ವಿಶ್ವ ಬಾಹ್ಯಾಕಾಶ ಸಪ್ತಾಹ ಆಚರಣೆ: ತುಂಬಾದಲ್ಲಿ ರೋಹಿಣಿ ರಾಕೆಟ್ ಉಡಾವಣೆ; ವೀಕ್ಷಿಸಿದ 2,500 ಕ್ಕೂ ಹೆಚ್ಚು ಜನರು

ತಿರುವನಂತಪುರಂ: ವಿಶ್ವ ಬಾಹ್ಯಾಕಾಶ ಸಪ್ತಾಹ ಆಚರಣೆಯ ಭಾಗವಾಗಿ, ರೋಹಿಣಿ ಸೌಂಡಿಂಗ್ ರಾಕೆಟ್ ಅನ್ನು ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರದ ತುಂಬಾ ಈಕ್ವಟೋರಿಯಲ್ ರಾಕೆಟ್ ಉಡಾವಣಾ ಕೇಂದ್ರದಿಂದ ಉಡಾವಣೆ ಮಾಡಲಾಯಿತು. ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರು ಸೇರಿದಂತೆ 2,500 ಕ್ಕೂ ಹೆಚ್ಚು ಜನರು ಉಡಾವಣೆಯನ್ನು ವೀಕ್ಷಿಸಲು ತುಂಬೆಗೆ ಆಗಮಿಸಿದ್ದರು. 

ವಿಶ್ವ ಬಾಹ್ಯಾಕಾಶ ಸಪ್ತಾಹವನ್ನು ಕೇಂದ್ರ ಬಾಹ್ಯಾಕಾಶ ಇಲಾಖೆಯ ಅಡಿಯಲ್ಲಿ VSSC, ಲಿಕ್ವಿಡ್ ಪ್ರೊಪಲ್ಷನ್ ಸಿಸ್ಟಮ್ಸ್ ಸೆಂಟರ್ (LPSC), ISRO ಇನರ್ಶಿಯಲ್ ಸಿಸ್ಟಮ್ಸ್ ಯೂನಿಟ್ (IISU) ಮತ್ತು ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸ್ಪೇಸ್ ಸೈನ್ಸ್ ಅಂಡ್ ಟೆಕ್ನಾಲಜಿ (IIST) ಜಂಟಿಯಾಗಿ ಆಚರಿಸಲಾಗುತ್ತಿದೆ. ಅಕ್ಟೋಬರ್ 4 ರಿಂದ 10 ರವರೆಗೆ 'ರಾಕೆಟ್ ಕ್ರಾಂತಿ' ಎಂಬ ವಿಷಯದ ಅಡಿಯಲ್ಲಿ ಆಚರಣೆಗಳನ್ನು ಆಯೋಜಿಸಲಾಗಿದೆ.

ವಲಿಯಮಲದಲ್ಲಿ ಉದ್ಘಾಟನಾ ಸಮಾರಂಭ

ಅಕ್ಟೋಬರ್ 6 ರಂದು ವಲಿಯಮಲದ ಎಲ್‌ಪಿಎಸ್‌ಸಿಯಲ್ಲಿ ನಡೆದ ಸಮಾರಂಭದಲ್ಲಿ ಶ್ರೀ ಚಿತ್ರ ತಿರುನಾಳ್ ವೈದ್ಯಕೀಯ ವಿಜ್ಞಾನ ಮತ್ತು ತಂತ್ರಜ್ಞಾನ ಸಂಸ್ಥೆಯ (SCTIMST) ನಿರ್ದೇಶಕ ಡಾ. ಸಂಜಯ್ ಬೆಹಾರಿ ಅವರು ಆಚರಣೆಗಳನ್ನು ಉದ್ಘಾಟಿಸಿದರು. ಅವರು 'ಜೈವಿಕ ಆಸ್ಟ್ರೋನಾಟಿಕ್ಸ್‌ನಲ್ಲಿನ ಬದಲಾವಣೆಗಳು' ವಿಷಯದ ಕುರಿತು ಉಪನ್ಯಾಸ ನೀಡಿದರು.ಮಿತಿಯ ಪರ್ಯಾಯ ಅಧ್ಯಕ್ಷ ಅಜಿತ್ ಬಿ. ಸಮಾರಂಭದಲ್ಲಿ ಉಪಸ್ಥಿತರಿದ್ದರು.

