ಗುರುವಾಯೂರಿನಲ್ಲಿ ನಿನ್ನೆ ನೆರವೇರಿದ್ದು ಐತಿಹಾಸಿಕ 437 ವಿವಾಹಗಳು: ಇತಿಹಾಸದಲ್ಲಿ ಮೊದಲು

ಗುರುವಾಯೂರ್ : ಭಾನುವಾರ ಗುರುವಾಯೂರಿನಲ್ಲಿ ಒಟ್ಟು 437 ವಿವಾಹಗಳು ನಡೆದಿವೆ. ಹಿಂದಿನ ಒಂದು ದಿನದಲ್ಲಿ ಇಷ್ಟೊಂದು ಮದುವೆಗಳು ನಡೆದಿರಲಿಲ್ಲ. ಪ್ರಸ್ತುತ ದಾಖಲೆ ಸೆಪ್ಟೆಂಬರ್ 8, 2024 ರಂದು ನಡೆದ 344 ಮದುವೆಗಳು ನಡೆದಿದ್ದು, ನಿನ್ನೆ ಅದನ್ನು ಮೀರಿಸಿ ವಿವಾಹಗಳು ನೆರವೇರಿದವು. 

ಆರು ಮದುವೆ ಮಂಟಪಗಳನ್ನು ಸ್ಥಾಪಿಸಲಾಗಿತ್ತು. ಬೆಳಿಗ್ಗೆ 4 ಗಂಟೆಯಿಂದ ತಾಳಿಕಟ್ಟುವ ವಿಧಿವಿಧಾನಗಳು ನಡೆಸಲು ವ್ಯವಸ್ಥೆ ಮಾಡಲಾಗಿತ್ತು. ಜನದಟ್ಟಣೆಯನ್ನು ಪರಿಗಣಿಸಿ, ಹೆಚ್ಚಿನ ಸಿಬ್ಬಂದಿಗಳನ್ನು  ನೇಮಿಸಲಾಗಿತ್ತು. ಹೆಚ್ಚಿನ ನಾಗಸ್ವರ ಮತ್ತು ಇತರ ವಾದ್ಯ ಕಲಾವಿದರನ್ನು ನೇಮಿಸಲಾಗಿತ್ತು. ವಧೂ-ವರರು, ಸಂಬಂಧಿಗಳು ತಾಳಿಕಟ್ಟುವ ಮುಹೂರ್ತಕ್ಕಿಂತ ಕನಿಷ್ಠ ಅರ್ಧ ಗಂಟೆ ಮೊದಲು ಸಂಬಂಧಿತ ಕೌಂಟರ್‍ಗಳಿಗೆ ವರದಿ ಮಾಡಲು ಸೂಚಿಸಲಾಗಿತ್ತು. 

ಕೌಂಟರ್‍ನಲ್ಲಿ ಮದುವೆ ಪ್ರಮಾಣಪತ್ರ ಮತ್ತು ಎರಡೂ ಕಡೆಯವರ ಆಧಾರ್ ಕಾರ್ಡ್‍ಗಳನ್ನು ತೋರಿಸಿ ತಾಳಿ ಕಟ್ಟುವ ವೇಳೆ, ವಧು-ವರರು ಸೇರಿದಂತೆ ಐದು ಅಥವಾ ಆರು ಜನರು, ಅವರ ಪೋಷಕರು ಮತ್ತು ಕುಟುಂಬ ಸದಸ್ಯರು ಕತಿರ್ ಮಂಟಪ ಪ್ರವೇಶಿಸಲು ಅವಕಾಶ ನೀಡಲಾಗಿತ್ತು. 

