ನೂತನ ಸೌಲಭ್ಯಗಳೊಂದಿಗೆ ಸಿದ್ಧವಾಗಿರುವ ಕಾಸರಗೋಡು ಕ್ರೀಡಾ ಹಾಸ್ಟೆಲ್

       
     ಕಾಸರಗೋಡು:   ಕಾಡುತ್ತಿದ್ದ ಅಸೌಕರ್ಯಗಳಿಗೆ, ದೂರುಗಳಿಗೆ ವಿದಾಯ ಹೇಳಿ, ನೂತನ ಸೌಲಭ್ಯಗಳೊಂದಿಗೆ ಸರ್ವಸಿದ್ಧವಾಗಿ ಕಾಸರಗೋಡು ಕ್ರೀಡಾ ಹಾಸ್ಟೆಲ್ ಮಿಂಚುತ್ತಿದೆ. 
     ನವೀಕರಣನಿಟ್ಟಿನಲ್ಲಿ ಕ್ರೀಡಾ ಇಲಾಖೆ ಮಂಜೂರು ಮಾಡಿದ್ದ 1.2 ಕೋಟಿ ರೂ. ವೆಚದಲ್ಲಿ ನೂತನ ಕಟ್ಟಡ ನಿರ್ಮಾಣಗೊಂಡಿದ್ದು, ಒಂದು ವರ್ಷದ ಅವಧಿಯಲ್ಲಿ ಕಟ್ಟಡ ನಿರ್ಮಾಣ ಪೂರ್ತಿಗೊಂಡಿದೆ.
        ಆ.11ರಂದು ನೂತನ ಹಾಸ್ಟೆಲ್ ನ ಉದ್ಘಾಟನೆ ಜರುಗಲಿದ್ದು, ರಾಜ್ಯ ಕ್ರೀಡಾ ಸಚಿವ ಇ.ಪಿ.ಜಯರಾಜನ್ ಉದ್ಘಾಟಿಸುವರು. ಜಿಲ್ಲೆಯಲ್ಲಿ ಅತ್ಯುತ್ತಮ ಕ್ರೀಡಾಲೂಗಳಿದ್ದೂ, ಇವರಿಗೆ ಬೇಕಾದ ತರಬೇತಿ ಲಭಿಸದೇ ಇದ್ದುದು ದೊಡ್ಡ ಸಮಸ್ಯೆಯಾಗಿತ್ತು. ನೂತನ ಹಾಸ್ಟೆಲ್ ನಿರ್ಮಾಣ ಮೂಲಕ ಎಲ್ಲ ಸಮಸ್ಯೆಗಳಿಗೂ ಇತಿಶ್ರೀಯಾಗಲಿದೆ.
      15 ವರ್ಷಗಳಹಿಂದೆ ನಿರ್ಮಸಿಲಾಗಿದ್ದ ಹಳೆಯ ಹಾಸ್ಟೆಲ್ ನಲ್ಲಿ ಈಗ 45 ಮಂದಿ ಮಕ್ಕಳು ವಸತಿ ಹೂಡಿ ಕಲಿಕೆ ನಡೆಸುತ್ತಿದ್ದಾರೆ. ಪ್ರೌಢಶಾಲಾ ಮಟ್ಟದಿಂದ ಕಾಲೇಜು ವಿದ್ಯಾರ್ಥಿಗಳು ಇಲ್ಲಿದ್ದಾರೆ. ಇವರು ಅತ್ಲೆಟಿಕ್ಸ್, ಕಬಡ್ಡಿ, ವಾಲಿಬಾಲ್ ರಂಗದಲ್ಲಿ ಪ್ರತಿಭೆ ತೀರುತ್ತಿರುವ ಮಕ್ಕಳು. 
