ಕೋವಿಡ್ ಲಸಿಕೆ ವಿತರಣೆ; ದಟ್ಟಣೆ ಕಡಿಮೆ ಮಾಡಲು ಸ್ಪಾಟ್ ನೋಂದಣಿ

       ತಿರುವನಂತಪುರ: ರಾಜ್ಯದಲ್ಲಿ ಕೋವಿಡ್ ಲಸಿಕೆ ವಿತರಣೆಯಲ್ಲಿನ ಸಮಸ್ಯೆಗಳನ್ನು ಪರಿಹರಿಸಲು ಹೊಸ ವ್ಯವಸ್ಥೆಯನ್ನು ಪರಿಚಯಿಸಲು ಸರ್ಕಾರ ನಿರ್ಧರಿಸಿದೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ಈ ಬಗ್ಗೆ ಸ್ಪಷ್ಟೀಕರಣ ನೀಡಿದ್ದು, ಜನರು ಧಾವಂತದಲ್ಲಿ ಆಗಮಿಸುವ ಅಗತ್ಯವಿಲ್ಲ ಮತ್ತು ಪ್ರಸ್ತುತ ರಾಜ್ಯದಲ್ಲಿ ಲಸಿಕೆ ಸಂಗ್ರಹವಿದೆ ಎಂದು ಹೇಳಿದರು. ದಟ್ಟಣೆ ಕಡಿಮೆ ಮಾಡಲು ಸ್ಪಾಟ್ ನೋಂದಣಿಯಲ್ಲಿ ಟೋಕನ್ ವ್ಯವಸ್ಥೆಯನ್ನು ಜಾರಿಗೆ ತರಲಾಗುವುದು.

        ಸ್ಪಾಟ್ ನೋಂದಣಿಯನ್ನು ಮಧ್ಯಾಹ್ನದ ಮೊದಲು 50 ಪ್ರತಿಶತ ಮತ್ತು ಮಧ್ಯಾಹ್ನದ ನಂತರ 50 ಶೇಕಡಾ ಎಂದು ವಿಂಗಡಿಸಲಾಗುವುದು. ಆನ್ ಲೈನ್‍ನಲ್ಲಿ ಭೇಟಿ ನೀಡುವವರಿಗೆ ಮತ್ತು ಖುದ್ದಾಗಿ ಬರುವವರಿಗೆ ನಿಗದಿತ ಸಂಖ್ಯೆಯನ್ನು ಅನುಮತಿಸಲಾಗುತ್ತದೆ. ಪೆÇೀರ್ಟಲ್ ನಲ್ಲಿ ಗರಿಷ್ಠ ಬುಕಿಂಗ್ ಮತ್ತು ವ್ಯಾಕ್ಸಿನೇಷನ್ ಕೇಂದ್ರವನ್ನು ವ್ಯವಸ್ಥೆಗೊಳಿಸಲಾಗಿದೆ. 

      ಕಳೆದ ಕೆಲವು ದಿನಗಳಲ್ಲಿ, ಲಸಿಕೆ ಪಡೆಯಲು ಅನೇಕ ಕೇಂದ್ರಗಳಲ್ಲಿ ವಿಪರೀತ ಜನಸಂದಣಿ ಕಂಡುಬಂದಿದೆ. ಕೋವಿನ್ ಪೋರ್ಟಲ್ ನಲ್ಲಿ ನೋಂದಾಯಿಸಲು ಸಾಧ್ಯವಿಲ್ಲ ಮತ್ತು ಹೆಚ್ಚಿನ ಜಿಲ್ಲೆಗಳಲ್ಲಿ ಬುಕಿಂಗ್ ಮಾಡಲು ಆನ್ ಲೈನ್ ಸ್ಲಾಟ್‍ಗಳು ಲಭ್ಯವಿಲ್ಲ ಎಂಬ ದೂರುಗಳಿವೆ.