ಪೋಪ್ ಫ್ರಾನ್ಸಿಸ್ ಅಂತ್ಯಕ್ರಿಯೆಯಲ್ಲಿ ಕೇರಳವನ್ನು ಪ್ರತಿನಿಧಿಸಲಿರುವ ಸಚಿವೆ ರೋಶಿ ಅಗಸ್ಟೀನ್

ತಿರುವನಂತಪುರಂ: ಜಾಗತಿಕ ಕ್ಯಾಥೋಲಿಕ್ ಚರ್ಚ್‍ನ ಮುಖ್ಯಸ್ಥ ಪೋಪ್ ಫ್ರಾನ್ಸಿಸ್ ಅವರ ಅಂತ್ಯಕ್ರಿಯೆಯಲ್ಲಿ ಸಚಿವೆ ರೋಶಿ ಅಗಸ್ಟೀನ್ ಕೇರಳವನ್ನು ಪ್ರತಿನಿಧಿಸಲಿದ್ದಾರೆ. ಸಚಿವ ಸಂಪುಟ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ಚೆನ್ನೈನಲ್ಲಿರುವ ಗಣಿತ ವಿಜ್ಞಾನ ಸಂಸ್ಥೆಯ ಮಾದರಿಯಲ್ಲಿ ಕೇರಳ ಗಣಿತ ಶಾಲೆಯನ್ನು ಶ್ರೇಷ್ಠತೆಯ ಕೇಂದ್ರವನ್ನಾಗಿ ಉನ್ನತೀಕರಿಸಲಾಗುವುದು. ಸುಪ್ರೀಂ ಕೋರ್ಟ್‍ನಲ್ಲಿ ರಾಜ್ಯ ಸರ್ಕಾರದ ಪರವಾಗಿ ಪ್ರಕರಣಗಳನ್ನು ವಾದಿಸುವ ಹಿರಿಯ ವಕೀಲರ ಸಮಿತಿಯಲ್ಲಿ ಸುಪ್ರೀಂ ಕೋರ್ಟ್‍ನ ಹಿರಿಯ ವಕೀಲ ಶಾಜಿ ಪಿ. ಚಾಲಿ ಅವರನ್ನು ಸೇರಿಸಲು ಸಹ ನಿರ್ಧರಿಸಲಾಯಿತು.

ಅಡ್ವ. ಡೇವಿಸ್ ಪಿಐ ಅವರನ್ನು ಹೈಕೋರ್ಟ್‍ನಲ್ಲಿ ವಿಶೇಷ ಸರ್ಕಾರಿ ವಕೀಲ (ನೀರಾವರಿ) ಆಗಿ ನೇಮಿಸಲಾಗುವುದು. ಎ. ಮುಹಮ್ಮದ್ ಶಬೀರ್ ಅವರನ್ನು ಕೇರಳ ರಿಯಲ್ ಎಸ್ಟೇಟ್ ನಿಯಂತ್ರಣ ಪ್ರಾಧಿಕಾರದ (ಕೆ-ರೇರಾ) ಸದಸ್ಯರನ್ನಾಗಿ ನೇಮಿಸಲಾಗುವುದು. ವಝಕ್ಕುಳಂ ಆಗ್ರೋ ಮತ್ತು ಪ್ರ್ರೂಟ್ಸ್ ಪ್ರೊಸೆಸಿಂಗ್ ಕಂಪನಿಯ ನಿರ್ದೇಶಕರ ಮಂಡಳಿಯ ಸದಸ್ಯರಾಗಿ ಸಾಜಿ ಜಾನ್ ಅವರನ್ನು ನೇಮಿಸಲು ಸಹ ನಿರ್ಧರಿಸಲಾಯಿತು.