ಟಿಕೆಟ್ ಕಳೆದುಕೊಂಡ 'ತಿರುಓಣಂ ಬಂಪರ್' ವಿಜೇತ; ತಮಿಳುನಾಡು ಮೂಲದ ಸಾದಿಕ್ ಪೋಲೀಸ್ ಠಾಣೆಗೆ

ಕಣ್ಣೂರು; ಈ ಬಾರಿಯ ಕೇರಳ ಲಾಟರಿಯ ತಿರುಓಣಂ ಬಂಪರ್ ವಿಜೇತ ತಾನೆಂದು ತಮಿಳುನಾಡು ಮೂಲದ ಸಾದಿಕ್ ಹೇಳಿಕೊಂಡಿದ್ದಾರೆ. ತಮಿಳುನಾಡಿನ ಮೂಲದ ವ್ಯಕ್ತಿಯೊಬ್ಬರು ತಿರುಓಣಂ ಬಂಪರ್‍ನ ನಿಜವಾದ ಮಾಲೀಕ ಎಂದು ಹೇಳಿಕೊಂಡು ಪಾಲಕ್ಕಾಡ್ ಎಸ್‍ಪಿ ಕಚೇರಿಗೆ ಭೇಟಿ ನೀಡಿರುವುದಾಗಿ ತಿಳಿದುಬಂದಿದೆ.  

ಮೂಲ ಟಿಕೆಟ್ ಕಳೆದುಹೋಗಿದೆ ಮತ್ತು ಮೊಬೈಲ್ ಪೋನ್‍ನಲ್ಲಿ ಅವರ ಪೋಟೋ ಇರುವುದಾಗಿ ಅವರು ತಿಳಿಸಿದ್ದಾರೆ. ಆದಾಗ್ಯೂ, ಇದು ನಕಲಿ ಲಾಟರಿ ಎಂದು ಶಂಕಿಸಲಾಗಿದೆ. ಪೋಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ

ಅವರು ಪ್ರಸ್ತುತಪಡಿಸಿದ ಚಿತ್ರದಲ್ಲಿರುವ ಟಿಕೆಟ್ ಸಂಖ್ಯೆ ಮೂಲ ಪ್ರಥಮ ಬಹುಮಾನದ ಟಿಕೆಟ್‍ಗೆ ಹೊಂದಿಕೆಯಾಗುತ್ತದೆಯೇ, ಚಿತ್ರವನ್ನು ತಿರುಚಲಾಗಿದೆಯೇ ಮತ್ತು ಟಿಕೆಟ್ ಅನ್ನು ಅವರು ನಿಜವಾಗಿಯೂ ಖರೀದಿಸಿದ್ದಾರೆಯೇ ಎಂದು ಸಾಬೀತುಪಡಿಸುವ ದಾಖಲೆಗಳು ಅಥವಾ ಇತರ ಪುರಾವೆಗಳಿವೆಯೇ ಎಂಬುದು ತನಿಖೆಯ ಭಾಗವಾಗಿರುತ್ತದೆ.

ಅದೃಷ್ಟಶಾಲಿ ವಿಜೇತರು ಕಣ್ಣೂರಿನಲ್ಲಿರುವ ಬ್ಯಾಂಕ್ ಮೂಲಕ ಟಿಕೆಟ್ ಸಲ್ಲಿಸಿದ ನಂತರ ತಮಿಳುನಾಡು ಮೂಲದವರು ಈ ಹಕ್ಕು ಮಂಡಿಸಿದರು.

ಪೋಲೀಸರು ಸೇರಿದಂತೆ ಅಧಿಕಾರಿಗಳು ಸಾದಿಕ್ ಅವರ ಹೇಳಿಕೆಯ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದಾರೆ. ಪರಿಶೀಲಿಸಬೇಕಾದ ವಿಷಯಗಳಲ್ಲಿ ಒಬ್ಬ ವ್ಯಕ್ತಿಯು ತನ್ನ ಮೊಬೈಲ್ ಪೋನ್‍ನಲ್ಲಿರುವ ಟಿಕೆಟ್‍ನ ಪೋಟೋವನ್ನು ಆಧರಿಸಿ ಬಹುಮಾನವನ್ನು ಪಡೆಯಬಹುದೇ ಎಂಬುದು ಸೇರಿದೆ.