವಾತಂತ್ರ್ಯವು ನಾಗರಿಕರ ಮೂಲಭೂತ ಹಕ್ಕಿನ ಭಾಗವಾಗಿದೆ ಎಂದು ಕೇರಳ ಹೈಕೋರ್ಟ್ ಸ್ಪಷ್ಟಪಡಿಸಿದೆ. 

ಕೊಲ್ಲಂ ನೆಡುವತೂರ್ ಈಶ್ವರವಿಲಾಸಂ ಪ್ರೌಢಶಾಲೆಯ ವ್ಯವಸ್ಥಾಪಕಿ ಶಾಲೆಗೆ ಚೂಡಿದಾರ್ ಧರಿಸಿ ಆಗಮಿಸುವುದರ ವಿರುದ್ಧ ಆಡಳಿತ ಸಮಿತಿಯ ಕಡ್ಡಾಯ ಕ್ರಮ ಖಂಡಿಸಿ ಮುಖ್ಯೋಪಾಧ್ಯಾಯಿನಿ ಸಿಂಧು ಎಸ್. ನಾಯರ್ ಸಲ್ಲಿಸಿದ ಅರ್ಜಿಯ ಮೇರೆಗೆ ನ್ಯಾಯಮೂರ್ತಿ ಪಿ.ವಿ. ಕುಂಞÂಕೃಷ್ಣನ್ ಅವರ ಮಹತ್ವದ ತೀರ್ಪು ನೀಡಲಾಗಿದೆ.

ಯಾವ ಬಟ್ಟೆ ಧರಿಸಬೇಕೆಂಬುದು ವ್ಯಕ್ತಿಯ ಸಂಪೂರ್ಣ ವೈಯಕ್ತಿಕ ನಿರ್ಧಾರ ಎಂದು ನ್ಯಾಯಾಲಯ ಸ್ಪಷ್ಟಪಡಿಸಿದೆ. ಈ ವಿಷಯದಲ್ಲಿ ಇನ್ನೊಬ್ಬ ವ್ಯಕ್ತಿ ಅಥವಾ ಸಮಾಜವನ್ನು ಸೆನ್ಸಾರ್ ಮಾಡುವ ಹಕ್ಕು ಯಾರಿಗೂ ಇಲ್ಲ.

ಸಂವಿಧಾನವು ಬೇರೊಬ್ಬರು ಏನು ಧರಿಸಲು ಇಷ್ಟಪಡುತ್ತಾರೆ ಎಂಬುದರ ಆಧಾರದ ಮೇಲೆ ಮಹಿಳೆಯ ಘನತೆ ಮತ್ತು ಗುರುತನ್ನು ನಿರ್ಧರಿಸುವುದಿಲ್ಲ. ಗೌರವಯುತವಾಗಿ ಕೆಲಸ ಮಾಡಲು ಚೂಡಿದಾರ್ ಧರಿಸುವುದರಿಂದ ಶಿಕ್ಷಕರ ಸ್ಥಾನಮಾನ ಅಥವಾ ದಕ್ಷತೆ ಯಾವುದೇ ರೀತಿಯಲ್ಲಿ ಕಡಿಮೆಯಾಗುವುದಿಲ್ಲ ಎಂದು ನ್ಯಾಯಾಲಯವು ಗಮನಿಸಿದೆ.

ಸಾಮಾನ್ಯ ಶಿಕ್ಷಣ ನಿರ್ದೇಶನಾಲಯದ (ಡಿಜಿಇ) ಪ್ರಸ್ತುತ ಸುತ್ತೋಲೆಯ ಪ್ರಕಾರ, ಶಾಲೆಗಳಲ್ಲಿ ಗೌರವಯುತವಾಗಿ ಶಿಕ್ಷಕರಿಗೆ ಚೂಡಿದಾರ್ ಧರಿಸಲು ಕಾನೂನುಬದ್ಧವಾಗಿ ಅನುಮತಿ ಇದೆ ಎಂದು ನ್ಯಾಯಾಲಯವು ಗಮನಸೆಳೆದಿದೆ.

ವ್ಯವಸ್ಥಾಪಕರು ಶಾಲೆಯಲ್ಲಿ ಮುಖ್ಯೋಪಾಧ್ಯಾಯಿನಿಯರಿಗೆ ಅಡ್ಡಿಪಡಿಸುವುದು ಅಥವಾ ಬೆದರಿಕೆ ಹಾಕುವುದನ್ನು ಮುಂದುವರಿಸಿದರೆ ಅವರಿಗೆ ಅಗತ್ಯ ರಕ್ಷಣೆ ಒದಗಿಸುವಂತೆ ಕೊಟ್ಟಾರಕ್ಕರ ಪೆÇಲೀಸರಿಗೆ ನ್ಯಾಯಾಲಯವು ಕಟ್ಟುನಿಟ್ಟಾಗಿ ನಿರ್ದೇಶಿಸಿದೆ.

ಶಾಲಾ ವ್ಯವಸ್ಥಾಪಕರನ್ನು ಅವರ ಹುದ್ದೆಯಿಂದ ಅನರ್ಹಗೊಳಿಸುವ ಅರ್ಜಿದಾರರ ಬೇಡಿಕೆಯ ಕುರಿತು ಸಂಬಂಧಪಟ್ಟ ಶಿಕ್ಷಣ ಇಲಾಖೆ ಅಧಿಕಾರಿಗಳು ಸೂಕ್ತ ನಿರ್ಧಾರ ತೆಗೆದುಕೊಳ್ಳಬಹುದು ಎಂದು ಹೈಕೋರ್ಟ್ ತನ್ನ ತೀರ್ಪಿನಲ್ಲಿ ಸ್ಪಷ್ಟಪಡಿಸಿದೆ.