ಇದೆಲ್ಲದರ ವಿಚಾರಣೆಯನ್ನು ಶನಿವಾರ ಅಧ್ಯಕ್ಷರು, ಆಡಳಿತ ಸಮಿತಿಯ ಸದಸ್ಯರು ಮತ್ತು ಉಪ ಆಡಳಿತಾಧಿಕಾರಿಗಳ ಸಮ್ಮುಖದಲ್ಲಿ ನಡೆಸಲಾಯಿತು. ದೇವಾಲಯದ ಒಳಗೆ 100 ಹೆಚ್ಚುವರಿ ಪೋಲೀಸರನ್ನು ನಿಯೋಜಿಸಲಾಗಿತ್ತು ಎಂದು ಗುರುವಾಯೂರು ಎಸಿಪಿ ಸುರೇಂದ್ರನ್ ಮಾಂಗಾಡ್ ಮಾಹಿತಿ ನೀಡಿದರು. 45 ಹೆಚ್ಚುವರಿ ಭದ್ರತಾ ಸಿಬ್ಬಂದಿಯನ್ನು ನಿಯೋಜಿಸಲಾಗಿತ್ತು ಎಂದು ಮುಖ್ಯ ಭದ್ರತಾ ಅಧಿಕಾರಿಗಳಾದ ಸುಬ್ರಮಣಿಯನ್ ಸ್ವಾಮಿ ಮತ್ತು ಸುನಿಲ್ ಮಾಹಿತಿ ನೀಡಿದರು.

ವಧು-ವರರು ಬಳಸಿದ್ದು ಸಾವಿರ ತುಳಸಿ ಮಾಲೆಗಳು...

ಗುರುವಾಯೂರಿನಲ್ಲಿ 400 ಮದುವೆಗಳಿದ್ದರೆ, ವಧು-ವರರಿಗೆ 800 ತುಳಸಿ ಮಾಲೆಗಳನ್ನು ಕಟ್ಟಬೇಕಾಯಿತು. ದೇವಾಲಯದ ಸಾಂಪ್ರದಾಯಿಕ ಕುಟುಂಬ ಸದಸ್ಯರು ಇದಕ್ಕಾಗಿ ಸಿದ್ಧತೆ ನಡೆಸಿದ್ದರು. ತಿರುವೆಂಕಟಂ ವಾರಿಯಮ್‍ನ ರಾಜಶೇಖರನ್ ವಾರಿಯರ್ ಅವರ ಮೇಲ್ವಿಚಾರಣೆಯಲ್ಲಿ, ಶ್ಯಾಮ್ ಸುಂದರ್, ಉಣ್ಣಿಕೃಷ್ಣ ವಾರಿಯರ್, ಮೋಹನ ಪಿಶಾರಡಿ, ಬಾಲಕೃಷ್ಣ ಪಿಶಾರಡಿ, ಪ್ರಸನ್ನ ಉಣ್ಣಿಕೃಷ್ಣನ್ ಮತ್ತು ಇತರರು ಹಾರ ತಯಾರಿಕೆಯನ್ನು ನಡೆಸಿದರು. 437 ವಿವಾಹಗಳು ನಡೆದಿದ್ದರಿಂದ, ಸುಮಾರು ಒಂದು ಸಾವಿರ ಹಾರಗಳು ಬೇಕಾಗಿಬಂತು. 

ತಮಿಳುನಾಡಿನಿಂದ 500 ಕೆಜಿ ತುಳಸಿಯನ್ನು ತರಲಾಗಿತ್ತು. ಹಾರ ತಯಾರಿಕೆಯು ದೇವಾಲಯದ ಗೋಪುರ ಕಚೇರಿಗೆ ಹೊಂದಿಕೊಂಡ ಕೋಣೆಯಲ್ಲಿ ನಡೆದಿತ್ತು. ಆದಾಗ್ಯೂ, ಭಾನುವಾರ ಹೆಚ್ಚಿನ ಹಾರಗಳನ್ನು ಕಟ್ಟಬೇಕಾಗಿದ್ದರಿಂದ, ದೇವಸ್ವಂ ದೇವಾಲಯದ ಒಳಗೆ ವಿಶೇಷವಾಗಿ ಜಾಗವನ್ನು ನಿಗದಿಪಡಿಸಿತ್ತು.