ಕಾಸರಗೋಡು: ಹಾಳಾದ ಇಲೆಕ್ಟ್ರಾನಿಕ್ ಉಪಕರಣಗಳನ್ನೊಳಗೊಂಡ ಇ-ತ್ಯಾಜ್ಯವನ್ನು ಮನೆಗಳಿಗೆ ತೆರಳಿ ಹಸಿರು ಕ್ರಿಯಾ ಸೇನೆ ಸದಸ್ಯರು ಸಂಗ್ರಹಿಸಲಿದ್ದಾರೆ. ಮನೆ ಮತ್ತು ಸಂಸ್ಥೆಗಳಿಂದ ಸೂಕ್ತ ಬೆಲೆ ತೆತ್ತು ಇಂತಹ ತ್ಯಾಜ್ಯ ಸಂಗ್ರಹಿಸಲು ಹಸಿರು ಕ್ರಿಯಾ ಸೇನೆ ಸಿದ್ಧತೆ ನಡೆಸುತ್ತಿದೆ. ಪ್ರತಿಯೊಂದು ಇ-ತ್ಯಾಜ್ಯದ ವಸ್ತುವಿನ ಖರೀದಿ ಬೆಲೆಯೂ ಪ್ರತ್ಯೇಕವಾಗಿರಲಿದೆ. ಕಾಸರಗೋಡು ಜಿಲ್ಲೆಯಲ್ಲಿ ಸ್ಥಳೀಯಾಡಳಿತ ಇಲಾಖೆಯ ನೇತೃತ್ವದಲ್ಲಿ ತ್ಯಾಜ್ಯ ಸಂಗ್ರಹಣೆಗೆ ಸಿದ್ಧತೆ ಆರಂಭಗೊಂಡಿದೆ.
ಮೊದಲ ಹಂತದಲ್ಲಿ, ಜಿಲ್ಲೆಯ ನೀಲೇಶ್ವರ, ಕಾಞಂಗಾಡು ಹಾಗೂ ಕಾಸರಗೋಡು ನಗರಸಭಾ ವ್ಯಾಪ್ತಿಯಲ್ಲಿರುವ ಮನೆಗಳು ಮತ್ತು ಸಂಸ್ಥೆಗಳನ್ನು ಒಳಪಡಿಸಲಾಗುವುದು. ಜುಲೈ 15ರಂದು ಆರಂಭಗೊಂಡ ಅಭಿಯಾನ 31ರವರೆಗೆ ನಡೆಯಲಿದೆ. ಇದಕ್ಕೂ ಮೊದಲು ನಗರಸಭೆ ಅಧಿಕಾರಿಗಳ ಸಭೆ ನಡೆಯಿತು. ನಂತರ ಕ್ಲೀನ್ ಕೇರಳ ಕಂಪನಿಯಿಂದ ಹಸಿರು ಕ್ರಿಯಾ ಸೇನೆಗೆ ತರಬೇತಿ ನೀಡಲಾಯಿತು. ಇದು ಮರುಬಳಕೆ ಮಾಡಬಹುದಾದ ವಸ್ತುಗಳು, ಅಪಾಯಕಾರಿ ವಸ್ತುಗಳು, ಸಂಗ್ರಹಣೆ ಮತ್ತು ಸಾಗಣೆಯ ಸಮಯದಲ್ಲಿ ಅನುಸರಿಸಬೇಕಾದ ಸುರಕ್ಷತಾ ಮಾನದಂಡ. ಇ-ತ್ಯಾಜ್ಯದ ಬೆಲೆ ಮತ್ತು ಅದರ ಪರಿಣಾಮಗಳ ಮೇಲೆ ಕೇಂದ್ರೀಕರಿಸಿ ತರಬೇತಿ ನೀಡಲಾಯಿತು. ಹಸಿರು ಕ್ರಿಯಾ ಸೇನೆ ಸಂಗ್ರಹಿಸುವ ತ್ಯಾಜ್ಯವನ್ನು ಕ್ಲೀನ್ ಕೇರಳ ಕಂಪನಿಗೆ ನೀಡಲಾಗುವುದು ಮತ್ತು ಕಂಪನಿಯು ಆ ಮೊತ್ತವನ್ನು ಹರಿತಕರ್ಮಸೇನೆಗೆ ವರ್ಗಾಯಿಸಲಿದೆ. ಕಳೆದ ಹಣಕಾಸು ವರ್ಷದಲ್ಲಿ ಕ್ಲೀನ್ ಕೇರಳ 59 ಟನ್ ಮರುಬಳಕೆಯ ತ್ಯಾಜ್ಯ ಮತ್ತು 210 ಟನ್ ಅಪಾಯಕಾರಿ ತ್ಯಾಜ್ಯವನ್ನು ಸಂಗ್ರಹಿಸಿದೆ.
ಇ-ತ್ಯಾಜ್ಯ ಸಂಗ್ರಹ ಆರಂಭ:
ನಗರದ ನೆಲ್ಲಿಕುಂಜೆಯಲ್ಲಿ ನಡೆದ ಸಮಾರಂಭದಲ್ಲಿ ಕಾಸರಗೋಡು ನಗರಸಭಾ ಅಧ್ಯಕ್ಷ ಅಬ್ಬಾಸ್ ಬೀಗಂ, ನೀಲೇಶ್ವರ ನಗರಸಭಾ ಅಧ್ಯಕ್ಷೆ ಟಿ.ವಿ ಶಾಂತಾ ಐದನೇ ವಾರ್ಡ್ನಲ್ಲಿ ಉದ್ಘಾಟನೆ ನೆರವೇರಿಸಿದರು. ಕಾಞಂಗಾಡ್ ನಗರಸಭಾ ಮಟ್ಟದ ಉದ್ಘಾಟನೆಯನ್ನು ಆಲಾಮಿಪಳ್ಳಿಯಲ್ಲಿ ನಗರಸಭಾಧ್ಯಕ್ಷೆ ಕೆ. ವಿ. ಸುಜಾತಾ ನೆರವೇರಿಸಿದರು.ಕಾರ್ಯಕ್ರಮದಲ್ಲಿ ಆರೋಗ್ಯ ಸ್ಥಾಯಿ ಸಮಿತಿ ಅಧ್ಯಕ್ಷರು, ಕ್ಲೀನ್ ಸಿಟಿ ವ್ಯವಸ್ಥಾಪಕರು, ವಾರ್ಡ್ ಸದಸ್ಯರು, ಕ್ಲೀನ್ ಕೇರಳ ಕಂಪನಿಯ ಜಿಲ್ಲಾ ವ್ಯವಸ್ಥಾಪಕರು, ವಲಯ ಸಂಯೋಜಕರು ಮತ್ತು ಹಸಿರು ಕ್ರಿಯಾ ಸೇನೆ ಸದಸ್ಯರು ಭಾಗವಹಿಸಿದ್ದರು.
.jpg)
ಕಾಞಂಗಾಡು ಅಲಾಮಿಪಳ್ಳಿಯಲ್ಲಿ ಇ ತ್ಯಾಜ್ಯ ಸಂಗ್ರಹಕ್ಕೆ ನಗರಸಭಾಧ್ಯಕ್ಷೆ ಕೆ.ವಿ ಸಉಜಾತಾ ಚಾಲನೆ ನೀಡಿದರು.
DOCTYPE html>
.jpg)
.jpeg)