ವಿದ್ಯಾರ್ಥಿಗಳಲ್ಲಿ ವಿಜ್ಞಾನ ಅರಿವು ಮೂಡಿಸಲು ವಿಶೇಷ ಕಾರ್ಯಕ್ರಮಗಳು

ಕೇರಳದಾದ್ಯಂತ ಶಾಲಾ ವಿದ್ಯಾರ್ಥಿಗಳಲ್ಲಿ ವಿಜ್ಞಾನ ಅರಿವು ಮತ್ತು ಬಾಹ್ಯಾಕಾಶ ವಿಜ್ಞಾನದ ಬಗ್ಗೆ ಆಸಕ್ತಿ ಮೂಡಿಸುವ ಉದ್ದೇಶದಿಂದ, ನಾಲ್ಕು ಸಂಸ್ಥೆಗಳ ವಿಜ್ಞಾನಿಗಳ ನೇತೃತ್ವದಲ್ಲಿ ಆನ್‍ಲೈನ್ ಮತ್ತು ಆಫ್‍ಲೈನ್ ಸಂವಾದಾತ್ಮಕ ಉಪನ್ಯಾಸಗಳನ್ನು ಸಹ ಆಯೋಜಿಸಲಾಗುತ್ತಿದೆ.

ಕಾರ್ಯಕ್ರಮಗಳ ರಾಜ್ಯ ಮಟ್ಟದ ಉದ್ಘಾಟನೆಯನ್ನು ಅಕ್ಟೋಬರ್ 6 ರಂದು ತಿರುವನಂತಪುರದ ಡಾ. ಎ.ಎಂ.ಎಂ.ಆರ್. ಎಚ್‍ಎಸ್‍ಎಸ್. ಶಾಲೆಯಲ್ಲಿ ವಿಎಸ್‍ಎಸ್‍ಸಿ ಅಸೋಸಿಯೇಟ್ ನಿರ್ದೇಶಕ ಡಾ. ದೀಪೀಂದ್ರನ್ ಬಿ. ನಡೆಸಿಕೊಟ್ಟರು. ವಿಎಸ್‍ಎಸ್‍ಸಿ ಉಪನಿರ್ದೇಶಕ ಡಾ. ಜಯಕುಮಾರ್ ಎಂ., ಶಾಲಾ ಪ್ರಾಂಶುಪಾಲ ಅರುಣ್ ಕುಮಾರ್ ವೈ.ಡಿ., ಮುಖ್ಯೋಪಾಧ್ಯಾಯ ರವಿಕುಮಾರ್ ಕೆ., ಶಾಲಾ ಸಮಿತಿಯಲ್ಲಿ ಉಪನ್ಯಾಸ ಪರ್ಯಾಯ ಅಧ್ಯಕ್ಷ ಆನಂದ್ ಪಿ.ಎಂ. ಉಪಸ್ಥಿತರಿದ್ದರು.

