ಗೂಗಲ್ ಪೇ ಮೂಲಕ ಹಣ ಪಾವತಿಸಲು ಸಾಧ್ಯವಾಗದ ಪ್ರಯಾಣಿಕೆಯನ್ನು ರಸ್ತೆ ಮಧ್ಯೆ ಇಳಿಸಿದ ಕೆಎಸ್‍ಆರ್‍ಟಿಸಿ: ದೂರು

ತಿರುವನಂತಪುರಂ: ಗೂಗಲ್ ಪೇ ಮೂಲಕ ಹಣ ಪಾವತಿಸಲು ವಿಫಲವಾದ ಕಾರಣ ಕೆಎಸ್‍ಆರ್‍ಟಿಸಿ ಬಸ್ ಅನಾರೋಗ್ಯ ಪೀಡಿತ ಮಹಿಳೆಯನ್ನು ರಸ್ತೆಯ ಮಧ್ಯದಲ್ಲಿ ಬಸ್‍ನಿಂದ ಹೊರಗಿಳಿಸಿದ  ಆರೋಪ ಕೇಳಿಬಂದಿದೆ. ತಿರುವನಂತಪುರದ ವೆಲ್ಲರಡದಲ್ಲಿ ಈ ಘಟನೆ ನಡೆದಿದೆ.

ವೆಲ್ಲರಡ ಮೂಲದ ದಿವ್ಯಾ, ಕೆಎಸ್‍ಆರ್‍ಟಿಸಿ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ. ಆಸ್ಪತ್ರೆಗೆ ಹೋಗುವ ಮೊದಲು ಗೂಗಲ್ ಪೇ ಮೂಲಕ ಹಣ ಪಾವತಿಸಲು ಪ್ರಯತ್ನಿಸಿದರು, ಆದರೆ ವಿಫಲರಾದರು.

ಡಿಪೋದಲ್ಲಿ ಕಾಯುತ್ತಿದ್ದ ತನ್ನ ಪತಿಯಿಂದ ಪಡೆದು ಹಣ ನೀಡುವುದಾಗಿ ಹೇಳಿದರೂ, ಬಸ್ ಸಿಬ್ಬಂದಿಗಳು ಕೇಳಲು ತಯಾರಾಗಿಲ್ಲ. ರಾತ್ರಿ 9 ಗಂಟೆ ಸುಮಾರಿಗೆ ಕಂಡಕ್ಟರ್ ತನ್ನನ್ನು ರಸ್ತೆಯ ಮಧ್ಯದಲ್ಲಿ ಇಳಿಸಿದರು ಎಂದು ದಿವ್ಯಾ ತನ್ನ ದೂರಿನಲ್ಲಿ ತಿಳಿಸಿದ್ದಾರೆ.

ಬಳಿಕ ಪತಿ ಅನಾರೋಗ್ಯ ಪೀಡಿತ ತನ್ನನ್ನು ಮನೆಗೆ ಬಂದು ಕರೆದೊಯ್ದರು ಮತ್ತು ಕೆಎಸ್‍ಆರ್‍ಟಿಸಿ ಸಿಬ್ಬಂದಿ ಕೇವಲ ಸಣ್ಣ ಮೊತ್ತದ ಹಣಕ್ಕಾಗಿ ತನ್ನನ್ನು ಇಳಿಸಿದ್ದಾರೆ ಎಂದು ಮಹಿಳೆ ತನ್ನ ದೂರಿನಲ್ಲಿ ತಿಳಿಸಿದ್ದಾರೆ.