ಮುಂಬೈ: ಮುಂಬೈ ಮೆಟ್ರೊಪಾಲಿಟನ್ ಪ್ರದೇಶದಲ್ಲಿ ಆಯಪ್ ಆಧಾರಿತ ಟ್ಯಾಕ್ಸಿ ಹಾಗೂ ಬೈಕ್ ಸೇವೆಗಳನ್ನು ಒದಗಿಸಲು ಓಲಾ, ಊಬರ್ ಹಾಗೂ ರ್ಯಾಪಿಡೊದ ಮಾತೃ ಸಂಸ್ಥೆಗಳಿಗೆ ತಾತ್ಕಾಲಿಕ ಪರವಾನಗಿ ನೀಡಲು ಮಹಾರಾಷ್ಟ್ರದ ರಾಜ್ಯ ಸಾರಿಗೆ ಪ್ರಾಧಿಕಾರ (ಎಸ್ಟಿಎ) ಅನುಮೋದನೆ ನೀಡಿದೆ.
ಕೆಲವು ನಿಗದಿತ ಷರತ್ತಿನ ಅನ್ವಯ ಈ ತಾತ್ಕಾಲಿಕ ಪರವಾನಗಿ ನೀಡಲು ಎಸ್ಟಿಎ ಅನುಮೋದಿಸಿದ್ದು, ಬೈಕ್ ಟ್ಯಾಕ್ಸಿ ಸೇವೆಗೆ ಪ್ರತಿ 1.5 ಕಿ.ಮೀ.ಗೆ ₹15 ಶುಲ್ಕವನ್ನೂ ನಿಗದಿ ಪಡಿಸಿದೆ.
ಓಲಾದ ಮಾತೃ ಸಂಸ್ಥೆ ಎಎನ್ಐ ಟೆಕ್ನಾಲಜೀಸ್ ಪ್ರೈವೆಟ್ ಲಿಮಿಟೆಡ್ ಹಾಗೂ ಊಬರ್ನ ಮಾತೃ ಸಂಸ್ಥೆ ಊಬರ್ ಇಂಡಿಯಾ ಸಿಸ್ಟಮ್ಸ್ ಪ್ರೈ.ಲಿ. ಮತ್ತು ರ್ಯಾಪಿಡೊ ಮಾತೃ ಸಂಸ್ಥೆ ರೊಪ್ಪನ್ ಟ್ರ್ಯಾನ್ಸ್ಪೋರ್ಟ್ ಸರ್ವಿಸ್ ಪ್ರೈ.ಲಿ.ಗೆ ಈ ಅನುಮೋದನೆ ನೀಡಲಾಗಿದೆ.
ಜತೆಗೆ ಈ ಸಂಸ್ಥೆಗಳು ಒಂದು ತಿಂಗಳ ಒಳಗಾಗಿ ಕಾಯಂ ಪರವಾನಗಿ ಪಡೆಯಲು ಅರ್ಜಿ ಸಲ್ಲಿಸಬೇಕು, ಮಹಾರಾಷ್ಟ್ರ ಬೈಕ್ ಟ್ಯಾಕ್ಸಿ ನಿಯಮ 2025ರ ಎಲ್ಲಾ ನಿಬಂಧನೆ, ನಿಯಮಗಳನ್ನೂ ಅನುಸರಿಸಬೇಕು ಎಂದೂ ಎಸ್ಟಿಎ ಸೂಚಿಸಿದೆ.
DOCTYPE html>
.jpg)
.jpeg)