       ನೂತನ ಹಾಸ್ಟೆಲ್ ನಲ್ಲಿ 60 ಮಂದಿಮಕ್ಕಳು ವಸತಿಹೂಡಿ ಕಲಿಕೆ ನಡೆಸುವ ಸೌಲಭ್ಯಗಳಿವೆ. ಮಕ್ಕಳಿಗೆ ಕಲಿಕೆಯ ಜತೆಗೆ ಹಾಸ್ಟೆಲ್ ಒಳಗಡೆಯೇ ಜಿನಾಶಿಯಂ ಸಹಿತ ಸೌಲಭ್ಯಗಳು ಸಿದ್ಧವಾಗಿವೆ. ಈಗ ಎರಡು ಎಕ್ರೆ ಜಾಗದಲ್ಲಿ ಹಾಶ್ಟೆಲ್ ಕಟ್ಟಡ ಸಿದ್ಧಗೊಂಡಿದೆ. ಮಕ್ಕಳಿಗೆಬೇಕಾದ ಹಾಸುಗೆ, ತಲೆದಿಂಬು ಸಹಿತ ಅಗತ್ಯದ ಎಲ್ಲ ಸೌಲಭ್ಯಗಳನ್ನೂ ಕ್ರೀಡಾಮಂಡಳಿ ಒದಗಿಸಲಿದೆ. ಈಜು ಕೆರೆ, ಇಂಡೋರ್ ಕೋರ್ಟ್ ನಿರ್ಮಿಸುವ ಯೋಜನೆಯನ್ನೂ ಕ್ರೀಡಾ ಮಂಡಳಿ ಸರಕಾರಕ್ಕೆ ಸಲ್ಲಿಸಿದೆ.
    ಕ್ರೀಡಾ ಹಾಸ್ಟೆಲ್ ನವೀಕರಣದ ಜೊತೆಯಲ್ಲಿ ಚಾಯೋತ್ ಸರಕಾರಿ ಹೈಯರ್ ಸೆಕೆಂಡರಿ ಸಾಲೆಯಯಲ್ಲಿ ನೂತನ ಕ್ರೀಡಾ ವಿಭಾಗ ಈ ವರ್ಷ ಚಟುವಟಿಕೆ ಆರಂಭಿಸಲಿದೆ. 7 ನೇ ತರಗತಿ ಮಲೆಯಾಳಂ ವಿಭಾಗದಲ್ಲಿ ಇದು ಶುರುವಾಗಲಿದೆ. ಇದಲ್ಲದೆ ಜಿಲ್ಲೆಯನ್ನು ಕ್ರೀಡಾ ವಲಯದಲ್ಲಿ ಮುನ್ನಡೆ ಸಾಧಿಸುವಂತೆ ನಡೆಸುವ ಚಟುವಟಿಕೆಗಳ ಅಂಗವಾಗಿಜಿಲ್ಲಾಡಳಿತೆ, ಜಿಲ್ಲಾ ಪಂಚಾಯತ್, ಕ್ರೀಡಾ ಮಂಡಳಿ ಜಂಟಿವತಿಯಿಂದ ಜಿಲ್ಲಾ ಕ್ರೀಡಾಂಗಣ ನಿರ್ಮಾಣದ ಯೋಜನೆಯನ್ನು ಕಾಸರಗೋಡು ಅಭಿವೃಧ್ಧಿ ಪ್ಯಾಕೇಜ್ ನಲ್ಲಿಅಳವಡಿಸಿ ಜಾರಿಗೊಳಿಸಲಾಗುವುದು. ಕಿಫ್ ಬಿ ಯೋಜನೆಯಲ್ಲಿ ಅಳವಡಿಸಿ 30 ಕೋಟಿ ರೂ. ವೆಚ್ಚದಲ್ಲಿ ತ್ರಿಕರಿಪುರದ ಕ್ರೀಡಾಂಗಣದ ಉದ್ಘಾಟನೆಯೂ ಆ.11ರಂದು ಸಚಿವ ಇ.ಪಿ.ಜಯರಾಜನ್ ನಿರ್ವಹಿಸುವರು.