ಮುಗು ಕ್ಷೇತ್ರದ ಗರ್ಭಗುಡಿಗೆ ಕಿರುಷಷ್ಠಿಯಂದು ದಾರಂದ ಮುಹೂರ್ತ

ಪೆರ್ಲ:  ಶೇಣಿ, ಮುಗು ಉಭಯ ಗ್ರಾಮಗಳ ಕಾರಣೀಕ ಪ್ರಸಿದ್ಧ ಮುಗು ಶ್ರೀ ಸುಬ್ರಾಯ ದೇವ ದೇವಸ್ಥಾನದಲ್ಲಿ ನಿರ್ಮಾಣ ಹಂತದಲ್ಲಿರುವ ನೂತನ ಶಿಲಾಮಯ ಗರ್ಭ ಗುಡಿಯ ದಾರಂದ ಮೂಹೂರ್ತ ಭಕ್ತ ಜನ ಸಹಭಾಗಿತ್ವದಲ್ಲಿ ಕಿರುಷಷ್ಠಿಯಂದು ಜರಗಿತು. 

ಕ್ಷೇತ್ರದ ಜೀರ್ಣೋದ್ಧಾರ ಕಾರ್ಯ ಭಕ್ತ ಜನ ಸಹಕಾರದೊಂದಿಗೆ ತ್ವರಿತಗತಿಯಲ್ಲಿ ಸಾಗುತ್ತಿದ್ದು ದೇವರು ಬಾಲಾಲಯದಲ್ಲಿ ಇರುವುದರಿಂದ ಈ ವರ್ಷದಲ್ಲಿ ಕಿರುಷಷ್ಠಿ ದಿನ ತಂತ್ರಿಗಳಾದ ಬ್ರಹ್ಮಶ್ರೀ ದೇಲಂಪಾಡಿ ಗಣೇಶ ತಂತ್ರಿಗಳ ಮಾರ್ಗದರ್ಶನದಂತೆ  ಬೆಳಗ್ಗೆ ಶ್ರೀ ದೇವರಿಗೆ ನವಕ ಅಭಿಷೇಕ, ಪರಿವಾರ ದೈವಗಳು ಹಾಗೂ ನಾಗ  ದೇವರಿಗೆ ತಂಬಿಲ ಸೇವೆ,  ಬಲಿವಾಡು ಕೂಟ ಜರಗಿತು. ವಿವಿಧ ಗಣ್ಯರು ಗ್ರಾಮಸ್ಥರು ಪಾಲ್ಗೊಂಡಿದ್ದರು.