ಶಬರಿಮಲೆ ಚಿನ್ನ ದರೋಡೆ ಪ್ರಕರಣ: ದೇವಸ್ವಂ ಮಂಡಳಿಯ ಮಾಜಿ ಸದಸ್ಯ ಎನ್. ವಿಜಯಕುಮಾರ್ ಬಂಧನ

ಕೊಚ್ಚಿ: ಶಬರಿಮಲೆ ಚಿನ್ನದ ದರೋಡೆ ಪ್ರಕರಣದಲ್ಲಿ ದೇವಸ್ವಂ ಮಂಡಳಿಯ ಮಾಜಿ ಸದಸ್ಯ ಎನ್. ವಿಜಯಕುಮಾರ್ ಅವರನ್ನು ಬಂಧಿಸಲಾಗಿದೆ. ಇದಕ್ಕೂ ಮೊದಲು, ವಿಜಯಕುಮಾರ್‍ಗೆ ಎಸ್‍ಐಟಿ ನೋಟಿಸ್ ಕಳುಹಿಸಲಾಗಿತ್ತು, ಆದರೆ ಅವರು ಹಾಜರಾಗಿರಲಿಲ್ಲ.

ವಿಜಯಕುಮಾರ್ ಅವರನ್ನು ಇಂದು ವಶಕ್ಕೆ ತೆಗೆದುಕೊಂಡು ಅವರ ಬಂಧನವನ್ನು ದಾಖಲಿಸಲಾಯಿತು. 

ವಿಜಯಕುಮಾರ್ ಬಂಧಿತ ಎ. ಪದ್ಮಕುಮಾರ್ ಅವರ ಆಡಳಿತ ಮಂಡಳಿಯಲ್ಲಿ ಸದಸ್ಯರಾಗಿದ್ದರು. ಎಸ್‍ಐಟಿಯ ಈ ಬಂಧನವು ಜಂಟಿ ಜವಾಬ್ದಾರಿ ಇದೆ ಎಂಬ ಪದ್ಮಕುಮಾರ್ ಅವರ ಹೇಳಿಕೆಯನ್ನು ದೃಢೀಕರಿಸುವ ಒಂದು ಹೆಜ್ಜೆಯಾಗಿದೆ. ಪ್ರಕರಣದಲ್ಲಿ ಮಂಡಳಿಯ ಎಲ್ಲಾ ಸದಸ್ಯರು ಸಮಾನ ಜವಾಬ್ದಾರಿಯನ್ನು ಹೊಂದಿದ್ದಾರೆ ಎಂದು ಹೈಕೋರ್ಟ್ ಮೊನ್ನೆ ಗಮನಿಸಿತ್ತು. ಶಂಕರ್‍ದಾಸ್ ಮತ್ತು ವಿಜಯಕುಮಾರ್ ಅವರನ್ನು ತನಿಖೆ ಮಾಡದಿದ್ದಕ್ಕಾಗಿ ಹೈಕೋರ್ಟ್ ಎಸ್‍ಐಟಿಯನ್ನು ಟೀಕಿಸಿತು.

ಬಂಧನದ ಸಾಧ್ಯತೆ ಸ್ಪಷ್ಟವಾದ ನಂತರ, ಇಬ್ಬರೂ ನಿರೀಕ್ಷಣಾ ಜಾಮೀನಿಗೆ ಅರ್ಜಿ ಸಲ್ಲಿಸಿದರು. ಎ. ಪದ್ಮಕುಮಾರ್ ಸಹಿತ ಮಂಡಳಿಯ ಎಲ್ಲಾ ಸದಸ್ಯರು ಚಿನ್ನವನ್ನು ಉಣ್ಣಿಕೃಷ್ಣನ್ ಪೋತ್ತಿಗೆ ಹಸ್ತಾಂತರಿಸಲು ಸಾಮೂಹಿಕವಾಗಿ ಜವಾಬ್ದಾರರಾಗಿದ್ದಾರೆ ಎಸ್‍ಐಟಿ ಹೇಳಿದೆ.