ಹೊಸ ಯುಗದಲ್ಲಿ ಶಿಕ್ಷಣವನ್ನು ಮುನ್ನಡೆಸುವುದು ಸರ್ಕಾರದ ಗುರಿಯಾಗಿದೆ; ಶಾಸಕ ಎಂ ರಾಜಗೋಪಾಲನ್: ಎಳೇರಿತಟ್ಟು ಕಾಲೇಜಿನ ವಿಸ್ತೃತ ಮಹಿಳಾ ಹಾಸ್ಟೆಲ್ ಉದ್ಘಾಟನೆ

 

         ಕಾಸರಗೋಡು:  ಶಿಕ್ಷಣ ಕ್ಷೇತ್ರದಲ್ಲಿ ಹೊಸ ರೀತಿಯ ಶಿಕ್ಷಣದತ್ತ ಕಾರ್ಯೋನ್ಮುಖವಾಗುವುದು ಸರ್ಕಾರದ ಗುರಿಯಾಗಿದೆ ಎಂದು ಶಾಸಕ ಎಂ.ರಾಜಗೋಪಾಲನ್ ತಿಳಿಸಿದರು.

                  ಎಳೇರಿತಟ್ಟು ಇ.ಕೆ.ನಾಯನಾರ್ ಸ್ಮಾರಕ ಸರ್ಕಾರಿ ಕಾಲೇಜಿನಲ್ಲಿ ವಿಸ್ತೃತ ಮಹಿಳಾ ವಸತಿ ನಿಲಯವನ್ನು ಉದ್ಘಾಟಿಸಿ ಅವರು ಮಾತನಾಡಿದರು. 

                 ಬದಲಾದ ಕಾಲಕ್ಕೆ ತಕ್ಕಂತೆ ಜ್ಞಾನ ಸಮಾಜ ನಿರ್ಮಾಣಕ್ಕೆ ಸರ್ಕಾರ ಪ್ರಯತ್ನ ನಡೆಸುತ್ತಿದೆ. ವೃತ್ತಿಪರ ಶಿಕ್ಷಣವನ್ನು ಬೆಂಬಲಿಸುವ ಕೋರ್ಸ್‍ಗಳಿಗೆ ಒತ್ತು ನೀಡುವ ಕಲಿಕೆಯ ವಿಧಾನವನ್ನು ಅಳವಡಿಸಿಕೊಳ್ಳುವುದು. ಕಾಲೇಜು ಮತ್ತು ವಿಶ್ವವಿದ್ಯಾನಿಲಯ ಶಿಕ್ಷಣ ಕ್ಷೇತ್ರವನ್ನು ಬಲಪಡಿಸಲು ಸರ್ಕಾರ ಆದ್ಯತೆ ನೀಡುತ್ತಿದ್ದು, ಮೂಲಸೌಕರ್ಯ ಮತ್ತು ಶೈಕ್ಷಣಿಕ ಗುಣಮಟ್ಟದಲ್ಲಿ ಎಳೇರಿತಟ್ಟು ಕಾಲೇಜು ಉತ್ತಮ ಕಾಲೇಜಾಗಲಿದೆ ಎಂದು ಹೇಳಿದರು.

                 ಬೇರೆ ಜಿಲ್ಲೆಗಳಿಂದ ಎಳೇರಿತಟ್ಟು ಕಾಲೇಜಿನಲ್ಲಿ ಉನ್ನತ ಶಿಕ್ಷಣ ಪಡೆಯುತ್ತಿರುವ ವಿದ್ಯಾರ್ಥಿಗಳಿಗೆ ವಸತಿ ಕೊರತೆ ದೊಡ್ಡ ಸಮಸ್ಯೆಯಾಗಿದೆ. ಈ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರ ಎರಡು ಅಂತಸ್ತಿನ ಹಾಸ್ಟೆಲ್ ಜತೆಗೆ ಮೂರನೇ ಮಹಡಿ ಮಂಜೂರು ಮಾಡಿ ಹಣ ಮಂಜೂರು ಮಾಡಿತ್ತು.

                     ವೆಸ್ಟ್ ಎಳೇರಿ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಪಿ.ಸಿ. ಇಸ್ಮಾಯಿಲ್ ಅಧ್ಯಕ್ಷತೆ ವಹಿಸಿದ್ದರು. ಪ್ರಾಚಾರ್ಯ ಸೋಲ್ಜಿ ಕೆ. ಥಾಮಸ್, ಪರಪ್ಪ ಬ್ಲಾಕ್ ಪಂಚಾಯಿತಿ ಸದಸ್ಯ ಎ.ವಿ ರಾಜೇಶ್, ವೆಸ್ಟ್ ಎಳೇರಿ ಗ್ರಾ.ಪಂ.ಸದಸ್ಯರಾದ ಬಿಂದು ಮುರಳೀಧರನ್, ಶಾಂತಿಕೃಪಾ, ಸಿ.ಪಿ. ಸುರೇಶ ಹಾಗೂ ವಿವಿ|ಧ ರಾಜಕೀಯ ಪಕ್ಷದ ಪ್ರತಿನಿಧಿಗಳಾದ ಟಿ.ಕೆ. ಸುಕುಮಾರನ್, ಜೆಟ್ಟೊ ಜೋಸೆಫ್, ಎ. ದುಲ್ಪುಕಲಿ, ಟಿ.ಸಿ. ರಾಮಚಂದ್ರನ್, ಕಾಲೇಜು ಹಳೆ ವಿದ್ಯಾರ್ಥಿ ಸಂಘದ ಪ್ರತಿನಿಧಿ ಸ್ಕರಿಯಾ ಅಬ್ರಹಾಂ ಹಾಗೂ ಪಿಟಿಎ ಉಪಾಧ್ಯಕ್ಷ ಟಿ.ಜಿ. ಶಶೀಂದ್ರನ್, ಕಾಲೇಜು ವಿದ್ಯಾರ್ಥಿ ಸಂಘದ ಉಪಾಧ್ಯಕ್ಷೆ ಭಾಗ್ಯ ಭಾಸ್ಕರನ್, ಪಿಡಬ್ಲ್ಯೂಡಿ ಎಕ್ಸಿಕ್ಯೂಟಿವ್ ಇಂಜಿನಿಯರ್ ಮೊಹಮ್ಮದ್ ಮುನೀರ್ ವಡಕ್ಕುಂಪದಂ ಮತ್ತು ಸಿಡಿಎಸ್ ಅಧ್ಯಕ್ಷೆ ಸೌದಾಮಿನಿ ವಿಜಯನ್ ಉಪಸ್ಥಿತರಿದ್ದರು.