ಕುಂಭಮೇಳ ಹುಡುಗಿಯ ಮದುವೆ: ಸಿಪಿಎಂ ನಾಯಕರ ವಿರುದ್ಧದ ಅರ್ಜಿ ಸ್ಥಗಿತ

ತಿರುವನಂತಪುರಂ: ಕುಂಭಮೇಳ ಹುಡುಗಿಯ ಮದುವೆಯಲ್ಲಿ ಸಿಪಿಎಂ ನಾಯಕರ ವಿರುದ್ಧ ಪ್ರಕರಣ ದಾಖಲಿಸಲು ಕೋರಿ ಸಲ್ಲಿಸಲಾದ ಖಾಸಗಿ ಅರ್ಜಿಯ ವಿಚಾರಣೆಯನ್ನು ನ್ಯಾಯಾಲಯ ಸ್ಥಗಿತಗೊಳಿಸಿದೆ. 

ತಿರುವನಂತಪುರಂ ಪೋಕ್ಸೊ ನ್ಯಾಯಾಲಯದ ನ್ಯಾಯಾಧೀಶ ಎಂ.ಪಿ. ಶಿಬು ಅವರು ಹುಡುಗಿಯ ಪತಿಯ ವಿರುದ್ಧ ಪೋಕ್ಸೊ ಪ್ರಕರಣ ದಾಖಲಿಸಿದ ಮಧ್ಯಪ್ರದೇಶದ ಮಹೇಶ್ವರ ಪೋಲೀಸ್ ಠಾಣೆ ಸರ್ಕಲ್ ಇನ್ಸ್‍ಪೆಕ್ಟರ್‍ಗೆ ಮೇ 20 ರಂದು ವರದಿ ಸಲ್ಲಿಸುವಂತೆ ನಿರ್ದೇಶಿಸಿದ್ದಾರೆ. ಅರ್ಜಿಯ ಕುರಿತು ಮುಂದಿನ ಕ್ರಮಕ್ಕಾಗಿ ಪೋಲೀಸ್ ವರದಿಯನ್ನು ಪರಿಗಣಿಸಲಾಗುವುದು. ಒಂದೇ ವಿಷಯದಲ್ಲಿ ಪೋಲೀಸ್ ತನಿಖೆ ಮತ್ತು ಖಾಸಗಿ ಅರ್ಜಿ ಸಲ್ಲಿಸಿದಾಗ ಅನುಸರಿಸುವ ಕಾರ್ಯವಿಧಾನಗಳ ಆಧಾರದ ಮೇಲೆ ನ್ಯಾಯಾಲಯವು ಪೋಲೀಸರಿಂದ ವರದಿಯನ್ನು ಕೋರಿದೆ.

ಸಿಪಿಎಂ ರಾಜ್ಯ ಕಾರ್ಯದರ್ಶಿ ಎಂ.ವಿ. ಗೋವಿಂದನ್, ಸಚಿವ ವಿ. ಶಿವನ್‍ಕುಟ್ಟಿ, ಸಂಸದ ಎ.ಎ. ರಹೀಮ್, ಅರುಮನೂರ್ ನೈನಾರ್ ದೇವಕ್ಷೇತ್ರಂ ಅಧ್ಯಕ್ಷ ಎನ್. ಹರೀಂದ್ರನ್, ಕಾರ್ಯದರ್ಶಿ ಅಜಿತ್ ಕುಮಾರ್ ಮತ್ತು ಬಾಲಕಿಯ ಪತಿ ಉತ್ತರ ಪ್ರದೇಶ ಮೂಲದ ಮೊಹಮ್ಮದ್ ಫರ್ಮಾನ್ ಖಾನ್ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಅರ್ಜಿಯಲ್ಲಿ ಕೋರಲಾಗಿದೆ.

ಅಪ್ರಾಪ್ತ ಬಾಲಕಿಯನ್ನು ಮದುವೆಗೆ ಪ್ರೇರೇಪಿಸಿದ್ದಕ್ಕಾಗಿ ಆರೋಪಿಯ ವಿರುದ್ಧ ಪೋಕ್ಸೊ ಕಾಯ್ದೆಯಡಿ ಪ್ರಕರಣ ದಾಖಲಿಸಬೇಕೆಂದು ನೆಯ್ಯಾಟ್ಟಿಂಗರ ನಾಗರಾಜು ಅವರ ಅರ್ಜಿಯಲ್ಲಿ ಒತ್ತಾಯಿಸಲಾಗಿದೆ. ವಿವಿಧ ಧಾರ್ಮಿಕ ಗುಂಪುಗಳಿಗೆ ಸೇರಿದ ವಧು-ವರರು ಹಿಂದೂ ಧಾರ್ಮಿಕ ಪದ್ಧತಿಗಳ ಪ್ರಕಾರ ಮದುವೆಯಾಗಲು ಸಾಧ್ಯವಿಲ್ಲ ಎಂದು ಅರ್ಜಿಯಲ್ಲಿ ವಾದಿಸಲಾಗಿತ್ತು.