ಏಲಿಯನ್ ವಲ್ಡ್ರ್ಸ್ ಕುರಿತು ಉಪನ್ಯಾಸ

ಐಐಎಸ್ಟಿ ಪ್ರಾಧ್ಯಾಪಕ ಡಾ. ಆನಂದ್ ನಾರಾಯಣನ್ ಅಕ್ಟೋಬರ್ 7 ರಂದು ಐಐಎಸ್‍ಯುನಲ್ಲಿ ನಡೆದ ಕಾರ್ಯಕ್ರಮದಲ್ಲಿ 'ದಿ ಗ್ರೇಟ್ ಸರ್ಚ್ ಫಾರ್ ಏಲಿಯನ್ ವಲ್ಡ್ರ್ಸ್' ಕುರಿತು ಉಪನ್ಯಾಸ ನೀಡಿದರು. ಐಐಎಸ್‍ಯು ನಿರ್ದೇಶಕಿ ಜೋಜಿ ಜೆ. ಚಮನ್ ಮತ್ತು ಅಸೋಸಿಯೇಟ್ ಡೈರೆಕ್ಟರ್ ಉಷಾ ಕೆ. ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ಆಚರಣೆಯ ಭಾಗವಾಗಿ ವಿದ್ಯಾರ್ಥಿಗಳಿಗೆ ವೀಡಿಯೊ ಸ್ಪರ್ಧೆಗಳು ಮತ್ತು ಸಾರ್ವಜನಿಕ ಭಾಗವಹಿಸುವಿಕೆ ಕಾರ್ಯಕ್ರಮಗಳನ್ನು ಒಳಗೊಂಡಿರುವ 'ನಿಮ್ಮ ಸ್ಥಳ' ಕಾರ್ಯಕ್ರಮವನ್ನು ಆಯೋಜಿಸಲಾಗುತ್ತಿದೆ.

ಅಕ್ಟೋಬರ್ 10 ರಂದು ಸಾರ್ವಜನಿಕ ಭಾಗವಹಿಸುವಿಕೆ ಕಾರ್ಯಕ್ರಮ

ಅಕ್ಟೋಬರ್ 10 ರಂದು ತಿರುವನಂತಪುರಂನಲ್ಲಿರುವ ಕೇರಳ ರಾಜ್ಯ ವಿಜ್ಞಾನ ಮತ್ತು ತಂತ್ರಜ್ಞಾನ ವಸ್ತುಸಂಗ್ರಹಾಲಯದಲ್ಲಿ ನಡೆಯಲಿರುವ ಸಾರ್ವಜನಿಕ ಭಾಗವಹಿಸುವಿಕೆ ಕಾರ್ಯಕ್ರಮದಲ್ಲಿ ಐPSಅ ಉಪನಿರ್ದೇಶಕ ಕಿರಣ್ ಮೋಹನ್ 'ಬಿಯಾಂಡ್ ದಿ ಪೇಲ್ ಬ್ಲೂ ಡಾಟ್' ವಿಷಯದ ಕುರಿತು ಮಾತನಾಡಲಿದ್ದಾರೆ.

ತಿರುವನಂತಪುರಂನ ಐಐಎಸ್.ಇ.ಆರ್ ನ ನಿರ್ದೇಶಕ ಪ್ರೊ. ಶ್ರೀನಿವಾಸ ಮೂರ್ತಿ ಶ್ರೀನಿವಾಸಲು ಅವರು ನಂತರ ಐಐಎಸ್,.ಟಿ ನಲ್ಲಿ ಖಗೋಳ ಜೀವಶಾಸ್ತ್ರದ ಕುರಿತು ಉಪನ್ಯಾಸ ನೀಡಲಿದ್ದಾರೆ.

ವಿಶ್ವ ಬಾಹ್ಯಾಕಾಶ ವಾರ ಆಚರಣೆಯ ಸಮಾರೋಪ ಸಮಾರಂಭವು ಅಕ್ಟೋಬರ್ 14 ರಂದು ನಡೆಯಲಿದೆ. ಸಮಾರಂಭದ ಅಧ್ಯಕ್ಷತೆಯನ್ನು ಗಿSSಅ ನಿರ್ದೇಶಕರು ವಹಿಸಲಿದ್ದಾರೆ ಮತ್ತು IIST ಉಪಕುಲಪತಿಗಳು ಸಮಾರೋಪ ಭಾಷಣ ಮಾಡಲಿದ್ದಾರೆ. ಎಲ್.ಪಿ.ಎಸ್.ಸಿ ಮತ್ತು ಐಐಎಸ್.ಯು ನಿರ್ದೇಶಕರು ತಮ್ಮ ಶುಭಾಶಯಗಳನ್ನು ಸಲ್ಲಿಸಲಿದ್ದಾರೆ.