ಸ್ಥಳೀಯಾಡಳಿತ ಉಪಚುನಾವಣೆ: ಅಂತಿಮ ಮತದಾರರ ಪಟ್ಟಿಯಲ್ಲಿ 3,09,713 ಮತದಾರರು; ಹೊರಗುಳಿದ 1148 ಮತದಾರರು: ಕಾಸರಗೋಡಿನಲ್ಲಿ 1,113 ಮತದಾರರು

ಕಾಸರಗೋಡು: ರಾಜ್ಯದ 38 ಸ್ಥಳೀಯಾಡಳಿತ ವಾರ್ಡ್‍ಗಳಲ್ಲಿ ನಡೆಯಲಿರುವ ಉಪಚುನಾವಣೆಗೆ ರಾಜ್ಯ ಚುನಾವಣಾ ಆಯುಕ್ತ ಎನ್. ಶೇಷಾದ್ರಿನಾಥನ್ ಪರಿಷ್ಕøತ ಅಂತಿಮ ಮತದಾರರ ಪಟ್ಟಿಯನ್ನು ಪ್ರಕಟಿಸಿದ್ದಾರೆ. ಒಟ್ಟು 3,09,713 ಮತದಾರರಲ್ಲಿ 1,64,241 ಮಹಿಳೆಯರು, 1,45,468 ಪುರುಷರು ಮತ್ತು ನಾಲ್ವರು ಟ್ರಾನ್ಸ್‍ಜೆಂಡರ್‍ಗಳು. ಕಾಸರಗೋಡು ಜಿಲ್ಲೆಯ ಪಿಲಿಕೋಡ್ ಪಂಚಾಯತ್‍ನ ಎರಡನೇ ವಾರ್ಡ್‍ನಲ್ಲಿ ಮತದಾನ ನಡೆಯುತ್ತಿದೆ. ಇಲ್ಲಿ ಅಂತಿಮ ಪಟ್ಟಿಯಲ್ಲಿ 1113 ಮತದಾರರಿದ್ದಾರೆ.

ಜುಲೈ 21 ರಂದು ಪ್ರಕಟವಾದ ಕರಡು ಪಟ್ಟಿಯನ್ನು ಪರಿಶೀಲಿಸಿ, 1,148 ಅನರ್ಹ ಮತದಾರರನ್ನು ಹೊರತುಪಡಿಸಿ ಮತ್ತು 3,897 ಹೊಸ ಮತದಾರರನ್ನು ಒಳಗೊಂಡಂತೆ ಅಂತಿಮ ಪಟ್ಟಿಯನ್ನು ಸಿದ್ಧಪಡಿಸಲಾಗಿದೆ. ಹೊಸದಾಗಿ ಸೇರ್ಪಡೆಯಾದ ಹೆಸರುಗಳಲ್ಲಿ 2,139 ಮಹಿಳೆಯರು ಮತ್ತು 1,758 ಪುರುಷರು ಸೇರಿದ್ದಾರೆ. ಜನವರಿ 1, 2026 ಅನ್ನು ಅರ್ಹತಾ ದಿನಾಂಕವಾಗಿಟ್ಟುಕೊಂಡು ಮತದಾರರ ಪಟ್ಟಿಯನ್ನು ಪರಿಷ್ಕರಿಸಲಾಗಿದೆ.

ಕೊಲ್ಲಂ ಮತ್ತು ಅಲಪ್ಪುಳ ಹೊರತುಪಡಿಸಿ 12 ಜಿಲ್ಲೆಗಳಿಗೆ ಮತದಾರರ ಪಟ್ಟಿಯನ್ನು ಪರಿಷ್ಕರಿಸಲಾಗಿದೆ, ಇದರಲ್ಲಿ ಎರ್ನಾಕುಳಂ ಮತ್ತು ಕೋಝಿಕ್ಕೋಡ್‍ನ ಎರಡು ಕಾಪೆರ್Çರೇಷನ್ ವಾರ್ಡ್‍ಗಳು, ತ್ರಿಶೂರ್, ಪಾಲಕ್ಕಾಡ್ ಮತ್ತು ಕಣ್ಣೂರಿನಲ್ಲಿ ಮೂರು ನಗರಸಭೆ ವಾರ್ಡ್‍ಗಳು, ತಿರುವನಂತಪುರಂ, ಕೊಟ್ಟಾಯಂ ಮತ್ತು ಪಾಲಕ್ಕಾಡ್‍ನಲ್ಲಿ ಮೂರು ಜಿಲ್ಲಾ ಪಂಚಾಯತ್ ವಾರ್ಡ್‍ಗಳು, ಏಳು ಬ್ಲಾಕ್ ಪಂಚಾಯತ್ ವಾರ್ಡ್‍ಗಳು ಮತ್ತು 23 ಗ್ರಾಮ ಪಂಚಾಯತ್ ವಾರ್ಡ್‍ಗಳು ಸೇರಿವೆ. ಅಂತಿಮ ಪಟ್ಟಿಯ ಪ್ರಕಾರ, ಜಿಲ್ಲಾವಾರು ಮತದಾರರ ಅಂಕಿಅಂಶಗಳು - ತಿರುವನಂತಪುರಂ (90,658), ಪತ್ತನಂತಿಟ್ಟ (4,142), ಕೊಟ್ಟಾಯಂ (66,375), ಇಡುಕ್ಕಿ (712), ಎರ್ನಾಕುಳಂ (10,003), ತ್ರಿಶೂರ್ (19,007), ಪಾಲಕ್ಕಾಡ್ (90,405), ಮಲಪ್ಪುರಂ (6,151), ಕೋಝಿಕ್ಕೋಡ್ (9,712), ವಯನಾಡ್ (8,808), ಕಣ್ಣೂರು (2,627), ಮತ್ತು ಕಾಸರಗೋಡು (1,113).